39歲蔡淇俊廣州街頭擺檔賣鳳爪 北上發展飲食王國 遇疫情10多間餐廳結業

39歲的前TVB小生蔡淇俊於2014年離巢後北上發展，在飲食界闖出一片天，高鋒期坐擁10多間餐廳，更在4年內買下兩層內地樓，在佛山定居數年生活富足。不過後來遇上疫情，餐廳幾乎全數結業，只剩咖啡店持續營運。所謂「馬死落地行」，近日蔡淇俊為幫補生計，在廣州擺街檔賣鳳爪，吸引不少粉絲前來集郵，可見淡出幕前多年的他保養不錯，外貌依然斯文靚仔。

Photo from 蔡淇俊 抖音

廣州擺檔歡迎粉絲合照簽名 販售鳳爪評價不一

近日有不同網民在小紅書貼出照片及影片，指蔡淇俊最近在廣州街頭擺檔賣鳳爪，片中可見，蔡淇俊身穿米白色襯衫，顆拍友人在攤檔叫賣，他主力販售酸辣無骨鳳爪，約60多元一斤，不少網民專誠去捧場，找蔡淇俊合照兼簽名，而他亦來者不拒，表現大方，獲讚親善有禮。不過有人則認為他賣的鳳爪定價太貴，不值一試「有明星加持，雞腳貴丁飛起」、「我買過一次，點講好，無下次」不過亦有人為他平反，指製作鳳爪本來就成本高，價錢仍算合理「自己整嘅話，雞腳加青瓜及配料一斤都差不多50， 未計人工同時間，我情願買」

Photo from 小紅書

Photo from 小紅書

Photo from 小紅書

獲讚高大帥氣保養得宜 去年驚喜客串TVB劇《美麗戰場》

蔡淇俊進軍飲食界後甚少再拍劇拍戲，不過他出名童顏，加上保養甚好，其身形與外貌與年輕時無異，據指他在2014年移居內地，不時會在抖音或微博分享近況，更經常被內地粉絲在街頭野生捕獲，社交平台可找到不少他與粉絲的合照，照中可見，他依然高大有型，髮型跟以前一樣，皮膚狀態甚佳，而且身形亦沒有發福走樣。去年他驚喜客串TVB重頭劇《一舞傾城》飾演金融才俊，更與傅嘉莉拍大膽床戲，不少網民讚蔡淇俊演技比以前成熟，更有星味，期待他復出拍戲。去年他回港接受訪問亦透露自己有意回巢拍劇，指在TVB有太多回憶。

Photo from 《一舞傾城》

Photo from 《一舞傾城》

Photo from 《一舞傾城》

否認曾與陳自瑤拍拖 與男友人表現親密引風波

蔡淇俊於2001年參加《TVB周刊》舉行的「至型bug仔」比賽成功奪冠，繼而簽約TVB成為旗下藝人，他擁有1.83米身高及清秀外貌，曾被封為「翻版謝霆鋒」，但初期他只獲安排出演配角，直至2004年，他首次擔正拍TVB經典青春劇《赤沙印記@四葉草.2》，與陳自瑤演情侶，有傳二人因拍劇撻著發展姊弟戀，不過戀情維持4年便結束。蔡淇俊在TVB拍劇多年但事業仍未見起色，2014年約滿離巢轉戰內地發展，2022年他與男友人拍片拖手唱K，被網民懷疑是同性戀，他即留言否認，當時又有人問到他與陳自瑤以往的緋聞，他亦否認曾與女方拍拖。去年他回到娘家以嘉賓身份亮相《思家大戰》，他接受傳媒方訪問，更透露自己有一合拍拖10多年的圈外女友，已認為對方為終生伴侶，但仍未簽紙結婚。

Photo from 陳自瑤 IG

Photo from 《赤沙印記@四葉草.2》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大台玩家庭溫暖 重溫四葉草經典一刻 80後90後嘅青春 四葉草四部曲回顧

22 Jan 2018

唔知大家有無睇到琴晚嘅《萬千星輝頒獎典禮》呢？咁多個獎項頒發又合唔合你心意呢？不過小編全晚最有feel除咗係得獎者講感言嘅時候，仲有呢一part...

大台今年用家做主題，將每套劇集營造出家嘅感覺，當頒發最佳劇集歌曲嘅時候就請咗當年（2003）唔單至劇紅，連主題曲都hit爆嘅《當四葉草碰上劍尖時》嘅主要演員頒獎喇！包括黎諾懿、唐詩詠、姚子羚、傅嘉莉，仲有好耐無見嘅李逸朗添！小編嘅青春回憶真係返曬黎！

Photo from TVB

最震撼嘅係當年首主題曲《Shining Friends》前奏嗰幾粒音一播，啲主角慢慢行出黎嗰下，不得了！有種莫名嘅感動。

當年四葉草四部曲係唔少80同90後嘅回憶黎㗎！係大台少有嘅青春劇，第一部反應好好，順應推出埋第二、三、四部。當年每一套四葉草都捧咗好多靚仔靚女出黎㗎！有啲真係估唔到原來有份參演啊～

1.首部曲《當四葉草碰上劍尖時》（2003）

第一套四葉草係以劍擊做主題，講述一班新生係崇藝私立高校嘅學生，四位男主角就係學校入面劍擊學會嘅四劍俠，由本身點樣互相爭鬥、互相討厭、互相爭女，到後尾要合理參加比賽，關係又有咩變化呢？而幾位女仔就為學校停辦好耐嘅校刊重新出版，當中當然唔少得男女之間嗰仲曖昧情愫，兩難追一女嗰啲野喇。

當年捧紅嘅女主角就係超有美貌嘅新加坡女團2R嘅Race～

另外仲有唐詩詠、戴夢夢、姚子羚同傅嘉莉。BTW小編想講子羚真係女大十八變，靚女咗好多～～

男仔方面就有李逸朗、黎諾懿，仲有好少見嘅李雨陽同陳宇琛。

當年主題曲係《Shining Friends》，「Sun will shine～～my friend」

2.二部曲《赤沙印記@四葉草.2》（2004）

第二輯就係以沙灘排球為主題，呢套都係四葉草系列入面非常為人熟識嘅一套。卡士有變，女主角換咗楊秀惠、李思欣、陳自瑤。男主角就有司徒瑞祈同蔡淇俊喇！

仲有馬德鐘做教練添～

亦都搵咗好多名人客串㗎！包你估唔到原來徐子淇都有份飾演miss添！

3.三部曲《盛裝舞步愛作戰》（2008）

今輯就係以馬術為主題，開頭以男女主角洪卓立同衛詩雅做引線，兩位青梅竹馬由一齊到分開，後黎又喺大學重遇，仲識咗其他同學，佢地六個就由男女惡鬥變成知心好友喇～

另外仲有龔嘉欣同林威辰、趙碩之同陳家樂、關婉珊同羅仲謙～

仲有Mandy Lieu、許志安同李蘊等等。


主題曲係《一步一傾心》

4.四部曲《南華夢飛翔》（2009）

今次就係以足球為主題。以上三輯系列嘅男女主角都成功彈出，但呢輯就相對黎講比較沉寂喇～有何浩文、李豪、羅鈞滿、盧頌之、李婷、羅天宇、許佩榆等等。

唔知係咪想觀眾有返當年四葉草第一部曲嘅感覺，主題曲亦都《Shining Friends》不過就轉咗馮曦妤主場版本～

只能說回顧完畢，TVB真係好少呢啲咁青春嘅偶像劇，四葉草可能唔係最優秀，但一定係最經典，係大家嘅回憶，小編決定今晚返去要重溫返！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載