43歲莊思敏內地相睇竟被離異男母親嫌棄：我喜歡單單純純

娛樂新聞

By Jennifer on 04 Jan 2024

Digital Editor

現年43歲嘅莊思敏喺內地發展，佢近日分享自己去公園「相親角」參加相睇。佢準備咗好多嘢，包括易拉架同埋自己嘅相片，希望可以用呢啲方式介紹自己。但係最後竟然被一位離異有子女嘅男士嘅媽媽嫌棄！

Photo from 莊思敏抖音

莊思敏於2022年與台灣珍珠奶茶店老闆楊秉逸（Brian）離婚，當時佢指與前夫之間無第三者，但疫情期間聚少離多，又對定居地方產生嚴重分歧，最終決定分道揚鑣。

Photo from 莊思敏IG

回復單身後莊思敏曾與大S前夫汪小菲傳出緋聞，不過佢就澄清同汪小菲無任何關係，只係咁啱同朋友一齊聚餐。莊思敏離婚後仍然期待愛情，更指媒人Bob差佢一個男人，要佢盡快介紹異性畀佢識。

Photo from 莊思敏抖音

求人不如求己，莊思敏近日現身內地公園「相親角」體驗極速相睇。「相親角」近年喺內地興起，父母聚集於公園，用擺攤嘅形式「推銷」自己家中嘅未婚子女，當中有人做整理資料如婚戀情況、工作背景、家庭條件等，務求可以快速搵到門當戶對嘅心水新抱/女婿。

Photo from 莊思敏抖音

莊思敏亦都做好準備，喺易拉架上印上自己嘅相片以及背景條件。莊思敏都幾受在場嘅叔叔阿姨歡迎，想介紹自己嘅兒子畀佢。唔少阿姨大讀莊思敏唔似40幾，可惜自己個仔同佢年齡差太遠。有一位伯伯就表示兒子喺美國，都40歲，身高有1.82m，將於下個月回國：「有機會再聯繫呀！」

Photo from 莊思敏抖音

喺相睇過程中，莊思敏指有一位「婆婆」最合眼緣，佢哋嘅對話令人印象深刻。男方嘅媽媽提到佢兒子今年40歲，結咗一次婚同埋有2個小朋友，佢問莊思敏：「姑娘結過婚嗎？」莊思敏大方地坦承自己亦經歷咗離婚，點知對方竟然嫌棄佢：「我是喜歡單單純純，沒有結婚過的。」

Photo from 莊思敏抖音

莊思敏雖然回應：「OK！沒關係！」但之後都忍唔住話對方雙重標準：「為甚麼她兒子可以離婚，我不可以離婚嗎？！」唔少人力撐莊思敏，直言40歲仲想搵無結過婚嘅另一半太自以為是：「有兩個孩子的還想找沒結婚的，沒睡醒」、「她兒子離婚了帶著一個兒子一個女兒，還嫌棄別人女方離過婚，他兒子和家庭條件是有多好，那麽的自信」

Photo from 莊思敏抖音

其中一個留言：「還是找方力申吧」竟獲莊思敏讚好，佢更回覆一個笑喊表情符號。不過方力申已有女朋友，佢同另一半Maple感情穩定，應該唔需要相睇。

Photo from 莊思敏抖音

Photo from 莊思敏IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

方力申心痛女友搵工被拒，原因竟然係因為男友太紅：係有啲荒謬！

4 May 2023

方力申女友Maple（葉萱）捲韓國邪教性侵案，而引起關注，早前，Maple於韓國出庭作供，後返回香港，望盡快重新開始生活，但搵工時卻被「彈鐘」，原因竟然同男朋友有關！

Photo from IG@alexfongliksun

Netflix紀錄片《以神之名︰信仰的背叛》揭發韓國4名邪教教主，攝理教教主鄭明析以「愛的教育」之名性侵世界各地女信徒，當中嘅受害人包括方力申女友、嚟自香港嘅葉萱(Maple Yip)，早前，Maple赴韓就教主鄭明析一案出庭作供，當面與攝理教教主鄭明析對質。

Photo from 《以神之名：信仰的背叛》截圖

Photo from Viu1 HK YouTube

唔少人都好關心Maple嘅狀況，有指現時佢搵緊工作，希望盡快展開新生活，不過因為紀錄片播出後，令Maple嘅身份及過往經歷曝光。Maple早前接受訪問時，表示節目播出後香港有唔少報道，並收到唔少鼓勵，但亦令自己求職困難：「而家好難搵工，原本話會請我嘅公司，睇咗新聞、節目後都話好難請我」，但Maple並唔後悔公開自己嘅樣貌：「如果我唔公開自己個樣，佢哋又會質疑我講大話、畀錢請人嚟拍，就會繼續有受害人出現。我希望親自將真相講畀大家聽，喺我死之前一定要告嗰個人，將真相公諸於世。」

Photo from MBC PD Note YouTube

日前，方力申出席活動時受訪，被問到女友搵工一事，小方表示心痛女友被「彈鐘」：「呢個都係事實嘅，亦都試過收到信話請，但臨尾就話唔得喇，當然有佢哋嘅理由」，但原因竟然係同自己有關：「佢哋嘅理由係（因為）佢男朋友太出名喇，唔關佢嗰樣嘢事」，小方嘆指：「真係咁講嘅，我當然覺得呢個理由係有啲荒謬啦！」又表示：「所以大家都知咩事，唔緊要㗎我覺得，每件事出到嚟都有人支持有人唔支持㗎啦，咁我覺得一定會有遇到支持佢嘅人，同埋遇到好嘅貴人」。

Photo from Viu1 HK YouTube

被問到會否幫女友聯絡或搵工，小方坦言冇咁做，因女友本身都有做補習及翻譯，所以Maple都唔係好擔心。小方指自己可以做嘅就係喺女友身邊做個「開心大使」，陪伴對方：「（女朋友）需要我就做，咁我都係個幽默嘅人，同我一齊都開心嘅」，真係聽到都覺得溫暖！

Photo from Viu1 HK YouTube

Text: HolidaySmart Editorial

東張西望｜方力申被「借襪男」高價收購二手襪！十年間無間斷懷疑「用襪借運」？

13 Apr 2023

世上怪人無奇不有，近日《東張西望》就有觀眾致電爆料，指出香港有一名男子四周問人「借襪」，更鍾情於大隻男士「新鮮熱辣」即除襪，借出價幾百至幾千元，就連方力申都曾經中招，自爆事件於兩年前發生，一度擔心自己被人「落降頭」，最驚訝的是原來這位「借襪男」已經於香港流傳十年時間以上，令人毛骨悚然。

Photo from 《東張西望》

中年男子自稱救護員「要襪換工作」

近日《東張西望》就有報道指出，一名自稱為救護員的中年男子經常於半夜出沒四圍問人「借襪」，而且對象大多為男性居多，而方力申受訪時亦表示自己曾於兩年前於灣仔君悅酒店的停車場裡遇到「借襪男」，當時該男子聲稱自己是救護員，因身上的襪款不符合救護員工作規格，若果不立刻「換襪」就會被開除救護員的資格失去工作，希望可以用300元去購入方力申身上的「黑襪」，但當時方力申不虞有詐，剛巧車尾箱有對乾淨的襪，於是提出可以給他，豈料男子竟表示乾淨的襪子款式不是全黑，於是繼續請求方力申給他身上的「黑襪」，方力申婉拒後男子無奈地取去乾淨的襪子後離開。

Photo from 《東張西望》

多個藝人曾經遇上同一經歷

節目第二日再度邀請到有同一遭遇的藝人李爾晨，而李爾晨更加指自己曾經於幾年間三次遇到「借襪男」，更荒謬的是該「借襪男」是同一人，第一次凌晨於天水圍救護站附近，第二次下午於銅鑼灣地鐵站出口，第三次則於尖沙咀路邊位置，而其實第二次李爾晨已經認得該名男子，而且男子更把「借襪」的價格提高至600元，不過最後李爾晨都沒有理會男子當笑話離去。其實網上亦不少網民出文指自己曾遭到「借襪男」「借襪」，藝人丁子高亦曾經被借過，而他更義不容辭地將襪子給了該名男子，而洪永城其後亦留言亦指自己亦曾遇過同樣事件。

Photo from 《東張西望》

Photo from real_ting@IG

Photo from guruhung@IG

懷疑用「用襪落降頭」？

因為實在有多人遇過「借襪男」，大家都擔心「借襪」的用意是不懷好意，方力申其後於打籃球群組跟隊友討論，原來多年前就已經有此事件，而網民更猜測是利用「借襪」去做降頭練習，方力申又指當時聽從朋友勸告，用紙張或紙巾，燒着放門口類似檻火盆一樣再跨三個圈就可以消除黑氣。

Photo from 《東張西望》

《東張西望》就請來泰國法科師傅為「借襪男」一事而詢問，但師傅就指出「借襪」未必是「落降頭」，因為降頭是需要有特別的對象，而且要實際的身體毛髮方可成事，但就指出泰國有一種「陰法法事」可以用來影響運程，把不好的運氣轉移給別人，但這個法事需要對方的名字、相片、出生日期及用過的東西，若果大家互不相識，又未有個人資料的話，做陰法法事的成效就會減弱，所以大家可以不用太過擔心。另一位臨床心理學家就認為該名「借襪男」應該只是「戀物癖」的愛好者，加上大部份被借的都是年輕力壯的男士，更加大機會是利用有人用過的物件去令他進入一個興奮的情況。