印尼男子結婚12日驚揭老婆男扮女裝！戀愛一年不知情終崩潰報警

印尼一名26歲男子AK透過網絡認識了一名女網友，兩人墜入愛河並在一年後舉行婚禮。但是，在度蜜月時，AK驚訝地發現原來新婚妻子是男人！兩人結婚僅12日，發現妻子並非女兒身，AK最終崩潰報警。

據外國傳媒報道，印尼一位26歲男子AK（名字縮寫）2023年認識一位同齡女網友，她自稱「Adinda Kanza Azzahra」，兩人雖然是網友，但很快就建立起了深厚的感情，更發展成網戀關係。

Photo from 劇照

之後AK和Adinda Kanza Azzahra更相約見面，當時Adinda Kanza Azzahra戴著面紗、身穿穆斯林服飾。AK未有對女友的身份起疑，他們相戀一年間約會數次，之後更決定走進婚姻的殿堂，共度餘生。

睇更多人氣文章：
內地美女交警獲封「杭州朴信惠」！網民迷上其溫柔語氣
空姐大爆經濟艙3大最差座位 專業分析揭這一區集所有缺點！

AK和Adinda Kanza Azzahra未有正式註冊，她表示自己母親已離世、父親早已不知去向，不會有家人出席婚禮，因此兩人只在AK家中舉行簡單結婚儀式，AK準備了5克黃金給妻子作為嫁妝。不過AK發現婚後妻子總是避免與他的親戚接觸，又以「累」為理由拒絕和他行房。

Photo from 劇照

婚後12天，當AK和妻子度蜜月的時候，一個驚人的真相浮出水面。原來，妻子並不是一位女子，而是男子，這使得AK十分崩潰，他感覺自己被欺騙了一年的時間，對所謂的愛情感到非常失望。

AK立即報警，AK聲稱不在的父親也證實他是男兒身，真名其實是ESH。ESH被捕歸案，他也承認自己是為了騙財才假扮女人與AK結婚。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大胃王女網紅承認係「男兒身」！揭露變裝原因！細數3位粉絲逾百萬男扮女裝網紅

11 Mar 2022

大家成日話「網絡世界不能盡信」，唔少資訊同照片都有可能係虛假嘅！最近，知名大胃王網紅「浪胃仙」就被揭發一直以來都係男扮女裝，引起網民熱議。其實過往亦有唔少網紅選擇男扮女裝出鏡，藉此提高人氣？！

Photo from 浪胃仙微博

# 吃播成為網民熱愛影片！

現時網絡上出現大量直播網紅，必須有獨特嘅風格先能夠突圍而出，吸引大眾目光！其中「吃播」就一度深受網民喜愛，大家都覺得望住直播主食嘢嘅感覺，非常療癒～為咗迎合潮流，部分男網紅都會選擇做埋美妝直播，親自將化妝品試上手。

Photo from 微博

Photo from 微博

# 內地大胃王網紅「浪胃仙」爆紅！

而內地大胃王網紅「浪胃仙」就「一吃成名」，人氣高企，至今坐擁至少3,500萬粉絲。據悉，90後嘅佢本名係李航澤，大學畢業後到重慶工作；佢自己本身食量大，食嘢速度快，機緣巧合下就開始拍攝吃播，並火速爆紅！

Photo from 浪胃仙微博

Photo from 浪胃仙微博

# 性別卻引起網民疑惑？！

「浪胃仙」由2018年開始做吃播主，影片內容大部分都係將餐桌上滿滿嘅飯菜全部食晒！直到後來，佢大晒自己多年來嘅對比照，令唔少人都開始對佢嘅性別感到好奇。

Photo from 浪胃仙微博

# 過往打扮中性，但宜家完全係女仔？！

成為網紅初期，「浪胃仙」嘅頭髮比較短，而且打扮中性；相反宜家嘅佢卻留咗一頭黑長髮，經常都化妝上鏡，而且仲會去美甲，不禁令網民更加疑惑！不過有網民就指睇影片時見到佢嘅喉結同埋低沈嘅聲音，覺得佢應該係男仔。

Photo from 浪胃仙抖音

Photo from 浪胃仙微博

# 自爆係男仔，解釋中性打扮背後原因！

後來，「浪胃仙」親自向網民解釋自己係男生，並且成為人父，但現在已經離婚。佢解釋會打扮得比較中性係因為一人分飾爸媽角色，希望令孩子感受到母愛，所以偶爾喺言語或行為上會比較女性化！

Photo from 浪胃仙微博

Photo from 浪胃仙微博

# 過往係校草級靚仔？！

後來，「浪胃仙」仲大爆年輕時曾經係校草，仲被網民翻找到疑似昔日照片，但亦有網民指照片另有其人！

Photo from 微博

Photo from 微博

# 男扮女裝網紅能迅速獲得關注？！

其實過往亦有網紅男扮女裝出鏡，仲因此瞬間獲得網民們嘅關注！網紅「康雅雅」憑打扮成白雪公主而人氣急升，由於男扮女裝後嘅佢外貌清純，抖音帳號擁有274萬粉絲！然而，佢嘅影片卻於一夕之間遭刪除，有傳係受「限娘令」影響。

Photo from 康雅雅微博

Photo from 康雅雅微博

# 浮誇女裝成賣點！

另一位知名嘅男扮女裝抖音網紅「董代表」成日身穿女裝、濃妝豔抹出鏡，佢憑著搞笑浮誇嘅演技以及貼地嘅內容，粉絲人數成功突破600萬！

Photo from 董代表抖音

Photo from 董代表抖音

# 公開變裝過程，仲做埋美妝店老闆！

網紅「王小強」特別之處在於佢曾經分享變裝嘅過程，佢一直都有鑽研化妝技巧，認為男士出門化妝都係基本禮儀，而唔少網民都大讚佢化妝後嘅樣貌比女仔更加清純！後來佢仲開咗自己嘅美妝網店，多次搵媽媽做模特兒，令佢媽媽都變成網紅～

Photo from 王小強微博

Photo from 王小強微博

相關文章：抖音「男扮女裝」網紅康雅雅被封號！疑與「限娘令」有關！於微博公開道歉

相關文章：59歲男子男扮女裝將近20年！背後藏有感人故事！無視眾人奇異目光

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）