《流行經典50年》連Joey都請到！節目組更送上「蛋糕」賀祖兒出道18周年！

相信好多人睇到最新一集容兒係TVB《流行經典50年》節目上獻唱都好激動，而且仲一次過大唱左好多首經典金曲，全晚都好似Joey嘅個人演唱會，聽到唔少粉絲都好高興奮！

Photo from TVB

由薛家燕、黎小田、湯寶如、曹永廉主持嘅無綫音樂節目《流行經典50年》，經常都會請黎重量級嘉賓，今次更搵埋容祖兒做嘉賓，唔少歌迷都部定係電視機前面睇Joey表演！Joey於電視城進行錄影當日，身穿Deep V露臍透視裝示人，重新演繹左多首經典金曲，包括當年攞得金嗓子大獎嘅《你沒有好结果》、仲有非常耳熟能詳嘅《痛愛》、《隆重登場》、《全身暑假》等多首歌曲。Joey之所以上黎，係因為Joey媽咪好鍾意睇呢個節目，所以佢向公司自薦要做嘉賓！而節目組亦為左為慶祝Joey出道18年，送上祝賀蛋糕，令祖兒非常感動！
Photo from TVB

Photo from TVB

Joey一出場就以一首串燒歌同現場觀眾互動，串燒歌中包含多首歌曲，例如逃避你、16號愛人、心淡等等，全部都係當年好紅嘅歌，甚至係ｋ房被唱到hit爆嘅作品，好多歌迷都一齊跟住唱。而當晚Joey一大唱《你沒有好结果》，完全發揮得淋漓盡致，果種被人拋棄後對前度痛恨嘅感覺，完全係佢嘅歌聲感受得到。
Photo from TVB
Photo from TVB

Joey演釋左多首情歌之後，另外幾位嘉賓就開始獻唱，而Joey就準備左更精彩嘅表演比大家，係大家都以為Joey嘅表演完結時，Joey就換上另一套戰衣，同她嘅御用dancer，唱住《全身暑假》同埋《隆重登場》出場，演出絕不馬虎，佢大跳大唱，觀眾完全被佢嘅快歌帶起成晚氣氛，簡直High返全場呀！
Photo from TVB
Photo from TVB

當祖兒唱完之後，就接受家燕姐同小田哥嘅訪問時，提到最近開左個非主打歌曲音樂會。祖兒表示今次依個音樂會講左好多年，終於成事，仲笑住講終於唔洗再被歌迷叫她做「走數兒」。
Photo from TVB

不過今集《流行經典50年》，都有D網民批評覺得似只係祖兒嘅個人演唱會，Joey一個人唱左好多首歌之餘，又帶自已dancer，又有換衫位，仲一次過唱晒多首慢歌同快歌，重點係有演唱會演出嘉賓同埋重新演繹作品。但唔緊要啦，相信有唔少人都聽出耳油嘅！
Photo from TVB
Text：Holiday Editorial

Photo Sources:TVB

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載