莊子璇奪冠軍惹落選佳麗不滿？樂易玲聞賽果忍唔住扁嘴？！

娛樂新聞

By Jennifer on 28 Aug 2023

Digital Editor

香港小姐2023賽果出爐！莊子璇大熱奪冠，王怡然、王敏慈亦入選三甲。不過賽後有落選佳麗喺社交網站表明不滿賽果，更疑似將矛頭指向冠軍莊子璇？！喺宣佈結果一刻，樂易玲喺鏡頭前亦難掩真實心情，忍唔住扁嘴？！

Photo from TVB

香港小姐2023賽果出爐！莊子璇奪得冠軍，王怡然、王敏慈分別獲亞軍季軍

今年港姐喺決賽前已有2位佳麗退選，最終打入五強嘅有郭珮文、王敏慈、莊子璇、王怡然、陳霈錤。其中4號王怡然獲得「最上鏡小姐」及亞軍、就讀中央戲劇學院嘅王敏慈獲得季軍，冠軍則由大熱門莊子璇奪得。

Photo from TVB

五強之一嘅10號陳霈錤大方得體，問答環節表現亦唔錯，可惜最終三甲不入，賽後唔少人戥佢唔抵。同以往幾屆一樣，賽果引起網民關注，不過今次竟然連一班落選港姐都加入其中！

Photo from TVB

落選佳麗胡睿涵暗示「好能裝」，獲其他佳麗讚好

幾位落選佳麗都喺自己嘅社交網站表達不滿，其中6號胡睿涵更喺IG分享一張「好能裝像你一樣」嘅圖片，似有暗示！唔少人留言，其中包括7號毛志琛，佢留言3個小丑emoji，而13號陳曉彤同14號陳怡名亦分別like咗相關帖文。

Photo from 胡睿涵IG

Photo from TVB

Photo from 小紅書

留言嘅更有由一眾佳麗選出嘅「友誼小姐」8號姜依宁，除咗喺「好能裝」帖文下留言外，佢亦於IG Story分享得獎感受，多謝一班佳麗之餘，更留下一句「友誼小姐會成為你們的嘴替」，耐人尋味。

Photo from TVB

Photo from 姜依宁IG

落選港姐陳怡名直言黑臉係因為不滿比賽結果，矛頭直指冠軍莊子璇？！

而賽前就同網民對罵嘅14號陳怡名喺賽後亦喺IG Story直言：「我黑臉不是因為自己沒進十強。我早知道自己不會進哦，再給我一次機會，我的臉會更黑。」喺小紅書佢回覆網友時仲直言：「因為我不滿意比賽結果。」又like咗網民質疑15號莊子璇喺問題環節前早就知道答案嘅留言，將矛頭直指冠軍莊子璇！

Photo from TVB

Photo from 陳怡名IG

Photo from 小紅書

決賽之前莊子璇雖然係大熱人馬之一，但卻傳出佢對幕後工作人員大獻殷勤，卻對其他佳麗「擺款」，人前人後態度不一，慘被一眾佳麗「杯葛」，被封「是非港姐」，而賽後一班佳麗都喺社交網站分享參選合照，並tag返其他佳麗，但莊子璇出現嘅次數的確較低，唔少網友見到咁多落選佳麗公開表達不滿，直言根本係現實版《美麗戰場》。

Photo from TVB

樂易玲亦對賽果感驚訝？！

除咗一班落選佳麗不滿外，有網民發現宣佈賽果一刻，觀眾席嘅樂小姐皺晒眉咁同隔離嘅高層講嘢，更忍唔住喺鏡頭前扁嘴！疑似對賽果都十分疑惑，有網友猜測樂小姐心水佳麗未能入選，不過好快樂小姐都即刻笑返。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

李施嬅揚威海外/郭可盈曾成為四大花旦盤點11位事業發展好落選港姐！

27 Aug 2023

《2023香港小姐競選》有唔少大熱人馬，唔知邊個可以入到三甲呢？！不過其實過往有好多落選嘅佳麗最終都獲大台簽約成為旗下藝人，當中唔少人都有唔錯嘅發展㗎～宜家即睇有邊11位啦！

Photo from 湯洛雯IG

#關楓馨

關禮傑女兒關楓馨（Fabienne）於2021年參加香港小姐競選，參賽前係唔少網民心目中嘅冠軍大熱人選，可惜最終只係獲得「現場觀眾至Like佳麗」，令唔少網民表示大跌眼鏡！不過現時佢已經成為咗大台旗下藝人，有份主持《男神廚房》以及《健康100錯》，與同期嘅港姐相比都可以話係發展順遂。有指佢未來將會有份出演電視劇，可以話係備受重視～

Photo from 《香港小姐競選準決賽》

Photo from 關楓馨IG

#郭可盈

郭可盈喺1993年參選香港小姐，雖然最終未能獲得任何獎項，不過亦被TVB睇中簽約，成為當時嘅「四大花旦」！而佢曾經參與多部電視劇嘅拍攝，包括：《刑事偵緝檔案》、《法網伊人》等，演技出色嘅佢仲憑《酒店風雲》榮獲《新城勁爆電視大獎頒獎禮》女主角獎！

Photo from TVB

Photo from 郭可盈IG

不過自從郭可盈同林文龍結婚，並誕下女兒後，佢就專心相夫教子，照顧家庭，逐漸淡出幕前！而家佢經常都會於IG上載生活照，大晒一家三口幸福生活～

Photo from 郭可盈IG

#張可頤

張可頤1994年參選香港小姐，最終於5強止步，落選後就加入TVB。入行後，佢得到唔少演戲機會，好快就擔正做女主角，並獲得唔錯嘅成績，奠定佢當時喺影視圈嘅地位！

Photo from TVB

除此之外，張可頤仲係經常入圍《萬千星輝頒獎典禮》「最佳女主角獎」嘅常客，可惜嘅係佢至今都並未奪得影后嘅頭銜，只係於2003年憑《九五至尊》榮獲「本年度我最喜愛女角色」，並於2012年約滿離開TVB。近年佢亦有於幕前亮相，有份出演ViuTV電視劇《暖男爸爸》！

Photo from 張可頤IG

Photo from ViuTV

#李施嬅

李施嬅（改名前：李詩韻）2003年參選港姐，獲得「最上鏡小姐」以及「才藝小姐」獎項，不過未能成功爭取更多獎項，成為首位奪得「最上鏡小姐」但卻未能晉身5強嘅佳麗！加入TVB後，佢拍攝多部電視劇，並成為一線花旦。

Photo from 李施嬅IG

李施嬅於2017年喺微電影《Once More》飾演Selina一角，並獲得「European Cinematography Awards」同埋「Los Angeles Film Awards」嘅最佳女演員，演技備受肯定！而佢就喺2019年離開TVB，並往外國影視圈發展，今年初飛往加拿大拍攝電視劇！