Jeffrey魏浚笙罕有與韓國男神同框！網民讚靚仔：完全無被比下去

娛樂新聞

By Jennifer on 02 Nov 2023

Digital Editor

現年25歲嘅Jeffrey（魏浚笙）係新一代男神，因為超高顏值而獲眾多廣告商青睞。近日佢獲邀飛往新加坡出席活動，同場仲有一位韓國男神，Jeffrey不論顏值定身材都完全無被比下去，網民大讚佢真係超靚仔！

Photo from Jeffrey IG

Jeffrey與女友於2020年出演ViuTV節目《調教你男友》後因為出眾嘅外貌而引起關注，之後佢更加入娛樂圈正式出道。除咗出演綜藝節目《膠戰》外，更參演電視劇，喺《I SWIM》擔任主演，之後又喺樂壇出道，自資6位數推出個人單曲！

Photo from Jeffrey IG

歌影視三棲發展嘅Jeffrey更係廣告商嘅寵兒，由2019年至今擔任過眾多品牌嘅代言人，人氣持續上升！

Photo from Jeffrey IG

近日Jeffrey就獲邀飛往新加坡出席廣告活動，同場更有另一位韓國男神級人物，Jeffrey亦有分享活動當日影片，並留言：「cute moment with my favorite 동욱씨 李棟旭先生」

Photo from Jeffrey IG

李棟旭喺韓國出道多年，有非常多嘅代表作，其中包括《孤單又燦爛的神－鬼怪》，令佢喺亞洲多國嘅人氣急升。李棟旭係參加模特兒比賽獲獎出道，多年嚟一直保持超fit身材。

Photo from 《孤單又燦爛的神－鬼怪》劇照

而Jeffrey企喺李棟旭隔離不論係顏值，定係身材都毫不遜色，網民感歎：「佢有型時你就可愛到暈」、「原來差唔多高，可能因為Jeffrey肩膀好橫」、「完全無被比下去」、「兩男神同框呀」

Photo from Jeffrey IG

李棟旭亦十分親切咁叫Jeffrey行近啲，唔少網友都表示佢一啲架子都無，好nice！Jeffrey之前都同過宋仲基、BamBam、王嘉爾等人合照。

Photo from Jeffrey IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

I SWIM｜Edan咬字不清被網民指似聽力測試？獲本尊親自回應！Jeffrey魏浚笙演技獲讚夠自然！

12 Jul 2022

ViuTV 電視劇《I SWIM》於昨日（11日）晚首播，由呂爵安（Edan）、邱士縉（Stanley）@MIRROR以及男神魏浚笙（Jeffrey）主演，開播前就已經獲得大眾關注！雖然大部分觀眾都將目光放喺多位男主角「晒肌」嘅場面上，不過亦有部份網民坦承認為Edan喺劇中咬字唔夠清晰？！

Photo from ViuTV IG

《I SWIM》播出前已成焦點！

ViuTV原創劇《I SWIM》喺開播前就已經獲得大量網民嘅關注，劇中演員位位都係「小鮮肉」，包括有：Edan、Stanley、Alton、魏浚笙（Jeffrey）、P1X3L三子等。事前觀眾都已經知道電視劇係熱血青春劇，而且將會有機會目睹各位演員游泳嘅英姿，成功引起熱話～

Photo from ViuTV IG

第一集內容大要

劇集《I SWIM》第一集內容大致講述天才泳手余浪沖（魏浚笙飾）轉學到啟賢中學C班，並與李馬榮（Edan飾）及班長（吳啟洋飾）等成為游泳隊接力隊隊員。過往C班經常都同A班係對手，而隊長Edan亦因此而感到深深不忿，眼見新成員嘅加入似乎令佢哋嘅希望再次重燃；而C班班主任Miss翁（吳海昕飾）就擔心同學們會因此而壓力過大。

Photo from 《I SWIM》

男神Jeffrey 首次擔正做男主角

飾演「余浪沖」嘅Jeffrey喺首播當日喺IG紀錄興奮嘅心情「這次我特別特別緊張又期待，ISWIM是人生第一套擔任男主角的作品」，並感謝導演願意給予佢信心。其實Jeffrey今次所飾演嘅「余浪沖」本身係天才泳手，表面上佢口甜舌滑，但實際上卻非常成熟，願意為咗家庭而毅然放棄自己嘅夢想。

Photo from 魏浚笙IG

Photo from 《I SWIM》

過往曾被稱為「花瓶」，演技成功獲網民大讚！

過往Jeffrey曾經出演真人騷《調教你男友》，憑精緻五官以及健碩身形被封為「男神」；其後佢亦有份擔任《膠戰》嘅主持人，喺節目中展現「天然呆」嘅性格，反差極大，令網民留下深刻印象。不過喺第一集播出後，網民都大讚佢嘅演技夠自然「第一次做男主角算係幾好啦」，暫時觀眾俾佢嘅評價都十分正面！

Photo from 《膠戰》

Photo from 《I SWIM》

Photo from ViuTV FB

Edan飾演角色有突破，同過往角色截然不同！

而今次Edan所飾演嘅「李馬榮」係C班游泳隊隊長，亦係一位全能泳手，因為過往游泳成績比A班落後，所以對游泳嘅比賽非常著緊。對比之下，Edan 今次飾演嘅角色可以話係同《大叔的愛》「田一雄」嘅形象大相逕庭，喺第一集中擔起隊長一職，成日同隊員們認真探討游泳比賽嘅問題，仲因此而同隊員何大秋（歐鎮灝飾）發生爭執！