李亞男爆王祖藍常被女兒指「好短」！大女身高遺傳媽媽基因？！

By Jennifer on 28 Mar 2024

Digital Editor

麥美恩主持嘅《Mayanne小喇叭》搵咗兩位岑麗香同李亞男上嚟講佢哋嘅婚姻同埋仔女故事。其中李亞男提到兩個女兒，大爆女兒曾直言爸爸王祖藍「好短」，令Mayanne忍唔住面都紅晒！

Photo from TVB

王祖藍、李亞男夫婦近年北上工作，基本上長駐內地，今次李亞男罕有單獨出演節目，佢喺《Mayanne小喇叭》講起咗老公王祖藍以及一對女兒嘅故事。

Photo from 李亞男微博

王祖藍同李亞男「最萌身高差」一直都係熱門話題，王祖藍更毫不介意，多次大方以身高同老婆李亞男互動，其中一次兩人出席北京國際電影節行紅地氈，李亞男著咗高踭鞋，而王祖藍則貼心為老婆提起拖地嘅裙擺，王祖藍仲因而被指似花童，之後王祖藍就公開自己小時候嘅真實花童照回應：「當花童我可是專業的」

Photo from 李亞男微博

原來連佢哋嘅女兒都有笑過爸爸嘅身高！李亞男指大女Gabby成日話佢老公「好短」：「喺佢心目中爸爸係好短嘅：『媽咪高，爸爸短』」，李亞男有幫手糾正：「我就話：『唔係，唔好咁講，爸爸矮啫』」Mayanne聽到後大爆笑！

Photo from TVB

根據資料，李亞男身高係175cm，而王祖藍身高為162cm，兩人身高相差13cm。之前李亞男公開過母女合照，可見當時3歲嘅Gabby身高已經到媽媽嘅腰部位置，遺傳咗李亞男嘅身高基因，相信好快就會超越爸爸王祖藍，有網民笑言日後王祖藍可能將來係全家最矮嘅人。

Photo from 李亞男微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

王祖藍李亞男1.1億豪宅爆光頂層複式單位飽覽無敵海景！

15 Feb 2024

現年44歲的王祖藍在內地發展多年，早年一家人便已移居上海生活。不過適逢農曆新年，最近王祖藍一家四口就返港過年，期間李亞男就因為拍片放上網，意外令他們以1.1億元購入的白石角逸瓏灣II頂層特色戶豪宅意外曝光！

Photo from 王祖藍微博

適逢農曆新年，日前王祖藍老婆李亞男就於小紅書上上載了一段影片，分享一家人食團年飯的溫馨時光，並留言寫道：「最幸福的是一家人坐在一起吃團圓飯！過年啦！大家的春節團圓飯都吃了啥呢～我們家晚上要開party，為了滿足所有人的口味，這次的團圓飯東南西北各種口味都安排上了～新的一年要繼續多陪伴家人，珍惜和家人團圓的時光！」

Photo from 李亞男小紅書

不過影片一出大批網友就把重點放在了二人豪華大宅上，畫面中可見王祖藍與李亞男的白石角複式億元豪宅相當奢華，不但能飽覽吐露港全海景，屋內長方巨廳亦非常闊落，單位特色平台位置更設有鞦韆供兩女當遊樂場。李亞男亦在影片中介紹了屋內的賀年布置，只見空間闊落的客廳足夠擺放一棵大桃花，而玄關位置則有一盆大吉及蘭花。另外客廳大門亦以雙開設計，不但有氣派，更可從門口旁的樓梯直上天台，私隱度非常高。

Photo from 李亞男小紅書

而據悉王祖藍是在在2015年以太太李亞男的名義，豪擲1.1億港元買入位於白石角逸瓏灣II的這個頂層特色戶，其後再以3706.9萬元購入同屋苑的低層連花園單位作投資，至2022年9月以4580萬元沽出該單位，帳面上大賺873萬元。另外同年12月王祖藍就再以2047.1萬元購入同區海日灣一個三房單位，實用面積1,362平方呎，實行「高賣低買」，成功趁低吸納。