朱千雪升呢做師父帶實習生！獲爆工作專業，實習生大讚學到超多嘢
朱千雪（Tracy）轉投法律界3年，佢除咗做埋大專法律課程嘅講師，喺律師樓亦已升呢做師父帶實習生！近日有網友喺網上公開同朱千雪嘅合照，分享跟佢學到嘅知識，大讚千雪BB係佢嘅榜樣！
Photo from 朱千雪IG
朱千雪轉行做律師，更兼任大專法律課程講師
朱千雪自2020年讀完法律博士學位兼完成一年實習後就正式加入律師樓任職大律師，雖然期間都有出席公開活動，但已減少喺螢幕前出現。話咁快千雪BB已轉行3年，喺忙碌嘅律師生活中，朱千雪更抽空擔任大專嘅講師！
Photo from 朱千雪IG
而該大專學院嘅課程主任亦指朱千雪任教嘅課程學生出席率都十分高，而且學生都反映好中意朱千雪嘅課堂。一向觀眾緣爆燈嘅千雪BB即使做埋大專講師都同樣咁受歡迎。
Photo from HKU SPACE LAW
升呢做師父帶實習生，朱千雪獲讚學到好多嘢
朱千雪轉投法律界3年，原來近日佢已升呢做師父、負責教導律師樓嘅實習生。有網友喺小紅書分享同朱千雪嘅合照並留言：「多謝師父」，佢亦表示跟朱千雪學到唔少嘢！
Photo from 小紅書
Photo from 小紅書
從該實習生分享嘅合照中可見千雪BB即使淡出幕前，仍然明艷照人，一身OL打扮嘅佢散發住成功女士嘅氣場，充滿專業人士感覺！實習生又分享喺實習期間跟千雪BB學到嘅嘢。
Photo from 小紅書
為讀書兩年唔出去食飯、睇電影，朱千雪平日工作超專業！
佢指朱千雪平時飲食十分健康，會食好多菜，而且食飯唔浪費，又會夾好多餸畀佢哋食。佢表示平時千雪BB會分享好多自己嘅經歷希望可以幫到一班實習生，之前朱千雪出席網上分享會時亦大方分享咗自己喺法律界發展咗3年嘅一啲經歷同心得，其中包括畀法官鬧嘅經歷。
Photo from 朱千雪IG
朱千雪當年修讀法律博士學位課程時仍然喺TVB工作，實習生指佢兩年無出去食過飯、睇過電影：「很多沒有全職工作的人JD都要讀3年，但是師父為了不浪費時間每天的工作和學習排的滿滿當當。很是榜樣！」平日工作時朱千雪講嘢都會夾雜好多英文，但當面對客人時可以做到全程中文，方便對方理解，實習生大讚：「語言的控制好厲害。」
Photo from 小紅書
不過實習生亦分享千雪BB亦有嚴肅嘅一面：「雖然有時候師父很嚴肅我們怕怕的，但真的是一個很偉大，讓我們很愛的女人」，唔少網友都表示十分羨慕！
Photo from 朱千雪IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
朱千雪首次演講優雅又自信！轉行後發展順利獲網民大讚專業
31 Jul 2023
朱千雪轉投法律界3年，做大律師之餘又擔任大專法律課程嘅講師。佢近日更首次發表演講，朱千雪一改律師嘅專業look，著上黑色禮服裙，優雅大方得嚟充滿自信，唔少網民都話想睇片跟佢學嘢！
港姐季軍朱千雪雖然淡出咗娛樂圈一段時間，但佢依然十分受網民關注，喺法律界發展咗3年，日前千雪BB更「分身」擔任大專學院「法律行政人員高級文憑（Higher Diploma for Legal Executives）」課程嘅講師，課程主任更大爆佢嘅課程學生出席率超高，而且學生們嘅反應都好好。
繼轉行做大律師同高級文憑課程講師後，朱千雪又有新挑戰，近日佢喺IG分享相片，並以英文留言，分享佢第一次公開演講嘅感想。佢先係感謝大會嘅邀請，令佢可以再次回顧自己選擇嘅道路。
朱千雪表示好多人懷疑自己嘅人生道路係咪正確，但其實每次積累嘅經驗永遠都唔會浪費。雖然可能要等待適合嘅時機，經驗先會發揮作用，但當發生時，一切都係值得嘅。
千雪BB轉行後多以西裝look示人，充滿專業人士嘅感覺，但喺演講當日，佢就著咗黑色連衣裙，造型優雅大方，而且從佢分享嘅相片可見，千雪BB嘅眼神自信又堅定，相信佢都唔後悔轉行呢個決定。
唔少網友大讚朱千雪知性又有氣質，更問佢有無演講嘅影片睇，想跟佢學嘢咁話！亦有好多圈中人都留言同畀like～
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
