17歲姚焯菲做老闆推服裝品牌一條小白裙賣逾4000蚊竟被發現疑似抄襲淘寶？！

By Macy Sun on 20 Dec 2023

「聲夢小花」之一的姚焯菲（Chantel）年初前往紐西蘭留學，不過同時亦無放棄事業，每逢學校放假都會飛翻香港密密接Job出歌，事業心極重。而近日現年只有17歲的姚焯菲更加升呢做老闆，宣布推出自家服裝品牌「Chantel x Ade」！不過就有網友瀏覽品牌網店時發現服飾價格並不親民，一條小白裙竟賣逾4000蚊，另外更有服飾疑似抄襲淘寶，引起討論！

Photo from TVB截圖

Photo from 姚焯菲IG

姚焯菲（Chantel）近期宣佈創業與好友合開自家服裝品牌「Chantel x Ade」，並在日前她聯同合夥好友盛裝出席自家品牌開幕活動。在當天的照片中可見，現場展出了一系列以「BLACKPINK」為主題的服飾，少女味十足。而當天亦有不少人到場支持，包括《聲夢傳奇》導師JW（王灝兒），不過就未見Chantel組合「After Class」的3位隊友炎明熹（Gigi）、鍾柔美（Yumi）和詹天文（Windy）現身或出Po打氣。

Photo from 姚焯菲IG

Photo from JW IG

Photo from 姚焯菲IG

有見Chantel年紀輕輕就做老闆不少網友都相當好奇，於是紛紛瀏覽品牌網店，並發現這位17歲小女孩的自家品牌服飾價格並不太親民，單是一件連帽衛衣已售800元，而最貴的一件「Chantel Dress」白色連身裙更要價4,596元，被不少網民批評定價頗高！

Photo from Chantel x Ade官網

同時亦有網友就「Chantel x Ade」服飾設計進行了討論，不但有人形容似「Grad din」衫，更有人指出設計疑似抄襲淘寶貨！有網友貼出圖片指出Chantel品牌內一件粉黑星星外套，與淘寶內一件粉藍星星外套極似，另外更提到店內一些小洋裝亦有抄襲之嫌，引起討論！

Photo from 姚焯菲IG

Photo from 連登網友截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

姚焯菲素顏開live再被批顏值下跌？多次有人留言「肥咗」，發育期暫別「初戀」樣？

20 Feb 2023

喺新西蘭留學嘅姚焯菲(Chantel)日前再開live同fans傾計，坦言自己有啲思鄉，並獻唱兩首歌。已經有一段時間未有現身公眾眼前，唔少fans都表示好掛住Chantel，不過就有唔少網民將關注點放喺Chantel嘅樣貌上，仲話Chantel「肥咗」又「殘咗」。

Photo from 姚焯菲 IG

現年16歲嘅After Class成員姚焯菲(Chantel)月前飛到新西蘭升學，開學3星期，Chantel不時開live向「小菲象」（Chantel粉絲）更新生活狀況，早前新西蘭受風暴吹襲，Chantel便於前日（18日）於Instagram直播向大家報平安，更演唱泳兒嘅《所有遺失的東西》及個人歌曲《靈魂伴侶》。Chantel表示自己呢幾日有啲homesick（思鄉），掛住喺屋企嘅感覺，另外，Chantel喺近日報名參與一項名為「籃網球」嘅運動，希望「逼自己參加」，跳出舒適圈。

Photo from 姚焯菲 IG

發育期暫別「初戀」樣？

Chantel嘅出現令「小菲象」非常興奮，留言指期待小公主喺假期可以返香港同大家見面。不過大方以素顏示人嘅Chantel就意外引起網民抨擊，可能係發育期加上學業壓力，Chantel面容浮腫，睇落有啲疲倦，亦有網民指「變咗大媽咁款」，搞到「初戀」樣不再。

Photo from 姚焯菲 IG

Photo from 連登討論區

素顏開live受批評

早前開live以素顏出鏡嘅Chantel都曾被網民批評，可能係角度問題，再加上標誌性嘅包包面，有網民話被「嚇親」，雖然有留言公道認為係低炒造成，但就被唔少網民反駁指冇執樣「趕客」，仲話「殘到似35（歲）」。

Photo from 姚焯菲 IG

Photo from 連登討論區

開live多次有人留言話「肥咗」

Chantel離港後不時開live同大家報告學校情況，但事實上，離開香港後首個live就多次有人留言話「肥咗」、「係咪肥咗」、「真係肥咗」，Chantel見到後即崩潰掩面，笑住咁回應：「我已經冇食咁多嘢㗎啦」、「我唔知呀」、「唔好啦」，又指自己到埗後胃口冇咁好，不過其後都有fans安慰話「瘦咗」、「完全唔肥」，Chantel見到笑返，講笑咁話：「肥咗又瘦咗」。