楊明加入《愛回家》出演正氣角色！出獄後工作不斷獲安排洗底？！
Photo from TVB
《一舞傾城》於2022年中拍攝，當時楊明嘅「醉駕案」仲未定罪，喺劇中有一幕係由楊明開車送陳法蓉，播出後由於楊明因「不小心駕駛」及「車窗玻璃光度不足」兩罪名成立被判入獄18日，因此劇中佢揸車一幕令唔少網友感尷尬。
Photo from TVB
Photo from TVB
雖然經歷過超過半個月嘅鐵窗生活，但出獄後嘅楊明工作似乎都未有受到影響，《一舞傾城》嘅宣傳活動佢亦如常出席。近日更有報道指楊明將加入處境劇《愛回家之開心速遞》！
Photo from TVB
有指楊明會飾演雷公（白彪飾演）嘅私生子，個性戇直，但好有正義感。早前佢嘅女友莊思明亦有出演《開心速遞》，於劇中飾演國際名模「張愛盈Win」，唔知將來佢哋會否情侶檔合作演對手戲？！
Photo from TVB
Photo from TVB
《開心速遞》作為TVB最長壽嘅處境劇，多年嚟曾捧出多個入屋角色，包括「金城安」周嘉洛、「朱凌凌」吳偉豪、「大小姐」林淑敏、「Terry」李偉健、「三太」樊亦敏等，楊明今次加入《愛回家》有機會憑角色入屋「洗底」。
Photo from TVB
Photo from TVB
事實上楊明嘅工作量並未有醉駕入獄而有好大嘅影響，佢現時亦有份拍攝新劇《NEWS新聞女王》，《NEWS新聞女王》係視后佘詩曼相隔6年嘅回巢之作，同劇仲有馬國明、李施嬅、譚俊彥等主演，絕對係TVB嘅重頭劇！
Photo from TVB
另一邊楊明出事，女友莊思明不離不棄，更明言非君不嫁，楊明亦承諾會照顧女友一生一世，相信兩人應該就快好事近。
Photo from 莊思明IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
楊明18日入獄生活曝光？！飲食由營養師搭配，一卷廁紙用到出獄？！
23 Dec 2022
楊明不小心駕駛罪成，判監18日，佢申請上訴被駁回，需即時服刑。據悉佢將會喺獄中度過今年聖誕節，有指佢為保安全要求保護。其實懲教署之前曾經公開獄中情況，在囚人士嘅生活唔算好差。
Photo from TVB
楊明需要接受「直腸檢查」，或於赤柱監獄服刑
楊明首先會到荔枝角收押所，按照程序入獄後佢需要接受「直腸檢查」，確保體內沒有藏有任何不當物品，不過係用X光機，毋須與檢查者有身體接觸。之後佢要辦理收押手續，領取囚服、號碼等。楊明判刑後被送往荔枝角收押所，不過有指佢之般會被送往赤柱監獄服刑。
Photo from TVB
Photo from TVB
Photo from 香港電台
囚室公開！楊明每日要步操同做密集式體能訓練？！
根據規例，監獄內囚室不論大小、照明、通風、都要符合健康需要，所以昏暗嘅囚室只係電影內出現，實際上監獄內囚室十分光猛。在囚人士要瞓「纖維床」，雖然十分硬，但獄中會提供床墊，可用於墊床。
Photo from TVB
Photo from TVB
另外在囚人士每晚要換上條紋睡衣，朝早起身為則要換上啡色制服，以及將床被等全部摺好。在囚人士每日都要步操同做密集式體能訓練，相信楊明喺呢18日都要日日步操。
Photo from TVB
Photo from TVB
Photo from TVB
在囚人士冬天會獲發保暖物品，但沖澡時或會熱水不足
嚟緊幾日天氣寒冷，以往懲教署曾安排傳媒進入赤柱監獄參觀，了解獄中生活。據悉在囚人士冬天會獲發一套保暖衣物、以及5張毛氈，天氣特別凍時更可獲增發多1～2張毛氈。
Photo from TVB
不過近年有唔少報道指出赤柱監獄嘅在囚人士表示監獄禦寒措施不足，尤其係赤監獄因地理位置特別凍，加上獄中用儲水式熱水爐，在囚人士往往沖澡時都會遇到熱水不足嘅問題，獄中熱水亦都唔夠熱。
Photo from HKCSD
Photo from TVB
楊明坐18日獲發一卷廁紙，獄中飲食由營養師搭配
獄中資源有限，在囚人士每3個星期會獲發一卷廁紙，以楊明入獄18日嚟講都只會獲發一卷，不過在囚人士親友每月可到訪探望2次，所以楊明女友莊思明都可以探望佢時將符合規格嘅用品上交。
Photo from HKCSD
Photo from 莊思明IG
喺飲食方面在囚人士餐單由合資格嘅營養師釐定，懲教署現時提供4類主要餐膳：以米飯為主食嘅第1類餐、以咖喱同薄餅為主食嘅第2類餐、以薯仔同麵包為主食嘅第3類餐及全素食嘅第4類餐。雖然賣相不佳，但營養亦有保證。
Photo from HKCSD
Photo from 有線新聞
傳楊明要求保護，或入住「水飯房」？！
有指楊明擔心自己安全，向獄方要求保護。一般而言身份特殊需保護嘅在囚人士會被安排入住俗稱「水飯房」嘅獨立囚室，有一張「纖維床」、枱、凳，以及不銹鋼坐廁等。
Photo from 楊明IG
Photo from TVB
Photo from HKCSD
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
