荃灣豬肉檔靚仔店主撞樣姜濤？！網民：又一個威威？！

By Jennifer on 01 Feb 2024

Digital Editor

2022年荃灣豬肉檔威威（劉宋威）突然爆紅，更有個人fans club，不過除下口罩後威威聲勢不再，現已重回素人生活。近日TVB《東張西望》因為荃灣某豬肉店出現大量老鼠，主持即訪問店主，戴住口罩嘅店主同MIRROR成員姜濤竟有幾分相似，即時掀起熱議。

Photo from 劉宋威YouTube

荃灣豬肉威威因為與路人一張合照爆紅，之後同fans喺商場開生日會，仲拍埋廣告，成為2022年人氣網紅！不過佢除咗口罩之後，人氣下降不少，加上當初與佢合照嘅路人被揭同威威任職嘅豬肉門店關係不淺，更有指威威嘅後援會都係由幕後集團營運。

Photo from Facebook群組「荃灣人」

Photo from Life Nutrition @YouTube

威威短短3個月內極速出道，有埋經理人、開設各種社交帳號、拍廣告、上節目做訪問，但正所謂「剎那光輝唔代表永恒」，威威人氣如曇花一現，爆紅3個月後佢就回歸素人生活，做返普通嘅肉類分割員，唔再喺幕前出現。

Photo from Facebook群組「荃灣鮮肉威威應援團」

但近日竟然再有豬肉檔員工引起網民注意？！TVB《東張西望》收到報料指荃灣楊屋道一間豬肉檔夜晚有大量老鼠出現，觀眾更影到幾隻老鼠喺枱上開餐，齊齊食豬肉嘅場景！

Photo from 《東張西望》

主持人就親身到該豬肉店採訪店主，其中店舖負責人張先生就指楊屋道晚上到處都係老鼠，豬肉檔可做嘅就係每日做好衛生，盡量整乾淨舖頭先收工。而戴住口罩嘅張先生竟成為網民關注嘅對象。

Photo from 《東張西望》

戴咗口罩嘅張先生，同MIRROR人氣成員姜濤有幾分相似，網友紛紛留言：「真係有啲似姜b」、「個豬肉佬咁似姜b」、「要紅了」，喺《東張西望》嘅影片下都有網民大讚張先生「幾靚仔」！

Photo from 《東張西望》

Photo from ViuTV

Photo from LIHKG

Photo from 《東張西望》

雖然係肉類分割員，但張先生明顯都有悉心打理自己嘅髮型，呢方面同豬肉威威都好相似，威威一直以來都會gel頭示人，佢曾表示：「由細到大都中意自己set頭」

Photo from 《東張西望》

Photo from 姜濤IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

豬肉威威近況曝光！神隱3個月後回歸素人生活，依然悉心打理髮型

6 Dec 2022

荃灣豬肉威威（劉宋威）今年因為一張相爆紅，之後更極速開生日會、拍廣告，人氣一時無兩！不過喺佢除咗口罩之後，聲勢不復當時。更有人指威威已重返豬肉檔工作，並唔再接受訪問，一心回歸平淡生活！近日有網友公開與威威嘅合照，神隱3個月嘅威威再一次出現網民眼前！

Photo from 劉宋威Facebook

荃灣豬肉檔威威爆紅

今年5月網上有人晒出與威威（劉宋威）嘅合照，並大讚佢靚仔！戴咗口罩嘅威威眼睛有神，加上悉心打理嘅髮型成功迷倒唔少師奶，成為網上熱話。更有唔少人慕名前往荃灣豬肉檔一睹威威嘅風采！之後威威一路爆紅，仲極速出道，有埋經理人、開設各種社交帳號、拍廣告、上節目做訪問等，絕對係嗰期嘅紅人。

Photo from Facebook群組「荃灣人」

Photo from 劉宋威YouTube

走紅後威威被爆「黑歷史」

不過威威走紅後卻被爆佢過往嘅「黑歷史」，指佢疑似做過古惑仔、傳銷等，令威威形象一落千丈，雖然威威曾聲淚俱下澄清傳聞更反駁指有紋身唔一定唔係好人，但負面新聞仍然不停。

Photo from 劉宋威Facebook

有網友大爆被威威拖糧，又暗示曾於生日會「受聘」扮粉絲，另一方面有人揭當初公開同威威合照嘅網民疑似係威威公司嘅員工，質疑威威爆紅係經過精心計劃。

Photo from Facebook群組「荃灣鮮肉威威應援團」

「除罩」廣告出街後威威人氣急跌

威威憑一張口罩合照走紅，但佢拍攝嘅「除罩」廣告登場後，人氣卻不升反跌，威威社交網站自8月15日後亦無再更新，連威威最大嘅粉絲專頁「荃灣鮮肉威威應援團」都同樣喺8月15日更新完後就無晒消息，之後威威就似乎回歸爆紅前嘅普通人生活，更拒絕接受訪問。

Photo from Life Nutrition @YouTube

Photo from 劉宋威IG

Photo from Facebook群組「除罩威威留餸區 2.0」

威威神隱3個月近照曝光

事隔超過3個月，威威近日再度於網上出現，有網友喺IG公開同威威嘅合照，「神隱」咗3個月嘅威威瘦咗唔少，不過唔使再喺幕前工作嘅佢亦無之前咁仔細打理儀容，雖然無剃鬚但明顯睇出仲有gel頭，威威曾表示：「由細到大都中意自己set頭」，爆紅後都唔例外，依家回歸平淡佢都不忘悉心打理髮型。

Photo from IG gary_tang_kit

Photo from TVB

有網民喺合照下留言指會支持威威，睇嚟威威即使「退出」幕前都仍有支持者。威威之前曾將代表粉絲嘅（威威豬）紋喺右邊手臂，冧爆表示：「代表威威豬對我嘅支持！」即使唔再拍廣告威威豬對威威嘅支持相信威威都收到晒！

Photo from 劉宋威YouTube

Text: HolidaySmart Editorial

荃灣威威被網民大爆拖糧，暗示曾於生日會「受聘」扮粉絲？傳經理人已離職，一心重投豬肉檔懷抱！

26 Sep 2022

荃灣威威（劉宋威）自今年5月突然爆紅後，成功憑「俊俏」外型吸引大批女粉絲。然而「人氣如浮雲」，有指佢拍攝廣告後人氣急跌；而佢嘅IG帳號對上一次更新已經係8月15日，而佢近日都甚少喺幕前露面，令大家猜測佢係咪已經決定「隱退」？近日竟然有人留言向佢「追數」，指尚未收到出席生日會嘅薪水？！

Photo from 劉宋威IG

荃灣威威成功爆紅，投身娛樂圈

荃灣威威（劉宋威）爆紅後，曾爆出唔少「黑歷史」，但依然無阻佢踏入娛樂圈嘅心，成功獲得廣告商嘅青睞。其後，佢仲嘗試利用紋身冧「威威豬」（粉絲名稱），喺右手臂上紋咗可愛嘅小豬圖案答謝粉絲「代表威威豬對我嘅支持，你哋嘅留言同讚好我都收到晒！」

Photo from 「威威劉宋威Samuel」YouTube

Photo from 劉宋威IG

突然「人間蒸發」，最後更新日期為8月15日！

隨住威威嘅「除罩」廣告登場後，人氣卻竟然不升反跌，仲有傳威威因此決定「隱退」？而佢嘅IG帳號及YouTube頻道嘅最後更新日期都係8月15日，而佢最大嘅粉絲專頁「荃灣鮮肉威威應援團」都同樣喺8月15日更新完後就冇晒消息？！

Photo from Life Nutrition @YouTube

Photo from 劉宋威IG

網民留言追討6月生日會薪水？！

近日，有網民喺威威嘅IG帳號下留言「上次你哋藝人生日會戈度公關公司仲未出糧。再問又吾覆，你哋公司可否正視一下，我哋真係有身水身汗去左會埸，實行左通告兩小時的工作，但現在追討無門」，疑似係想追討返威威辦生日會時嘅薪水，仲似乎暗示今年6月嘅威威盛大生日會粉絲人數似乎係「做枚」？！該網民強調威威嘅公司公關已讀不回，令佢投訴無門。