劉馬車自爆拳酬僅4位數字！直斥鍾培生「度縮」、霍哥虛偽

By Jennifer on 26 Oct 2023

Digital Editor

鍾培生近年經常邀請唔同嘅名人打擂台，霍哥、周永恆、劉馬車等人都有份參與。不過，最近劉馬車喺直播中爆出佢嘅拳賽酬勞只有四位數字，又直指霍哥虛偽，笑佢同周永恒、龍心等人。對於劉馬車嘅批評，霍哥回答話呢只係善意嘅對話，並公開曝光劉馬車向佢提出合作嘅私訊內容。劉馬車嘅爆料引起網民嘅關注同熱烈討論。

Photo from ViuTV

鍾培生早前宣佈籌備拳擊擂台賽，並邀請劉馬車同龍心進行一場世紀之戰。然而，劉馬車喺直播節目中爆出自己嘅酬勞遠遠低於其他拳手。令佢十分不忿，更痛批鍾培生「好X度縮」，佢同時公開自爆自己喺拳賽中嘅酬勞只有四位數字。

Photo from TVB

Photo from 劉馬車YouTube

劉馬車鬧完鍾培生，再開火怒斥霍哥「虛偽」，笑佢同周永恒、龍心等人。為咗「10雞嘢」甘願受擺佈，不過有網民就對「10雞嘢」拳酬有唔同睇法。

Photo from 劉馬車YouTube

Photo from 霍哥IG

有收睇直播嘅網友指霍哥拳酬有30萬，劉馬車即反應甚大，更表示以佢所知應該係10萬左右，但當佢得知自己拳酬與其他人相差咁多後非常生氣，連佢對手龍手都有10萬，自己卻只有四位數，似乎被人當「水魚」。

Photo from TVB

Photo from 劉馬車YouTube

不過，有啲人喺社交媒體上對劉馬車嘅言論表示懷疑，認為佢只係為咗炒作而做出呢啲聲明。佢地質疑劉馬車係咪真嘅只有四位數字嘅酬勞，同埋認為呢啲可能只係一場精心策劃嘅宣傳活動：「得4位數都走去打」

Photo from TVB

Photo from LIHKG

亦有人分析拳酬數字應該係真：「霍哥30萬我信，大J都20啦，霍哥30唔出奇；周永恆有30我唔太信，我覺得5～10萬合理啲；龍心都係5～10萬合理，話哂特登英國返黎，水腳費都要呢個價；劉馬車一開始有人爆6000，可能都真」

Photo from TVB

Photo from LIHKG

對於劉馬車嘅直播，霍哥亦有喺個人IG回應，仲公開咗劉馬車嘅私訊，可見劉馬車主動邀請霍哥合作，其開場白同之前Coffee林芊妤公開嘅一樣。

Photo from 霍哥IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Coffee踢爆劉馬車真正目的！不忿被指有親密關係，公開對話紀錄

4 Sep 2023

網絡紅人劉馬車早前就稱同鄧月平曾經係戀人關係，估唔到繼鄧月平後，劉馬車再指同Coffee林芊妤一直發展「地下戀」更叫大家唔好話畀Coffee老公知，Coffee即喺IG Story分享劉馬車嘅私訊，大爆對方真正嘅目的！

Photo from 劉馬車 IG

劉馬車自稱同Coffee係長期炮友

劉馬車保釋後仍熱衷分享個人生活，早前佢就公開向鄧月平示愛，又暗示同對方有非一般關係，而鄧月平未有第一時間正面否認，令唔少網友都相信兩人曾經關係密切。

Photo from 劉馬車 IG

但最近劉馬車似乎換咗「關心對象」，佢突然喺IG分享同Coffee林芊妤嘅紙牌合照，並留言：「黎緊馬車會同Coffee情侶檔合作，請大家多多支持！（其實馬車一直都同Coffee有發展地下情，而且馬車同Coffee係長期炮友，大家千祈唔好話俾Coffee老公知！）」，今次佢唔係暗示，而係直接指出佢同Coffee有不可公開嘅親密關係！

Photo from 劉馬車 IG

Coffee反擊劉馬車：「亂噏」

早年Coffee曾被網民指同劉馬車似樣，雖然兩人並未同場出現，不過Coffee都指有講笑話過自己真係好似劉馬車。相隔多年，Coffee竟然真係被劉馬車指兩人有一直發展地下情。

Photo from Coffee IG

Photo from 劉馬車 IG

而Coffee亦不甘示弱，直接留言：「係咪真係有人會信？點解亂噏都可以咁多人有反應，睇嚟大家打風都好悶?不過睇完大家嘅留言我就安心啦，證明大家都係理性既」，但劉馬車仍然繼續分享Coffee嘅影片，堅稱佢哋係「長期炮友」。

Photo from 劉馬車 IG

Coffee公開私訊，踢爆劉馬車真正目的

Coffee似乎忍無可忍，終於喺IG公開劉馬車嘅私訊，原來劉馬車之前曾主動搵Coffee，邀請佢合作，不過Coffee一直都無回應過劉馬車，從對話中亦可見兩人應該唔熟，完全睇唔出佢哋有「親密關係」，Coffee表示：「係咪我之前無理佢，跟住佢就開始作故仔？」

Photo from Coffee IG

其實唔少人喺劉馬車出第一個post時已認為佢借女性博取關注，唔再相信佢。Coffee喺回應網友時就表示面對他人嘅騷擾，唔可以一味退縮，要有保護自己嘅能力。

Photo from 劉馬車 IG

Photo from Coffee IG

相關文章：劉馬車向鄧月平示愛！自稱當年無好好珍惜對方，鄧月平回應惹爭議

Text: HolidaySmart Editorial

Coffee林芊妤不忿被指出席富豪飯局！連發2篇長文大反擊鬧爆KOL

17 Nov 2022

Coffee（林芊妤）離巢教瑜伽，事業發展越嚟越好，不過日前有KOL喺IG玩「你問我答」時就大爆料，其中更以咖啡emoji暗指Coffee婚後仍有去飯局，令Coffee大為不忿，去緊旅行都嬲爆喺Story大反擊！

Coffee雖然甚少喺幕前出現，但早已轉型做KOL、YouTuber嘅佢曝光率一啲都唔低，平日亦keep住update IG，分享佢同老公、仔仔一家三口嘅日常生活～

Coffee被KOL爆婚後仍有去飯局

近日Coffee一家就一齊去旅行，但途中Coffee竟然嬲爆發Story指有KOL亂講嘢！Coffee公開一張Telegram Group截圖，圖中有人分享咗某位KOL嘅IG Story，相信係佢同fans玩緊「你問我答」，有人問：「coffee從良之後係咪無嘢聽喇？」該KOL回應：「咩叫從良後，有嘢聽啦緊係。」另一個問題：「最紅去飯局嘅係邊個」KOL則以一個咖啡emoji回答。

Coffee反駁指根本唔識對方

Coffee喺Group入面回應指自己根本唔識對方：「佢真係亂up當秘笈」，又保證自己從來無去過飯局。Coffee表示以前一個朋友幫過嗰位KOL老婆免費宣傳過佢哋間花店，同對方毫無交情，不忿稱：「無啦啦咁樣屈人都得嘅？」仲話唔會有飯局想同做咗人呀媽嘅佢食飯。

Coffee嬲爆連發2篇長文反擊，直言想出信

之後Coffee似乎越諗越嬲，連續發咗2篇長文：「原來人有把口就講乜都得，咁樣一句說話，就抹煞咗我咁多年嘅努力。」Coffee又稱原來網上講嘢無責任，想寄律師畀嗰位KOL。另一個Story中Coffee稱呢件事令佢好莫名其妙同不忿，為咗唔想畀對方得逞獲得更多關注，Coffee指自己澄清完之後就唔會再理人哋講咩：「我阻止唔到人哋把口，不過我可以無視呢種無謂人。」