楊千嬅任《中年好聲音2》評審網友罷睇 伍仲衡躺著也中槍被批唔識唱歌？！
TVB歌唱節目《中年好聲音2之登峯之戰》決賽將於本週日（24日）舉行。而節目日前就宣布，蔡琴將會作為表演嘉賓獻唱，另外評判陣容除了肥媽、張佳添、陳慧嫻、伍仲衡、周國豐等音樂界資深人士外，更驚喜邀請了楊千嬅作為嘉賓評判！消息一出馬上引起網友討論，有人質疑楊千嬅評審資格揚言要罷睇節目。但同時亦有人撐千嬅，反倒令評審之一的伍仲衡躺著也中槍？！
Photo from TVB圖片
Photo from 楊千嬅IG
日前，《中年好聲音2》官方公布楊千嬅將成為總決賽終極評判引起網上熱烈討論！部份網民質疑楊千嬅評判資格，網民認為應該邀請如陳潔靈、杜麗莎或蔡琴等資深歌手來擔此重任，更有激動網民揚言要罷睇節目：「參賽者仲唱得好過佢」、「佢自己唱歌都未攪得掂」、「我以為佢係參賽者咋」、「搵個唱歌走音做評判」、「咁唔洗睇lu」、「本來都想睇總決賽嘅，有佢出場我哋罷睇」、「有說服力咩？」等。
Photo from 楊千嬅IG
Photo from 楊千嬅IG
不過同時就有粉絲撐千嬅，覺得她做評審根本唔差，有唱功有人氣，並認為評判不用識唱歌：「其實千嬅嚟做評判都要比（俾）你哋鬧？你要搵哂（晒）啲唱歌好掂嘅？仲要千嬅唱歌根本唔差，國內咁多歌手佢都可以咁紅，證明唱功！佢喺國內開演唱會門票秒殺，證明人氣！請佢做嘉賓有何不可？難道伍仲衡識唱歌？」
Photo from 楊千嬅IG
網友的一句「難道伍仲衡識唱歌？」令伍仲衡躺著也中槍，對此伍仲衡就有轉發該回應出Po寫道：「冇常識嘅人先會覺得做歌唱比賽評判一定要唱歌好聽」，並在留言區補充指：「嗱 大家的熱烈討論，足以證明呢個節目有幾成功！以前成人睇樂評同影評 從來冇覺得啲樂評人要識作曲 從來冇覺得啲影評人要識拍戲道理一樣啫。」引起網友紛紛表示：「呢段嘢，重點不是楊千嬅，重點係話伍仲衡唔識唱歌」、「唔知點解要燒埋您度？？」「明白伍sir意思，即係話即使千嬅唱歌難聽都唔緊要，千嬅都可以做評判」、「唔係靚仔靚女唔可以做選美評判？」、「校長同光B哥都有分享過歌唱比賽評判唔一定識唱歌」
Photo from 伍仲衡Facebook
Photo from 伍仲衡Facebook
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
楊千嬅自爆只用普通話與家人溝通？！經常被老公丁子高批評唱功/衣著！
26 Aug 2022
楊千嬅近年北上工作，經常出演唔同嘅內地綜藝節目。最近，佢出演真人騷《陽光姐妹淘》分享同家人嘅生活趣事，自爆宜家同老公丁子高及兒子都係用普通話溝通；其後佢喺玩遊戲嘅過程中輸咗需要食檸檬，令佢食到面容扭曲流晒眼水！
Photo from 楊千嬅IG
楊千嬅經常獲邀出演內地綜藝節目
楊千嬅近年將事業重心放咗返內地，早前出演歌唱節目《聲生不息》令佢人氣急升，經常獲邀出演唔同嘅綜藝節目。日前，佢出演真人騷《陽光姐妹淘》分享自己平時嘅生活，佢話老公丁子高唔允許佢飲凍嘢，有次佢喺餐廳叫橙汁，但卻發現老公已經提前叫員工幫手「整熱」杯橙汁，令佢非常驚訝！
Photo from 《陽光姐妹淘》
Photo from 《陽光姐妹淘》
自爆現時與家人用普通話溝通！
主持人詢問楊千嬅兒子Torres知唔知道佢係歌手，佢就話「他知道我是歌手，但厲害不厲害都不太知道。」而佢仲話囝囝會偷偷令佢嘅歌，可以話係佢嘅小粉絲～而佢自爆現時同老公及囝囝都係用普通話溝通，因為覺得自己嘅普通話尚有好大嘅進步空間。
Photo from 《陽光姐妹淘》
Photo from 《陽光姐妹淘》
食檸檬食到流眼淚！
其後，楊千嬅同另外2位出演者玩遊戲，喺戴住耳機嘅情況下望住對方嘅口型去猜對方想講咩；而楊千嬅就輸咗被要求食檸檬。佢亦立刻攞起一片檸檬成塊放入口，令佢食到面容扭曲及流眼水，事後佢就講笑咁話「吃檸檬對身體很健康！」
Photo from 《陽光姐妹淘》
Photo from 《陽光姐妹淘》
一家三口定居上海
另外，楊千嬅近日亦有出演由王祖藍主持嘅《有個閨密叫祖藍》，大爆更加多同家人相處嘅事。現時楊千嬅一家三口都定居喺上海，佢解釋「當初嚟係因為佢好耐冇見屋企人，佢屋企係大家族每次食飯都三圍枱。」表示自己都好掛住喺香港嘅父母。
Photo from 楊千嬅IG
大爆與奶奶打麻雀超緊張？
定居上海後，楊千嬅同奶奶相處嘅時間多咗，佢就坦承宜家經常都會陪奶奶打麻雀「我只係識少少。初初打我好驚架，奶奶好認真，唔可以亂打。」若果其他人當時正「做緊大牌」，而佢就細牌截糊可能會激嬲奶奶㗎「真係驚過輸㗎」！
Photo from 《有個閨密叫祖藍》
最驚老公身材走樣！
佢笑言丈夫平時好唔識做，經常都會批評佢嘅唱功同埋穿衣風格。其後佢自爆當初同丁子高並非一見鍾情，但喺相處嘅過程中發現自己被佢改變咗好多；而佢坦言最驚老公身材走樣！
Photo from 《有個閨密叫祖藍》
Photo from 丁子高IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
