37歲高海寧身體響起警號頭部多處有硬塊曾兩度出現鬼剃頭！

By Macy Sun on 03 May 2024

現年37歲的高海寧（高Ling）去年憑TVB電視劇《新聞女王》在香港及內地人氣急升，令她現時經常要往來兩地工作，北上完拍攝內地真人騷《無限超越班》第二季，又要趕拍TVB新劇《武林》。由於工作過度繁忙，高海寧身體亦開始響起警號，早前她就在社交平台上透露頸部疑似有硬塊，上月更曾入院令人擔心，而近日她受訪時就講到病情，更自爆再次有鬼剃頭情況！

Photo from 高海寧微博

高海寧近期中港兩地兩邊走，工作可謂忙到「甩轆」，而4月初時她的身體就突然響起警號，頸部突然出現兩個大硬塊，其後她更一度要入院，令不少人都擔心她的身體狀況。而近日高Ling回到TVB拍劇，接受訪問時她就有交代入院一事，指：「我好突然㗎，我係拍完《無限超越班》嘅通宵之後第二日，坐飛機返嚟，跟住我就喺度按我條頸啦，咦，乜有粒咁大嘅嘢，因為之前嗰晚都係四點幾先瞓吖嘛，跟住之後咁大粒嘅？硬硬地㗎喎仲要係，嗰陣真係比而家凸好多，跟住就好驚啦。摸落去頭皮呢個位，呢兩忽呢係兩大嚿硬塊，跟住痛喎！然之後㷫㗎成個頭皮，跟住我就死啦，咩事呢？」

Photo from 高海寧 IG

而之後之後高Ling亦又被媽咪發現到有鬼剃頭的情況，她說：「我之前試過鬼剃頭兩次，我最近又有咁嘅跡象，咁我知道係壓力，所以其實個心……即係我唔係話好徬徨嘅，但係我知道我要抽時間去醫院Check，咁跟住劇組好好啦，叫我去醫院，即係大家都唔想你有事咁樣，所以就放咗我幾日假去醫院，所以我先有時間入院去Check，Check到出嚟Touch wood唔係嚴重嗰邊嘅可能性已經好好多，但醫生都話要Mon住，咁而家都仲喺度（硬塊），咁可能都需要畀多啲時間，咁醫生就話你最好呢就係可以休息」。

Photo from TVB影片截圖

不過可惜高Ling工作實在太繁忙，行程一早已排得密密麻麻，休息對於她來說實在不易，對此她就指：「幾辛苦工作都好啦，身體都係最重要嘅，我覺得最緊要保持個心情，我係一個好容易緊張同埋焦慮嘅人，特別係當工作咁高強度嘅時候呢，下下都要保持你一百分狀態嘅時候你就會將自己Push到好盡，咁呢樣嘢就會導致我成日好掹緊好大壓力，我覺得我要調節返個心態要放鬆啲。同一時間《無限超越班》嗰邊又拍緊，嗰邊又係好高強度啦，加埋廠景我諗我幾乎連續大半個月都係凌晨四、五點鐘瞓，好多時都係凌晨一點鐘先收工，五點鐘就出發去機場，要咁樣先趕得切飛返香港開工，好多時一落機就要即刻開工，但係享受嘅，從來都未試過咁忙嘅，其實算唔算係Happy problem呢？都算係嘅，但係要調節返自己嘅心情囉。」