陳小春應采兒大仔Jasper答唔出中國節日！網友：上的甚麼學校

娛樂新聞

By Jennifer on 03 May 2024

Digital Editor

陳小春同應采兒近日帶住11歲嘅兒子Jasper一家三口去澳門玩，更拍攝影片同網民分享。片中可以見到Jasper喺路上好興奮，到達澳門之後，應采兒問咗佢一啲有關中國歷史同文化嘅問題，但Jasper卻答唔出，掀起網民熱議。

Photo from 應采兒抖音

最近，陳小春同應采兒就帶住佢哋11歲嘅兒子Jasper去咗澳門，細仔Hoho則未有同行，去玩之餘佢哋都不忘拍埋片同fans分享一家三口嘅日常生活。片中見Jasper十分興奮。

Photo from 應采兒微博

Photo from 應采兒抖音

近年陳小春同應采兒都喺內地發展，一家人長居上海，喺2020年應采兒亦自爆Jasper已經轉到上海一間國際學校讀書，有指該校小學一年學費由29.3萬人民幣（約$33.3萬港元）～30萬人民幣（約$34萬港元），雖然安排仔仔讀國際學校，不過應采兒強調一定要Jasper學中文，Jasper更一度學到喊！

Photo from 應采兒微博

從片中可見Jasper現時嘅普通話唔錯，到達澳門後，應采兒向佢問起一啲關於澳門同中華文化嘅問題，如「澳門喺邊一年回歸」、「除咗新年，仲有咩傳統節日？」

Photo from 應采兒抖音

Jasper喺爸爸陳小春嘅手勢提示下勉強答到澳門於1999年回歸，但對於傳統節日，佢只答出「中秋節」，之後爸爸媽媽分別提佢「吃粽子」、「掃墓」係咩節日，佢都答唔出，令應采兒直呼：「好丟臉！」

Photo from 應采兒抖音

到達澳門之後Jasper同陳小春一齊玩桌球，出門時卻遇上難題，原來Jasper唔識綁鞋帶，陳小春逐步逐步教都唔成功，媽媽應采兒即取笑：「11歲不會綁鞋帶。」不過留言有部分家長感同身受，指自己嘅小朋友12、13歲都唔識綁鞋帶。

Photo from 應采兒抖音

但有一啲網友則認為Jasper 11歲都唔識中國傳統節目唔正常：「怎麼感覺在教外國人」、「中國節日都不知道」，亦有人指可能係因為Jasper就讀國際學校，無教導學生傳統節日同文化。

Photo from 應采兒抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

應采兒大晒8歲兒子Jasper近照！4大嚴格育兒規矩再掀熱議：教不好只會讓自己丟臉？

7 Apr 2022

陳小春同應采兒嘅大仔Jasper（陳胤捷）過往曾出演內地綜藝節目《爸爸去哪兒5》，乖巧陽光嘅性格，深得網民喜愛～不過隨住年紀增長，Jasper出現於幕前嘅次數都越來越少；近日應采兒罕有地公開佢嘅近照，隨即引起熱議！

Photo from 應采兒微博

# Jasper過往出演《爸爸去哪兒5》大獲好評！

陳小春與應采兒於2010年結婚，育有兩名兒子：大仔Jasper及細仔Hoho，兩夫婦不時會上載溫馨家庭照～過往陳小春曾帶同Jasper出演真人騷《爸爸去哪兒5》，兩父子搞笑嘅互動成為亮點，而唔少網民都認為Jasper性格安靜乖巧，深得大眾喜愛。然而，Jasper亦因為長大而甚少再出現於幕前。

Photo from 應采兒微博

Photo from 《爸爸去哪兒5》

# 即將9歲Jasper近照公開，越大越似爸爸！

近日，應采兒罕有地公開親自幫Jasper剪頭髮嘅短片，仲寫上「家庭魔髮屋開始接單」。從影片中所見，應采兒身穿黑色休閒服，手持專業剪刀為仔仔理髮；而Jasper就圍上白色「理髮袍」安靜咁坐定定等待。網民們都忍唔住將焦點放咗落即將9歲嘅Jasper身上，認為佢樣貌比以前大個咗好多，感覺比以前更加沈穩，仲越來越似爸爸～

Photo from 應采兒抖音

# 對媽媽的理髮成果感到滿意！

之後，應采兒大顯身手非常熟練咁幫仔仔 gel頭，而Jasper亦於鏡頭前單眼「放電」，似乎幾滿意媽媽為佢設計嘅新造型呢～

Photo from 應采兒抖音

# 應采兒曾於節目分享育兒心得！

其實夫婦二人近年主要北上發展，經常參與唔同嘅內地綜藝節目。應采兒同袁詠儀曾出演《童言有計2》，分享獨有嘅育兒心得。其中應采兒坦承唔太鍾意將小朋友交俾長輩們照顧，認為好容易出現過分溺愛嘅現象，寵壞小朋友！

Photo from 《童言有計2》

# 不願意讓長輩湊小朋友？！

過往，應采兒嘅爸爸曾經詢問Jasper「今天想食飯或麵？」，卻反而令應采兒感到生氣，覺得唔應該太遷就小朋友「這裏不是餐廳，有什麼吃什麼！」，袁詠儀亦表示非常贊同呢種管教方法～

Photo from 《童言有計2》

# 非常重視兒子的餐桌禮儀！

注重小朋友餐桌禮儀嘅應采兒亦指出「長幼有序」嘅禮儀：當一家人於圓桌上進餐時，長輩俾小朋友先夾餸；但應采兒堅持並同仔仔講「我等，我們可以等」，教導仔仔必須等長輩開始進食先能夠動筷！

Photo from 《童言有計2》

# 認為基本禮儀十分重要！

而且，應采兒仲叮囑Jasper「餸菜轉過來時，如果是最後一塊，你也不能吃！」主持人不禁詢問「會不會太多規矩了？」，佢立刻反駁「這是基本禮儀」！

Photo from 應采兒IG

# 曾禁止Jasper打遊戲機！

應采兒多年前下令年紀尚輕嘅Jasper唔準打機，而Jasper就發揮創意，自己利用紙箱假裝螢幕「上面畫上超級馬里奧」，並假扮正在打機嘅畫面，令佢身邊嘅朋友都講笑咁話好心酸！台灣藝人王子（邱勝翊）曾表示陪Jasper打機，但就大爆「有位嚴母不讓兒子玩遊戲　放了段Video讓我們假玩，但Jasper一直都覺得是真的。心疼他」