5大女性獨遊更安全國家推薦！BBC選出！日本一設施對女生友好
有時候去旅行未必同到家人朋友或另一半夾到時間，唔少人會選擇獨遊，而女生獨遊面臨嘅安全問題就要份外重視。BBC就曾經參考咗喬治城大學女性和平與安全指數（WPS）、世界經濟論壇全球性別差距報告以及經濟與和平研究所全球和平指數（PGP），又同有獨遊經歷嘅女性交談，列出5大女性獨遊更安全嘅國家。
Photo from 《愛的迫降》劇照
Photo from 《七月與安生》劇照
1. 斯洛文尼亞（Slovenia）
BBC指出斯洛文尼亞喺中歐及東歐嘅WPS指數中排名非常靠前，根據有關指數，85%嘅女性喺當地感到安全。其中一位受訪女性Claire Ramsdell就表示喺當地並未遇到導航問題、語言障礙，佢指斯洛文尼亞嘅首都十分適合徒步旅行嘅人士，戶外景色十分吸引。
Photo from 國家地理雜誌
2. 盧旺達（Rwanda）
根據WPS數據，盧旺達議會中有55%議員由女性代表組成，其議會性別平等排名世界第一，因此盧旺達社會對女性較友好。另外該指數喺社區安全感方面嘅排名選都喺前面。受訪女士Rebecca Hansen2019年從丹麥搬到盧旺達，佢表示：「幾乎所有地點、朝早同夜晚嘅任何時間都有警察、保安同軍隊喺附近。」
Photo from 國家地理雜誌
3. 阿聯酋（The United Arab Emirates）
BBC指阿聯酋喺中東及北非嘅WPS中女性教育同金融包容性得分最高，根據旅遊保險公司Insure My Trip嘅指數，杜拜獲評為單身女性旅行者最安全嘅城市。其中一個受訪網紅則表示試過一次車胎漏氣，佢直接將車停喺沙漠中央，無攞走車匙，就係因為對該地有安全感。
Photo from United States Department of State
Photo from CNN
4. 日本（Japan）
日本獲全球和平指數評為世界十大最安全嘅國家之一，BBC指日本設有女性專用車廂、女性專用住宿等，對獨遊女性友好。加上日本有「單身旅遊文化」，好多地方都有單人卡拉OK、單人拉麵店、單人溫泉等，對於獨遊人士嚟講，去日本旅遊會有唔錯嘅體驗。
Photo from Airbnb
Photo from BBC
Photo from 《我要準時下班》劇照
5. 挪威（Norway）
挪威於WPS中排名第一，其中喺女性社區安全方面嘅得分亦係最高，挪威亦一直位居世界上性別最平等同最幸福國家前10名。BBC指出挪威係獨身女性嘅理想地方。一位住喺奧斯陸嘅居民Torunn Tronsvang表示：「你去洗手間嗰陣，可以放心咁請隔離枱嘅人幫手睇住你嘅行李。」 佢亦指當地唔少企業都係由女性經營，包括餐廳同旅店。
Photo from Lonely Planet
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
想食咩/去邊都唔駛就人！獨遊7大理由 試咗一次就會上癮
9 May 2019
鍾意獨遊嘅朋友應該都會畀人問過，一個人去好似好毒咁，點解會想自己去旅行？其實去過一次就會明白獨遊嘅快樂，下次畀人問可以畀呢篇文佢地睇！
雖然一個人旅行睇落好似好孤獨咁，其實試過就知自由自在咁，可以話走就走，話飛就飛，話唔定仲會識到新朋友添！如果未試過獨遊，又有少少興趣嘅話，可以睇睇呢篇推介新手獨遊去邊啲城市嘅文章（詳情：推介5個適合第一次獨遊城市）
Photo from SHUTTERSTOCK
1. 搶平機票容易啲
唔少航空公司都會突然推出平機票，搶一張都會易過搶兩張，而且搶過平機票都知道旅行日期真係好睇個平機票係搵到咩日子，如果係一個人去就唔駛左夾右夾大家啱嘅期，仲要就埋平機票個日期。獨遊嘅話見到平機票，心動就可以即刻行動～
2. 同朋友夾時間去旅行可能會夾到唔知幾時
上面都有提到，如果係突然好想去旅行，同朋友去就要夾自己同公司同事嘅期，仲要等埋同行旅伴睇睇邊個日期得閒。出到嚟社會，夾日期去旅行係最難，就會令到想去旅行一拖再拖。如果自己一個去就無呢個問題～
Photo from SHUTTERSTOCK
3. 要遇到個好旅伴唔容易
唔少人都話「相見好同住難」，仲有一種係平時可以好friend，但去旅行先見真章，就知道要搵一個好又夾嘅旅伴一啲都唔容易，同埋好難避免計劃行程、旅行分分鐘仲會嘈交，變左去完旅行關係差咗。
4. 想要急嘅行程就急，想hea行就hea行
同其他人旅行就要顧及旅伴想急定係想hea，有啲人去旅行要好早起身，想玩盡晒成日；有啲人就鍾意hea遊，瞓夠先去玩。不過同你一齊去旅行嘅旅伴未必同你同type。自己去嘅話，就可以隨時因應唔同情況，甚至靈機一觸話去就去一啲想去嘅地方。
Photo from SHUTTERSTOCK
5. 會更容易識到新朋友
通常一大班人就會比較難認識喺旅程中識到新朋友，但當一個人去唔同景點或入住hostel，就會容易認識到同樣都係獨遊嘅朋友或當地人，都係會成為旅程中嘅意外驚喜。
Photo from SHUTTERSTOCK
6. 想食咩同去邊全部都可以自己決定，唔駛刻意遷就人
同朋友、屋企人或另一半去都會考慮埋大家鍾意食咩、想去邊，好多時就要面對取捨，遷就旅伴就可能無得去自己真正想去嘅地方，造成咗遺憾。獨遊就可以自己鍾意食咩、去邊、玩咩都係自己嘅意思，可以自由啲、輕鬆啲。
7. 可以更加了解自己
自己一個旅行會有更多時間獨處同沉思，會有更多時間同自己對話，同埋可能原本以為自己做唔到獨遊，原來係可以，甚至好enjoy。
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
