《周遊關西》周奕瑋爆有港人No Show！京都天婦羅小店面臨營運壓力

「日本通」周奕瑋早前主持嘅旅遊節目《周遊關西》介紹咗唔少當地嘅景點同餐廳等，近日佢喺Facebook表示其中一間天婦羅小店嘅老闆同佢講最近有唔少香港旅客預約咗但最後卻「No Show」！令小店增添營運壓力。

Photo from 周奕瑋Facebook

周奕瑋主持嘅旅遊節目周遊系列一向受歡迎，早前播出嘅《周遊關西》介紹咗唔少CP值超高嘅餐廳同埋新嘅景點。其中包括一間位於京都嘅天婦羅專門店「天ぷら天寅」。

Photo from TVB

周奕瑋喺Facebook發文指接到天ぷら天寅老闆求助，指獲節目介紹後多咗港人惠顧，但唔少人預約咗之後當日冇出現，又無Cancel Booking，「No Show」對小店營運增加咗壓力，周奕瑋勸籲：「希望大家可以做一個有溫度嘅遊客、有溫度嘅顧客。唔好No Show，就算去唔到都聯絡返舖頭啦??☺️」

Photo from 周奕瑋Facebook

Photo from TVB

Photo from 周奕瑋Facebook

另外老闆亦表示小店嘅Facebook同IG DM係唔接受預約嘅，建議大家用ぐるなび或者食べログ預約，如果唔識日文嘅可以拜託識日文嘅朋友、或者酒店職員幫手打電話去Book。

Photo from TVB

即睇更多人氣文章：
日本外國遊客消費排行榜！香港人以916億円排第五、中國只得第三名！
港女搭的士遺失iPhone，司機勁可疑！重遇同一架車，後續發展峰迴路轉

Photo from TVB

周奕瑋Facebook全文：

各位好。
唔知大家記唔記得，
呢間我喺《周遊關西》介紹過嘅京都天婦羅專門店呢？
最近收到老闆嘅聯絡，
希望可以幫幫佢手。
事緣係，
佢好感激好多睇咗節目嘅朋友去支持佢，
亦都好多謝大家嘅預約。
不過可能當中有部份大頭蝦唔記得咗、
或者臨時行程有變嘅朋友，
預約咗之後當日冇出現....但又無Cancel Booking...
對於小店嘅營運來講，實在係會添加壓力㗎。
希望大家可以做一個有溫度嘅遊客、有溫度嘅顧客。
唔好No Show，就算去唔到都聯絡返舖頭啦??☺️
另外，老闆都希望我可以同大家講聲，
佢地嘅Facebook同IG DM係唔接受預約㗎，
所以Send Direct Message 係book 唔到枱嘅。
識日文嘅朋友可以用ぐるなび或者食べログ預約。(網上預約喺一個月前就可以book)
唔識日文嘅朋友，
都可以拜託識日文嘅朋友、又或者酒店職員幫手打電話去Book。
唔知大家睇唔睇到呢個Post，
但我想幫老闆出分綿力，
因為佢真係好用心整天婦羅俾大家食、
好用心咁做好間舖頭。
希望各位幫幫手啦。
#希望大家可以睇晒個post啲字
#唔好NoShow啦
#同埋麻煩Share出去吖
#先代老闆多謝大家
天ぷら天寅　京都新風館店

Photo from TVB

而「天ぷら天寅　京都新風館店」嘅官方Facebook亦有留言：「感謝您與香港各界人士的精彩會面！ 感謝?」，唔少網友都表示No Show行為令香港人丟臉，建議老闆收訂金避免有人預約後No Show。

Photo from 周奕瑋Facebook

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

周遊關西｜6大食買玩景點！和歌山天空之鏡/隱世宮崎駿《天空之城》打卡地

13 Jun 2023

「日本通」周奕瑋Jarvis新節目《周遊關西》播出，和歌山4日3夜之旅第一集就介紹咗6個景點，包括和歌山天空之鏡、豪華海鮮宴、無人島露營、九種士多啤梨任摘放題、天空之城打卡地等！

和歌山天空之鏡

關西新興打卡點「和歌山天空之鏡」天神崎，不過要達成天空之鏡係有3個條件：第一，要係潮退嘅時間，水位介乎140～150cm之間；第二，必須係晴天；第三，唔可以太大風，否則就做唔到波平如鏡嘅效果。

周奕瑋推薦日落時份過嚟打卡，效果更震撼！不過一個月只有2日機會可以影到「黃昏X天空之鏡」，快啲mark底打卡日：6月15日/30日、7月14日/29日、8月11日/26日、9月8日/24日、10月8日/23日、11月7日/8日、12月8日/9日/23日。

交通：由JR紀伊田邊站出發，乘坐龍神巴士（みなべ線）於「明洋前」站下車，徒歩約15分鐘；或騎單車前往，需時約20分鐘

和歌山當地人推介白濱Toretore市場

好多人去和歌山都會去黑潮市場，但周奕瑋表示唔少當地朋友都會去Toretore市場，不論規模、新鮮程度、CP值都唔輸黑潮市場，除咗刺身，仲可以BBQ，原條真鯛魚刺身$100有找！

白濱とれとれ市場（Toretore Ichiba）
地址：和歌山県西牟婁郡白浜町堅田 2521
交通：於JR白濱站轉乘明光巴士於「とれとれ市場」站下車

白濱無人島Glamping

周奕瑋介紹無人島豪華露營，營地共有9個帳篷，更有私人沙灘同桑拿房。營地中最豪華嘅帳篷飽覽180度白濱海灣景色，連浸浴都可以望住海景！營地更設有露天酒吧，每日6點～10點，所有飲品都係免費任飲。

An Eland（エランド）～グランドーム和歌山白浜
地址：和歌山県西牟婁郡白浜町堅田2368‐3

即睇更多人氣文章：
盤點圈中9位「億萬駙馬」！袁偉豪張寶兒榮升父母、伍富橋與富貴老婆愛得高調
單身123年 婆婆徵求伴侶度餘生 1原因與男性隔絕來往 自爆至今仍是處女

9種士多啤梨任摘放題

中意食士多啤梨嘅朋友留意，30分鐘任摘放題可以摘到粉紅色、白色等貴價士多啤梨外，仲可以摘埋和歌山出品嘅高級士多啤梨「毬姬」，CP值超高，不過人多、或士多啤梨當造季節有機會會限制每人只可摘一粒白色品種嘅士多啤梨。

ふるーつふぁーむわかやま（Fruit Farm Wakayama）
地址：和歌山県紀の川市桃山町市場591

友島宮崎駿《天空之城》打卡位

友島係一度喺地圖上都搵唔到嘅隱世之地，但其實一啲都唔難去，只需搭20分鐘船就到。島上嘅「第三炮台遺跡」因為好似現實版《天空之城》，令人有如進入咗宮崎駿嘅動畫世界咁！友島更有另一個打卡位好似新海誠《鈴芽之旅》嘅海報。

友ヶ島
地址：和歌山県和歌山市深山
交通：由加太港乘坐「友ヶ島汽船」出發～友ヶ島，船程約20分鐘

和歌山甜點手信NO.1名物Kagerou

周奕瑋表示和歌山當地嘅朋友推薦必買Kagerou，喺全日本菓子博覽會攞過好多獎，而白濱更有Kagerou海景Cafe，可以望住海歎新鮮出爐嘅Kagerou！

福菱 Kagerou Cafe
地址：和歌山県西牟婁郡白浜町1279-3

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）