福祿壽訓練學院｜黃建東再以藝員身分參加TVB綜藝網友嘲：搶走素人個位！

By Macy Sun on 10 Apr 2024

現年42的黃建東在2011年參加「香港先生選舉」，獲演藝潛能大獎，其後簽約TVB。期間拍過不少劇集，又參演過多個綜藝節目，包括2021年的《識貨》、2022年的《全城一叮》以及《全能司儀選拔大賽》，而今年他又再報名參加《福祿壽訓練學院》，怎料就惹來有網友不滿，指他再以藝員身分參賽是「搶走素人個位」！

Photo from 黃建東IG

TVB全新節目《福祿壽訓練學院》近日（7日）播出第2集，當中TVB簽約藝人黃建東就以「一人Avantgardey」姿態跳唱《打雀英雄傳》及《跳舞街》。經驗豐富的他表演一結束就獲阮兆祥大讚：「因為我扮過，我知道跳《跳舞街》頭先嗰個版本係幾咁辛苦。」李思捷亦讚黃建東：「你喺公司咁多年，你無論做咩崗位，你都係做盡自己百分之一百，好犀利！」

Photo from 黃建東IG

不過對於黃建東再以藝員身分參加無綫綜藝節目，網友意見就明顯兩極，有網友認為黃建東多次參加TVB比賽有「濫用資源」之嫌，指：「個個比賽都有佢（黃建東）份，好心比的機會新人啦，參加咗咁多都唔紅就知自己咩料今日福祿壽又有佢。」、「搶走素人個位。佢自己做電視台，乜都做過晒，又有人脈。知否每一個機會對於素人，是很珍貴」﹑「以佢的履歷，佢的崗位應該係做助教，幫手訓練學員，而唔係搶位。」﹑「呢的機會真係好難得，成日都霸住個位，都唔知想點」﹑「佢咩都去參加，都唔知佢想點。」﹑「因為做極都上唔到位。就乜都要試。」另外亦有網民認為黃建東無錯：「扮野（嘢）個門檻對於素人黎（嚟）講高過唱歌，所以好難有真素人」﹑「人人平等」﹑「人哋參加比賽都唔滿意咁奇怪」等。

Photo from 黃建東IG

而節目播出後黃建東就有在IG發表感受，指自己有擔心被別人覺得他參加了太多比賽，但他認為2024年應該重新再來，「同埋參加比賽最緊要係可以挑戰自己，以及繼續發掘自己嘅潛能。」另外他亦有發文向協助籌備表演的工作人員表達感謝，當中就揭露了原來他是在星級幕後打造下參加比賽，不單止服裝排舞到排舞師，就連化妝、拍片的製作團隊大多都是專業人員，其中更有金像獎提名音樂家好友幫手，難怪網民不滿他以藝人姿態參賽，扼殺素人的參賽及表演機會。