譚嘉儀旅遊興奮打卡卻惹爭議！被網民批犯日本禁忌急刪相

所謂「入鄉隨俗」，去旅行最好留意下當地嘅一啲注意事項。近日歌手譚嘉儀就去咗日本東京旅遊，途中更遇到羅志祥（小豬）添！去旅行嘅譚嘉儀影咗唔少相，但卻被指犯咗日本禁忌，譚嘉儀亦即時刪相再upload過！

Photo from 譚嘉儀IG

譚嘉儀與葉泓聲陳樂瑤飛東京旅行

唔同嘅國家都有唔同嘅文化，去旅行之前做下功課了解當地嘅風俗，以免犯咗禁忌，其實都係對當地人嘅尊重。日前譚嘉儀就飛去東京旅行，佢喺IG post咗唔少旅行照同fans分享。

Photo from 譚嘉儀IG

譚嘉儀同好朋友天堂鳥前成員葉泓聲（Gordon）、陳樂瑤同行，更喺SHIBUYA SKY見證好友求婚，譚嘉儀表示十分感動，難得嚟到又排咗近45分鐘先影相，佢都把握時間打卡。

Photo from 譚嘉儀IG

Photo from 譚嘉儀IG

學生look原宿行街偶遇小豬羅志祥

今次旅程譚嘉儀仲喺原宿行街時遇到小豬羅志祥！佢即時化身小fans同小豬合照：「實在太幸運? 真的好帥啊！」去到年輕人最愛嘅潮流地原宿，譚嘉儀悉心打扮學生look行街。

Photo from 譚嘉儀IG

即睇更多人氣文章：
迪士尼/漫威電影檔期大延遲！《阿凡達6》要等8年！2部《復仇者聯盟》延期1年！唯獨呢部提早上映！
東京美食｜隱世立食壽司店0.6元壽司！每日唔同款！即睇地址、交通

Photo from 譚嘉儀IG

譚嘉儀地鐵打卡被指犯日本禁忌

佢搭地鐵代步，當然唔少得影返幾張相記錄返當日嘅行程啦！不過其中一張相卻被指犯咗日本禁忌！譚嘉儀喺地鐵車廂打卡，但車廂內嘅其他乘客都有入鏡，有網友指佢咁做係犯咗日本人嘅大忌！

Photo from 譚嘉儀IG

因為日本人十分注重私隱，所以影相應盡量避免其他人入鏡，即使喺公眾地方影相，要公開照片都應該要幫相中嘅途人「打格仔」，而譚嘉儀就咁將張相放上公開嘅IG，做法惹爭議。

Photo from 譚嘉儀IG

刪相遮一個人樣再上傳，譚嘉儀之前著貝兒公主裙入迪士尼惹爭議

之後譚嘉儀將相片刪除再上傳，今次佢將左上角一位乘客嘅面部以sticker遮蓋，但其他嘅乘客都無打格。被問卡通人樣係咩玩法，譚嘉儀表示：「可愛點」，從照片中可見被sticker遮面嘅乘客應該係正面出鏡，相信係因為其他人主要都係影到側面或背影，所以就無再幫佢哋打格。

Photo from 譚嘉儀IG

其實今次唔係譚嘉儀首次惹爭議，之前佢入迪士尼樂園扮《美女與野獸》入面嘅貝兒公主，被質疑違反迪士尼官方規定。

Photo from 譚嘉儀IG

相關文章：譚嘉儀入迪士尼樂園著公主裙扮貝兒，被指違規！官方唔准成人扮演角色？！

相關文章：譚嘉儀靠唱劇集歌搬入海景豪宅！豪宅裝修奢華、擁180度靚景露台

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本旅遊｜12大禁忌必睇！入鄉隨俗免出事，紋身不可浸溫泉？

20 Apr 2023

日本開關後唔少香港人都陸續買咗機票「返鄉下」，不過入鄉隨俗，大家封旅行之前都要留意下當地嘅一啲注意事項，以免犯咗禁忌～以下呢12大禁忌可以作為參考，都係對當地人嘅尊重。

Photo from HolidaySmart

1. 唔可以一邊行一邊食嘢

香港有唔少街頭小食，好多時喺街都會見到有人邊行邊食，但呢個行為喺日本卻係十分失禮。好彩喺疫情期間都少咗人會邊行路邊食嘢，喺日本部分地方邊行邊食甚至會被罰款！

2. 喺交通工具上唔可以傾電話

日本人搭地鐵等交通工具時多數都會將手機較靜音，雖然旅客搭交通工具打電話嘅情況唔多，但大聲交談同樣都非常失禮，大家喺日本搭地鐵時記得保持安靜，將手機較成靜音，以免whatsapp等會發出聲響～

3. 除鞋後，整理好鞋子並將鞋尖向外擺放

日本有好多餐廳都有榻榻米，會要求食客除鞋入內，大家除鞋之後要將一對鞋子擺放整齊，鞋尖向外。

4. 唔好影到路人嘅樣

日本十分重視個人私隱，即使係電視節目都唔會隨便公開市民嘅樣，所以去旅行景點影相時盡量避免將路人拍攝入鏡，以免會令對方感到不快。

5. 搭扶手電梯時企位要注意

喺香港大部分人搭扶手電梯都會企喺右手邊，空出左邊畀人行上去，但日本唔同地方有唔同嘅規矩，大家到時不妨留意一下當地人嘅做法。

6. 結帳時唔好直接將錢放喺店員手上

日本嘅收銀台好多時都會提供一個碟，等顧客將金錢放喺碟上，直接咁畀錢店員反而係一種失禮嘅行為。

即睇更多人氣文章：
26歲女追求71歲老伯，婚後為對方誕下一子！忘年戀夫妻近況公開
內地女模周韋彤拍片自爆整容失敗 直認愈整愈差好後悔 坦言整容毁一生

7. 不可用筷子互傳食物

點樣用筷子喺香港都有好多禁忌，其中好多人分享食物時會用筷子傳遞，呢個行為喺日本要小心，用筷子夾別人筷子上嘅食物喺日本非常不吉，但以筷子分食物就無問題。

8. 壽司一定要一口食晒

日本嘅壽司都係做成一口大小，一啖食晒即可感受到食材同飯結合嘅精粹，因此如果將一舊壽司分開食就唔夠尊重師傅。

9. 食拉麵盡量唔好咬斷麵條

好多人都覺得去日本食拉麵要吸出聲先係對師傅嘅尊重，其實日本人食拉麵時都習慣唔會咬斷啲麵，曾經有人咬斷拉麵而喺網上引起日本網友唔滿。

10. 注意垃圾分類

日本係注重垃圾分類嘅國家，所以大家去觀光時記得留意返街上嘅垃圾桶類別，唔好亂咁掉垃圾入去！

11. 有紋身嘅人士唔可以浸溫泉

喺日本有啲地方會寫明有紋身嘅人士唔可以入內，大家要小心，呢個算係日本嘅傳統，不過近年已有部分嘅店家會出售膠布，有紋身嘅人士可以買嚟遮住身上嘅紋身。

12. 唔可以包住浴巾浸溫泉

喺日本浸溫泉都係唔可以圍浴巾、著泳衣，店家大數會提供一大一細2條毛巾，細毛巾係用嚟抹臉、大毛巾係用嚟抹乾身上嘅水珠之用。

相關文章：盤點7個關於飛機的冷知識！座位上方三角形標誌有隱藏含義/高空下會影響味蕾？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）