download HolidaySmart 假期日常 app
鍾培生宣布派$1000萬！預每人X元＋要做任務！網友：咁麻煩

鍾培生宣布派$1000萬！預每人X元＋要做任務！網友：咁麻煩

娛樂新聞
By Jennifer on 06 Feb 2024
Digital Editor

「富三代」鍾培生趁住農曆新年，宣布將派發$1,000萬，佢晒出現金相，並表示只要完成指定任務就可以拎到，不過有網民認為程序繁複，同埋每人分到嘅錢唔多：「咁麻煩」

「富三代」鍾培生趁住農曆新年，宣布將派發$1,000萬

作為「百億富三代」，鍾培生身家豐厚，同時亦活躍於社交網站，佢主辦嘅明星拳擊賽邀請咗多位網紅參與，成功掀起網民關注，而佢仲有經營YouTube事業，不時拍片分享自己嘅生活。

作為「百億富三代」，鍾培生身家豐厚，同時亦活躍於社交網站

近日鍾培生就喺IG發文，表示將會派發$1,000萬！成枱現金十分誇張！鍾培生：「呢度有1000萬港幣，今年經濟唔太好，想spread more love 同支持我嘅人一齊贏」

近日鍾培生就喺IG發文，表示將會派發$1,000萬！成枱現金十分誇張

鍾培生不時會派禮物畀會員，舊年年尾就買咗Mini Cooper手錶送畀會員

不過呢$1,000萬只有3萬人有份，鍾培生指：「每人派兩舊($200) ，只要你係我嘅followers，完成指定任務就可以拎到，頭3萬人有份，培生培心Champs 再多2舊cash，仲有4球加入我discord 再諗，詳情睇留言。」

鍾培生指：「每人派兩舊($200) ，只要你係我嘅followers，完成指定任務就可以拎到，頭3萬人有份」

雖然佢hashtag「鍾培生益香港人」，但由於每人只得$200，而且要完成指定任務先可以拎到錢，唔少人認為步驟太繁複：「好似好難咁的！不如你向街道見人就派呀！」、「睇張相唔知以為你每個派一千萬，下次唔洗搞咁多，放兩張紅衫魚係枱咪得」、「但爲了$200, 個工序好像太複雜了點」

鍾培生有去大球場睇國際邁阿密對戰港隊

由於每人只得$200，而且要完成指定任務先可以拎到錢，唔少人認為步驟太繁複

鍾培生就喺Story分享「任務」步驟，要輸入佢嘅邀請碼，有網民質疑鍾培生「派錢」但自己更著數，鍾培生回覆：「我不嬲都贏開，好鍾意同我身邊嘅所有人一齊贏」

鍾培生就喺Story分享「任務」步驟，要輸入佢嘅邀請碼

有網民質疑鍾培生「派錢」但自己更著數，鍾培生回覆：「我不嬲都贏開」

其實鍾培生之前都試過派錢，不過當時佢係準備逾$10萬封利是，每封為$100，鍾培生更喺街上隨機派利是畀市民，今次派錢雖然有加碼，由$100變到$200，但就要做任務，不過相信仍會有唔少人都願意做任務攞錢。

鍾培生之前都試過派錢

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

鍾培生新年豪派逾10萬蚊利是！網民：好離地去香港第二有錢地區派

7 Feb 2022

「富三代」鍾培生早前拍片派利是為餐廳打氣，近日佢再化身「財神」將一大疊現金塞入利是封，親自落鬧市派錢，唔少市民同佢合照，但亦有伯伯級嘅市民拒收利是，網友稱：「鍾生算係咁啦」

「富三代」鍾培生早前拍片派利是為餐廳打氣Photo from 鍾培生 IG

鍾培生派逾$1萬利是支持飲食業

鍾培生係「百億富三代」，家世顯赫，家住淺水灣逾萬呎5層豪宅。佢早就開始經營YouTube事業，經常喺個人頻道「培生培心」拍攝唔同類型影片。

鍾培生係「百億富三代」，家世顯赫，家住淺水灣逾萬呎5層豪宅Photo from 鍾培生 IG

早前佢曾拍片表示禁堂食令飲食業大受打擊，於是決定為餐廳打氣，豪氣大派一疊$500紙幣利是，希望帶到啲正能量同支持畀食肆。

鍾培生決定為餐廳打氣，豪氣大派一疊$500紙幣利是Photo from 鍾培生 YouTube

新年準備逾10萬蚊利是

「派錢」行動未完結，近日鍾培生再喺YouTube公開新影片，佢指：「培生培心要為香港帶來更多正能量、散播更多愛」，片中佢與公司職員一齊封利是。

近日鍾培生再喺YouTube公開新影片，佢指：「培生培心要為香港帶來更多正能量、散播更多愛」Photo from 鍾培生 YouTube

枱面放咗一大疊如磚頭咁厚嘅$100紙幣，鍾培生將紙幣分別塞入利是封中。上次派畀餐廳嘅利是價值超過$1萬，今次佢再加碼，準備逾$10萬封利是，每封為$100。

枱面放咗一大疊如磚頭咁厚嘅$100紙幣，鍾培生將紙幣分別塞入利是封中Photo from 鍾培生 YouTube

鍾培生再加碼，準備逾$10萬封利是，每封為$100。Photo from 鍾培生 YouTube

上年曾被途人拒收，鍾培生讚市民今年好熱情

鍾培生上年都有落街派利是，不過上年佢屢次被拒收，鍾培生稱香港人比較含蓄，相信今年會更加熱情。鍾培生仲話有諗過著財神衫派利是，佢表示香港酒店業都好辛苦，於是走入酒店向前台職員派利是。

鍾培生上年都有落街派利是，不過上年佢屢次被拒收Photo from 鍾培生 YouTube

鍾培生話有諗過著住財神衫派利是Photo from 鍾培生 YouTube

鍾培生表示香港酒店業都好辛苦，於是走入酒店向前台職員派利是。Photo from 鍾培生 YouTube

期間佢更遇到公司職員，雖然鍾培生語帶嫌棄：「可以咁㗎咩？」，但最終都照派利是畀職員。隨後佢就去到銅鑼灣向途人派發利是。

期間鍾培生遇到公司職員，雖然鍾培生語帶嫌棄：「可以咁㗎咩？」，但最終都照派利是畀職員Photo from 鍾培生 YouTube

鍾培生去到銅鑼灣向途人派發利是。Photo from 鍾培生 YouTube

唔少市民都有上前收利是，更有人主動同鍾培生合照留念，鍾培生亦非常樂意同人影相。不過都有部分伯伯、阿姨拒收利是，但鍾培生仍然開心表示：「大家比我想像中熱情。」

唔少市民都有上前收利是Photo from 鍾培生 YouTube

有人主動同鍾培生合照留念Photo from 鍾培生 YouTube

鍾培生亦非常樂意同人影相。Photo from 鍾培生 YouTube

有部分伯伯、阿姨拒收利是，但鍾培生仍然開心表示：「大家比我想像中熱情。」Photo from 鍾培生 YouTube

網民反應兩極

有網友睇完片段後指鍾培生有錢都願意幫人：「100蚊算係咁，大把老細開工利是都無呢個數」、「有邊個富二代呢啲時候會出嚟派錢」

網友：「100蚊算係咁，大把老細開工利是都無呢個數」Photo from LIHKG

網友：「有邊個富二代呢啲時候會出嚟派錢」Photo from LIHKG

網友睇完片段後指鍾培生有錢都願意幫人Photo from 鍾培生 YouTube

但亦有人認為佢咁有錢先派得嗰$100，又指佢唔去深水埗等地區派：「夠晒離地，去香港第二有錢嘅灣仔區派」、「唔見佢落深水埗派」，有網民反駁：「喺深水埗派，唔使3分鐘就被人搶晒」

亦有人認為佢咁有錢先派得嗰$100Photo from LIHKG

網友指鍾培生唔去深水埗等地區派：「夠晒離地，去香港第二有錢嘅灣仔區派」Photo from LIHKG

鍾培生喺鬧市派利是Photo from 鍾培生 YouTube

有網民反駁：「喺深水埗派，唔使3分鐘就被人搶晒」Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

娛樂新聞鍾培生