鍾培生Toyz記者會起衝突，現場一片混亂！兩人回應火藥味超濃

時事熱話娛樂新聞

By Jennifer on 04 Jul 2023

Digital Editor

鍾培生與前LOL職業選手Toyz（劉偉健）將於台北小巨蛋開打，但喺過磅記者會上兩人卻起衝突，鍾培生突然出手「一巴車埋」Toyz面上，Toyz即反擊，後兩人被拉開，場面一片混亂！

Photo from 鍾培生Facebook

鍾培生之前同林作嘅決戰曾成為網民熱話，雖然拳賽係鍾培生贏出，但林作亦獲得$100萬。同完林作打，鍾培生打到去台灣，今次佢嘅對手係前電競選手Toyz。

Photo from 鍾培生Facebook

Toyz係之前係英雄聯盟電子競技職業選手，更獲得S2英雄聯盟世界大賽冠軍，佢退役後做過教練，現為網路遊戲實況主兼YouTuber。鍾培生作為「電競之父」同Toyz都有一段淵源。

Photo from Toyz IG

Toyz奪冠時效力於台灣職業隊伍，佢後來轉會到鍾培生旗下嘅隊伍HKA，但期後Toyz同隊伍因為合約糾紛而於法庭相見，事隔多年佢哋更喺台北小巨蛋對決，事前嘅記者會已充滿火藥味。

Photo from 鍾培生Facebook

鍾培生同Toyz近年都有唔少新聞，喺記者會上Toyz寸爆指鍾培生係「敗家仔」，更直言：「你呢世人贏到我嘅得投胎咋！」鍾培生亦唔示弱，指Toyz之前涉與違禁品有關，火藥味超濃！

Photo from 鍾培生Facebook

喺決戰前夕，兩人召開過磅記者會，公開兩人磅數，鍾培生同Toyz體重差唔多，都係62kg左右，不過喺記者會上佢哋亦一如以往互相挑釁，期間鍾培生更出手一巴摑落Toyz塊面度！

Photo from 鍾培生Facebook

被兜巴星嘅Toyz即推開對方欲反擊，兩人隨即被拉開，現場一片混亂。事後Toyz指鍾培生出手唔夠狠，佢向鍾培生大嗌：「拜託大力一點，打這麼軟？」鍾培生則表示：「沒有人可以詆毁我家人」，但亦有人認為兩人只係做騷，為聽日舉生嘅對決增添話題。

Photo from 鍾培生Facebook

Photo from Toyz IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

鍾培生直言拳賽收益比預期多！門票全部售罄/會場出售紀念品

20 Sep 2021

鍾培生同林作嘅拳賽已經於舉辦完畢，而拳賽中亦成為咗網民們嘅討論熱話！鍾培生曾經透露拳賽嘅收益比預期中高，現場門票亦全部售罄，而佢亦有同服裝品牌聯乘推出周邊Tee同外套，難怪佢膽粗粗話要加碼俾林作啦～

Photo from 鍾培生IG

#鍾培生：拳賽收入比預期中多！

鍾培生同林作嘅「林鍾一戰」終於喺9月18號完滿結束！佢哋經過4回合嘅激鬥，最終鍾培生以點數贏林作，佢表示未能如願K.O.對方感到十分可惜！除咗關注拳賽嘅結果外，網民亦將焦點放咗喺拳賽嘅收入，而鍾培生就曾經透露過拳賽嘅收入比佢預期中高，令大家更加好奇！

Photo from 鍾培生IG

#網民曾批門票太貴！

《培生擂台無敵盃》嘅門票早於7月12日就開始公開發售，門票嘅價格就分為3個唔同嘅組別：港幣$1,280至$2,580嘅一般組別、港幣$4,800至$8,800嘅VIP 組別、港幣$12,800至$28,800元的VVIP組別。唔少網民都對於門票嘅價錢感到驚訝，認為價錢實在太「離地」，就連林作當時都忍唔住話「應該得你爸爸會買飛」！