吳千語戴巨型龍鳳鈪嫁施伯雄 百億新抱愛巢大公開 三層連花園豪宅超吸睛！
近日娛樂圈喜事重重，除馬國明、湯洛雯、何依婷結緍外，日前網上就傳出吳千語與拍拖4年多的「百億富三代」施伯雄（Brian）舉行婚禮的照片，相中只見吳千語全身戴滿金器，雙手巨型龍鳳鈪更是吸睛！而同時近日吳千語亦有接受內地網紅的家居訪問，令二人三層連花園豪宅內部全面大公開！
Photo from 施伯雄微博
Photo from 施伯雄微博
現年30歲的吳千語與「百億富三代」施伯雄拍拖4年多，近年越愛越高調，早前更情侶檔參加內地戀愛真人騷《愛的修學旅行》。當中吳千語透露30歲最重要的計劃就是結婚，而施伯雄則自爆與吳千語早在香港簽紙，目前處於訂婚階段，婚禮預計明年舉行。不過昨日（17日）網上就突然流出多張吳千語與施伯雄的婚宴照片，有指二人婚禮已在前日（16日）中午時份在中環舉行。
Photo from 施伯雄微博
Photo from 網上圖片
從流出照片中可以看到，當天吳千語穿上紅色裙褂，兩手各有兩對巨型龍鳳鈪貴氣逼人，而施伯雄則穿上黑色馬褂，一對新人與施伯雄嘅父親與爺爺合照。而另一條影片是吳千語換上白色低胸婚紗，與施伯雄步入婚宴場地時，獲眾人祝福，同時榮升老爺的施子清見到孫新抱亦看似相當開心。
Photo from 網上圖片
Photo from 網上圖片
Photo from 網上圖片
Photo from 網上圖片
吳千語與施伯雄成婚，二人婚後愛巢當然亦受到關注！據知二人早已昇華同居關係，近年長駐內地發展的吳千語今年初就搬進了上海郊區新居，以便工作，而早前吳千語更接受某內地網紅家居訪問全面公開豪宅內部！片中所見，吳千語上海新居為三層複式別墅，室內設計以白色簡約風為主調，底層是連接花園的客廳及飯廳，廚房有兩個小型雪櫃，主要擺放飲品、調味醬汁和新鮮食材，訪問期間她更展出廚房內巨型花膠、鮑魚等珍饈海味，百億新抱果然富貴！
Photo from 小紅書
Photo from 小紅書
Photo from 小紅書
Photo from 小紅書
至於浴室部分，則設有一個圓形大浴缸、兩個洗手盆及一塊大鏡，牆上掛了一幅全白藝術品，浴缸旁擺放了數個蠟燭造型的座枱小燈，充滿情調。而主人房同樣走全白風，中間有張雙人床，旁邊僅放了一個床頭櫃與一張白色梳化椅，牆上掛了一幅柔和色調的巨畫，而高樓底掛上一讚吊燈，對此吳千語自嘲：「這是甚麼都沒有的臥室，雜物越多雜念越多。」，不過儘管設計簡約但還是難蓋豪宅富貴氣派！
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
吳千語男友施伯雄寫遺囑贈全部財產！千語分享婚戀觀指AA制太計較
29 Nov 2023
Photo from 吳千語微博
30歲嘅吳千語同「百億富三代」施伯雄愛得愈嚟愈高調，近日佢哋更參加內地嘅戀愛真人騷《愛嘅修學旅行》，吳千語坦言兩人現時係備婚狀態，出年會有正式嘅婚禮。
Photo from 施伯雄微博
吳千語亦於節目中分享佢同未婚夫施伯雄嘅相識經過，施伯雄表示佢哋由一位共同朋友介紹認識，但第一次見面時吳千語卻非常冷淡，令佢覺得對方好無禮貌。吳千語則表示自己唔想令男生誤會自己對佢有好感，而且佢更直指當時覺得施伯雄好矮，完全唔靚仔。雙方第一印象都唔係太好。
Photo from 微博
Photo from 微博
Photo from 微博
Photo from 微博
不過之後佢哋多次同一班共同朋友出去玩，漸漸發現兩人有好多共同興趣，於是就變成好朋友，再發展成情侶關係。吳千語表示佢哋嘅愛情係喺友情嘅基礎上建立。
Photo from 微博
Photo from 微博
同其他幾對伴侶嘅交流中，吳千語問佢哋結婚後家庭開銷點分配先算公平，佢同施伯雄都表示覺得AA制太計較，施伯雄更自爆早幾年已經立好遺囑！令在場其他嘉賓都十分驚訝：「你這遺囑會不會立的太早了？」
Photo from 微博
Photo from 微博
施伯雄解釋佢認為疾病係可以好突然，佢指遺囑寫咗佢嘅葬禮要喺某一個價格下完成，另外佢「謙虛」表示自己嘅財產唔算好多，但當時已決定咗同千語一齊，所以遺囑亦寫明會將所有遺產留畀女友吳千語，施伯雄指雖然吳千語一直稱自己唔識理財，但佢認為對方好聰明，留畀佢都好放心。
Photo from 微博
Photo from 微博
Photo from 微博
喺正式公開戀愛前施伯雄多次喺微博小號「單方面」向女友吳千語示愛，佢於節目中透露佢哋喺2019年至2021年兩年間都無公開戀情，一直躲躲藏藏，自己亦曾因此而感到不快，甚至發過脾氣，但吳千語其實係為咗保護佢，令施伯雄十分感動。
Photo from 施伯雄微博
Photo from 微博
Photo from 微博
Photo from 微博
吳千語近日同男友施伯雄出席佢爺爺嘅生日宴，施伯雄喺社交網站中分享合照，吳千語換咗鬆身長裙，腹部似有隆起，手臂同埋面頰都變得圓潤，好多網民留言猜測佢係咪已經懷孕。
Photo from 施伯雄微博
Photo from 施伯雄微博
Photo from 吳千語微博
Photo from 施伯雄微博
雖然佢哋暫未回應懷孕傳聞，但吳千語已完全融入咗男友施伯雄嘅家庭，無論大同細嘅活動都會一齊出席。今次佢現身施伯雄爺爺嘅壽宴，相信已獲施家認證，坐穩孫新抱嘅位置。
Photo from 施伯雄微博
Photo from 施伯雄微博
Photo from 施伯雄微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
