體力勞動港男收工食飯因汗味被侍應趕走感被歧視出Po求尊重網友反應兩極！

By Macy Sun on 16 Jan 2024

人人每日辛勤工作其實都是為搵兩餐！然而近日卻有一名從事體力勞動工作的港男在網上大呻，指自己早前放工食飯竟然因汗味被侍應嫌棄，令他被逼撤離。辛勞一日飯都無得好好地食令其相當不好受，無奈下他只好在網上大吐苦水，並懇求大家尊重出汗或性質要碰到垃圾的行業，引起網上熱烈討論！

Photo from 《激戰》劇照

近日有一名港男於Facebook群組「飲食黑店大全 (全港食店質素/價錢/服務關注組)」上出Po，指自己從事經常需要「搬搬抬抬」體力勞動的夜班工作。有日通宵工作結束進了位於旺角勝利道的一間餐廳吃早餐，然而期間事主想點餐時卻被一名女侍應拒絕前來落餐，經過事主的位置時更大叫「好臭呀！」，後來只好由另一位男侍應為事主成功下單。但在事主用餐期間就又有另一位職員直指事主「你身上有陣味」要求他「快啲食完離開」，令事主相當難受兼委屈最後只好打包拎走。而事主在文末就表示自己有做地盤的朋友午飯時不時都會遇到被餐廳嫌棄的情況，所以他懇請大家「不要嫌棄一些工作要出汗或做倒垃圾或清潔的人」。

Photo from facebook截圖

而帖文一出亦馬上引起熱烈討論，有人聲援事主並譴責餐廳行為：「我本身係做侍應，我非常喜歡地盤、倒垃圾、裝修佬、紋身人仕，佢哋態度超好，完全無麻煩，永遠吾會扮晒野。依D舖頭遇咗提早拜拜結業」、「開佢名，齊齊杯葛佢，我以前都係開茶餐廳，我最鍾意做地盤佬同三行佬」、「樓主開名，等我去睇下有幾香」、「茶餐廳都要有基本對人禮貌」、「其實人把口最臭」但同時亦有人持不同意見，認為：「如果我係隔離食客，我都頂唔順你成身汗味，唔係話要歧視你，只係純粹衛生同個人感受，但你上綱上線去到道德高地，我個人就唔係好認同」、「如果我係食客，我唔會想有個成陣怪味嘅人坐喺我附近或者同我搭枱」、「做地盤多數沖埋涼先走，我都係體力勞動。一般知自己果日流得汗多都會買外賣」、「我自己大汗我去釣魚開工都會帶多件衫，廢事臭到人，因為我知換轉係我自己都唔會想食食下野聞到，然後下手又坐落我啲汗度。」

Photo from facebook截圖

另外事件爆出後就有媒體訪問了該餐廳的負責人，對方就回應指原來事主是多次光顧餐廳的熟客，但汗味情況的確嚴重，一直以來不時都會有客人投訴其汗味。至於當日餐廳女侍應直呼事主臭一事負責人亦供認不諱，並解釋當時是因為附近有客人反映指事主的味道「臭到想嘔」，才會請事主快點離開。

Photo from 《巴黎假期》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

港男返工與同事零交流，自己一人食飯！網友：最怕一齊行去搭車

20 Jul 2023

返工好怕遇到唔好嘅同事，令人增加額外嘅工作壓力。近日有網友喺連登討論區發文表示自己喺工作時間同同事完全無任何交流，即使食飯都選擇一個人去食，獲唔少網民認可，認為係最好嘅職場生活。

Photo from 《我要準時下班》劇照

喺職場人際關係好重要，如果不幸遇到一啲唔友好嘅同事會十分影響日常工作，仲會添加好多壓力。不過平時返工都要social嘅話又真係好攰。近日有網民喺連登討論區開post「有冇人返工同同事係無交流」，掀起熱議。

Photo from 《大叔的愛》劇照

樓主就指自己試過返工全日一句嘢都無講過，朝早返到公司唔會同同事講「早晨」，9點～6點嘅返工時間內除咗講公事之外，唔會同同事有任何交流。

Photo from 《無法成為野獸的我們》劇照

佢表示晏晝食lunch亦會選擇自己一個人食、一到放工時間就會即刻走，對同時嘅認識都唔多。唔少網友都覺得樓主唔同同事交流無咩問題：「點解要交流，返工定交友」、「最好係咁，成日有啲同事懶熟過黎social又要應酬佢兩句」、「最怕一齊行去撘車，我想靜靜地聽下歌啊」、「返工已經夠攰又夠煩，仲要嘥時間應酬班同事？」