Stanley邱士縉@MIRROR內地小紅書爆紅演唱會露出誘人「大表波」!！

By Macy Sun on 31 Jan 2024

男團MIRROR合共16場在亞博舉行的《MIRROR FEEL THE PASSION CONCERT TOUR 2024 · HONG KONG》正進入尾聲階段，這次演唱會MIRROR都出盡渾身解數落力表演！不過要數當中最有話題性的，必提成員邱士縉（Stanley）的爆肌演出，睇到大家流晒口水之餘亦令他人氣急升！不過除了在香港人氣爆升，Stanley近日亦紅到過羅湖，獲得內地網民注意並獲封吳尊2.0！

Photo from Stanley邱士縉IG

這次《MIRROR FEEL THE PASSION CONCERT TOUR 2024 · HONG KONG》演唱會中，成員邱士縉（Stanley）與李駿傑（Jeremy）的合作舞台成為連日熱話！皆因該舞台表演Stanley相當誘人，穿上一套真空西裝大騷健碩肌肉，明顯見到肌肉線條、層次分明，令一眾觀眾連同網友都睇到垂涎欲滴，大封Stanley為「大表波」！

Photo from Stanley邱士縉IG

然而不只在香港被like爆，近日Stanley就紅到「衝出羅湖」！有網友把Stanley演唱會舞台表演影片上傳到小紅書，隨即引起大量內地網友關注，不少人都驚訝為何Stanley不火，激動留言：「大波的那位叫什麼？為什麼他不火？內地全是姜濤和盧瀚霆的新聞」、「真是，該火的不火」、「雖然唔知點解會刷到，不過騷肌哩位真心得」、「一開始那個肌肉男那麼像吳尊呢」

Photo from Stanley邱士縉IG

Photo from 小紅書截圖

Stanley這次一露成功打開內地市場，但其實他就曾在IG透露這一身fit爆身材得來不易，不僅需要在演唱會前兩個多月不停操練，更要每天去跑步、健身及排練，並對飲食節制。而早前他亦有公開一些後台花絮，見到他臨出場時喪做掌上壓，而且只食白烚菜與瘦雞胸，咁努力真係值得欣賞！

Photo from Stanley邱士縉IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Alton@MIRROR獲撐做打機擔當！view數仲高過達哥？！網民：殺出新血路！

12 May 2024

被網民劃分為「下弦」嘅MIRROR成員Alton，不時開live打機，累積咗唔少觀眾，近日，有網民開post大讚Alton打機片好睇，甚至發現觀看次數高過達哥！

Photo from Instagram @altonwongz

男團MIRROR成員各有發展，人氣亦各有高低，因此被網民劃分為「上下弦」，當中，王智德(Alton)則被視為「下弦」成員，平時除咗演藝活動，都會用個人YouTube Channel及IG開live打機，吸引唔少fans、機友圍觀，最新一條直播片中，Alton問到有冇男性觀眾，發現都有唔少男士過嚟睇佢打機。

Photo from Instagram @altonwongz

Alton打機片仲高過達哥？！

日前，更有網民喺連登以「笑笑下....原來alton wong 打機已經多人睇過達哥」為題開post，發現Alton喺YouTube上嘅打機片觀看次數達到1.5萬，已經超過達哥，雖然有網民其後指出達哥喺另一個平台直播，YouTube影片係用嚟backup，同Alton用「YouTube直播＋backup」唔同，不過討論區上一改對Alton嘅負評，網民大讚Alton「打機幾好笑」、「睇住屢敗屢戰，正呀」、「真心佢eq好高」、「幾有觀眾緣」，更有網民認為Alton終於搵到定位，憑打機片「殺出新血路」，並支持佢成為打機擔當！