張致恒曾被傳呃蔡卓妍借錢唔還 錄音爆光疑自爆借咗呢個數！
張致恒（Steven）周街債主，日前就被女紋身師公開追債，同時其他街數都開口追錢，多到數唔清。但其實除了街數Steven以往都欠下不少圈中人錢，其中一位就很可能是蔡卓妍（阿Sa）!皆因阿Sa早年曾在內地節目中，不開名提及被好友講大話借錢一事，當時大批網友就猜測嫌疑人很有可能是張致恒。而近日就有人公開張致恒的錄音，當中他就有談及此事，更疑似自爆借咗阿Sa呢個數！
Photo from 張致恆IG
事件的起因源自阿Sa 22年內地節目《她的雙重奏》中的一段訪問，當中阿Sa曾自爆：「有一個很好的朋友，他問我借錢就說了一句他最近有點困難，然後二話不說我就去銀行，我就給他打款，後來我發現原來他在說謊，我就把他拉黑了，但是你已經知道這個人不會還你錢的了，我就直接把他刪掉了，我連錢都不要了，太生氣了。」
Photo from 《她的雙重奏》截圖
Photo from 關智斌微博
而當時精明的網民已經猜測阿Sa所指的正是Steven，不過阿Sa之後公開活動被問起同Steven有關的事宜卻馬上落閘，以「唔想講」、「唔想提」等回應。但其後網民亦繼續為阿Sa抱不平，去到Steven其抖音直播洗版留言：「仲唔還錢畀阿Sa」、「快啲還錢呀」、「點解你要呃阿Sa啲錢」、「聽講你問阿Sa借錢唔還」。
Photo from Instagram
然而事件已過兩年，近日卻出現新發展！日前網紅Sean竟突然在社交平台貼出數段張致恒的錄音，提到這件事情以及所涉金額。錄音中的張致恒疑似向對方呻道：「唉，我而家好X煩，因為阿Sa之前做咗個節目，喺上海做咗啲訪問節目，話有個朋友借咗佢錢，然後仲要拉黑咗，冇再聯絡。跟住啲人個個就話係我，然後衝晒過嚟係咁叫我還錢畀阿Sa，嗰啲咁嘅嘢，唉，我好頭痛呀呢兩日。」、「最煩係影響到我吖嘛！人哋阿Sa又冇開名，啲人又過晒嚟係咁話我，我真係好頭痛！」而最後Steven更補上一句「我爭佢10萬呀。」，疑似自爆欠款數目達10萬令網友驚訝！
Photo from 網紅Sean IG
Photo from 張致恆IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
雯雯叕出post要同張致恒離婚 決絕要簽紙：小朋友就交比社工？！
6 Nov 2023
張致恒（Steven）與其太太區燕雯（雯雯）被封「離婚界KOL」，經常季節性鬧離婚。雯雯更是不時在社交平台數落Steven，又爆一家陷入經濟困境生活艱難，幸好其後細仔出世，二人關係亦似有緩和。不過昨日（5日），雯雯居然又第N次出post嗌離婚，今次語氣相當決絕，甚至有意放棄4個小朋友？！
Photo from YOUTUBE截圖
Steven與雯雯結婚4年，當中雙方經常因個性及經濟問題鬧離婚。然而自細仔出世後，二人為生計又開設會員制收費IG帳戶，又開設YOUTUBE頻道，期間不時同框落力賺錢，更曾分享過一家人到免費公園遊玩片段，讓外界認為兩人似是關係緩和。
Photo from IG@aumanmannnn
怎料昨晚（5日），雯雯突然於IG發限時動態，稱：「我已經可以完完全全無顧慮咁講，我決定離婚，下一次就係可以Post簽紙一刻。至於小朋友，就交比社工同有關人仕決定去向。」這次一直視4名孩子為命根的雯雯，竟然以決絕的語氣，並表明願意放棄4個小朋友，而誓要與Steven離婚，令網友震驚！
Photo from IG：@STEVENCHEUNG
而同日較早時間Steven就亦有發文，不過就是為男士保健品發文進行宣傳，帖文中更寫到：「作為一個已婚男人好多時候又要照顧家人同小朋友又要工作，搞到成日都冇覺好瞓，仲要好容易捱壞身體，所以點都要食返一啲保健品嚟強身健體」，強調自己是個有承擔的男人，就令不少網民質疑兩人離婚的真確性。
Photo from IG：@STEVENCHEUNG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
