港女狠批空姐唔幫手拎行李！「我會投訴佢」網友：攞唔到就寄艙啦

時事熱話

By Jennifer on 26 Sep 2023

Digital Editor

市民搭飛機有時都會帶hand carry行李，近日有網民喺IG Story發文指因為行李擺得入想請空姐幫手但被拒絕，又指對方仲有更過分嘅行為，卻被網友指佢「諗多咗」，又表示空中服務員無義務幫乘客拎行李。

Photo from 《你是我的命中注定》劇照

#港姐投訴空姐唔幫手攞行李

去旅行搭飛機唔多唔少都會有一喼兩喼行李，除咗托運之外，都有人會直接帶埋比較小型嘅行李上機，畢竟寄艙行李有重量限制，不過hand carry行李需要擺喺座位頭頂嘅行李艙，落機時先可以拎返。

Photo from 《通往機場的路》劇照

由於行李艙比較高，一啲身型嬌小嘅女生可能需要幫忙先拎到落嚟。近日有女網友就喺IG Story分享佢搭飛機嘅經歷，直指空姐完全唔幫忙，更開名表示會投訴對方！

Photo from 《中國機長》劇照

#開名鬧爆對方

一開始女網友就公開空姐嘅名字，又稱希望有喺該航空公司工作嘅人識得該名空姐並同佢講自己會去投訴佢。佢表示喺飛機降落後佢本想自行打開行李艙攞返自己嘅hand carry行李，但由於擺得太入，伸長手都拎唔到，於是佢就向空姐求助。

Photo from 《衝上雲霄2》劇照

#空姐建議搵男士幫手，港女：點解唔叫空少幫手

女網友指對方同佢講：「你可能要自己搵個男士幫你，因為我都好矮，幫唔到你」，事主稱佢當時未反應到對方嘅說話，但有男士主動幫佢拎咗啲行李落嚟。

Photo from 《開心直航》劇照

事主對空姐嘅講法感到不滿：「空姐唔係度過夠高拎行李先做到？」佢又指唔明點解空姐返工但要乘客自行搵幫手而唔係叫空少幫手：「咁你咪好嘆？」

Photo from 《中國機長》劇照

#指空姐與同事笑佢著裙

事主再分享該空姐「最過分」嘅行為，佢表示自己著裙跳高攞行李，可能有露底，對方竟然同同事一齊笑佢，雖然佢指自己並未親耳聽到空姐取笑佢：「但佢同事係聽完佢講之後望住我然後望住我條裙，令我覺得佢哋係笑我」，最後事主表示：「到底我係客定點我好無奈」，又tag咗航空公司嘅帳號。

Photo from 《衝上雲霄2》劇照

Photo from LIHKG

#網友：自己拎唔到就寄艙啦！

有網友就反駁指空中服務員無義務幫乘客攞行李，而面試時只要伸手掂到行李艙就可以，所以「空姐唔係度過夠高拎行李先做到？」嘅講法係唔正確，又認為如果自己拎唔到就應該將行李寄艙。

Photo from 《歸去來》劇照

Photo from LIHKG

另外事主僅憑對方望佢就指空姐同同事一齊笑佢呢個完全係個人猜測，有網友直言：「FF少陣啦！」「根本自己諗多咗就當人係笑佢。」

Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

不正常愛情研究所｜前空姐大爆航空業界男女關係開放，普遍空姐都與機師結婚？行內術語隱藏玄機！

20 Oct 2022

大台清談節目《不正常愛情研究所》經常都尋找唔同嘅嘉賓出演，分享「不正常」嘅愛情經歷及獨特感情觀。最新一集嘅主題為「空中情緣」，佢哋就邀請咗前空姐大爆航空業界嘅趣聞，而佢仲大爆好多機師都係Player？！

Photo from TVB

前空姐節目大爆經常收到客人卡片

大台節目《不正常愛情研究所》最新一集主題係「空中情緣」，邀請咗前空姐Susuca上節目分享任職空姐期間嘅所見所聞。佢表示喺商務艙收到客人嘅卡片係十分平常；最特別嘅一次經歷係一位台灣乘客喺飛機降落後依然唔肯離開，聲稱唔見咗封信，最後Susuca無奈表示「佢話係我嘅微信喎」，真係非常老派嘅追女方法呢～

Photo from TVB

大談男乘客「追求」經歷

其後，Susuca亦遇過一名年約17、18歲嘅男仔由上機尾隨佢到落機，即使佢正在派發飛機餐俾乘客都一直跟隨住，足足跟咗17個鐘！直到飛機降落後，男方都依然唔捨得走，默默企喺機組人員所乘搭嘅Crew bus外，非常長情！

Photo from TVB

坦承航空業男女關係比較開放？！

Susuca表示航空界嘅「男女關係」的確較開放，曾經被女同事拉埋去「有下文」嘅Poker聚會。而佢仲分享自己飛往Oakland嘅一次經歷，指當時一名空姐嘅男友多次致電女友不果，最後竟然選擇向Oakland警署求助。事後佢發現該名空姐疑似飲醉酒，並與一名空少發生關係，最終呢名空姐同男友鬧翻，仲因此結唔成婚！而Susuca直言其實好多機師都係Player，感情經歷比較「豐富」！

Photo from TVB

即睇更多人氣文章：

女兒與媽媽嗌交一怒之下選擇報警，竟意外揭母親非法居留23年！

球賽拎「大戒指」當眾求婚被拒俾女友怒罵加掌摑全場觀眾被嚇呆

空姐大多選擇與機師結婚

另一名「有故事的人」Belle今次則以空姐身份分享航空業界鮮為人知嘅秘密，仲揚言勁爆到可以出書！佢表示其實業內好多空姐與機師結婚嘅例子，不過好多時機師婚後都依然繼續尋覓空姐女友。Belle就話曾經見多有正印將第三者嘅照片整成Banner，再張貼喺公司男廁。

Photo from TVB

航空業內有獨特「交流術語」

而被譽為「純純兔」嘅主持人Karen就話自己對空姐嘅工作非常感興趣，發現原來行內人擁有自己嘅一套「交流術語」。只要望到空姐嘅名牌就能夠了解佢嘅感情狀況，究竟係「A」（Available）定「UA」（unavailable），其餘嘅術語包括有牛扒「 hot and spicy 」、「crew meal 」以及「 passenger meal 」等，而且大爆空姐制服連絲襪的確有人願意買㗎！

Photo from TVB

台灣空姐YouTuber大爆「Crew meal」意思！

其實過往都有做過空姐嘅台灣YouTuber大爆相關「暗號」嘅意思，指曾經遇過有同航班嘅男同事會食「Crew meal」，喺飛到外國後邀請空姐一齊「偷食」，好多時女方都係事後先知道對方已經有女友或者成家立室！而佢亦大爆多數嘅機師都已婚，但比較「貪玩」嘅就會接近年輕嘅空姐「會吃Crew Meal的人大多不是想要有一段真正的感情。」睇嚟台灣及香港航空業嘅「術語」都有啲相似呢～