方力申自爆婚事無期認「個底太花」未獲女友信任：我講咩佢都唔信！

By Macy Sun on 09 May 2024

現年44歲的方力申去年認愛女友葉萱（Maple），一路陪伴女友走出傷痛。不過近日方力申接受媒體訪問時，就自爆二人目前雖感情穩定但就婚事無期，皆因自己過往「個底太花」未獲女友信任？！

Photo from 方力申IG

方力申近日接受傳媒訪問，坦言之前疫情時工作量大減，加上面對中年危機，令其開始懷疑自己：「疫情、中年，好多角色唔到你做，偶像派、愛情故事已經過咗，好成熟嘅角色又未到我，幸運有其他事業好似教游水。」他亦指自己曾一度想過轉行，慶幸演舞台劇令他重新肯定自己：「做舞台劇感動到人，心諗我都冇揀錯行呀。」

Photo from 方力申IG

其後方力申亦有被問到感情事，對於有否想過跟拍拖一年的女友葉萱拉埋天窗的問題，方力申就表示：「都有諗，啲人話成家先立室之後對事業有幫助，因為要養家、有個責任，但反而由細到大我都冇諗過到今時今日都未結婚，不過，呢啲係兩個人嘅事，要慢慢傾，呢個年紀唔能夠衝動，唔想覺得婚姻係兒戲，唔想結兩、三次婚，我係嚮往一個完整家庭，所以真係要溝通。」

Photo from 方力申IG

Photo from 葉萱IG

方力申同時亦坦言其實目前還未認真跟女友討論結婚一事：「講笑就有講過，每次拍拖都好認真，但係要對方知道都要一段時間」另外方力申早年就曾與馮盈盈、陳瀅、陳曉華等女藝人傳出緋聞，這些花邊新聞亦讓其相當苦惱，「我咁多新聞，佢都要時間去認識係八卦雜誌嘅我定係眼見嘅我呢？我成日講咩佢都唔信，又話我做戲好Chok，唔似平時。」他也自嘲難明白為何至今還未能贏得女友信任，認為兩人還需要時間了解。

Photo from 網上圖片

Photo from 方力申IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

方力申主演內地電影首日票房慘收¥74 被嘲從來不是電影主角級數網友仲攞鄧麗欣做比較！

26 Apr 2024

方力申近日在TVB劇集《逆天奇案2》中罕有飾演反派天才生物學教授，瘋狂切換情緒的演技令人眼前一亮，不過轉戰內地電影界卻慘淡收場！近日就有指他主演的新戲《億計劃》在內地首日票房僅收74元人民幣（約82港幣），引起網友拿方力申與其前女友鄧麗欣作比較，指分手後女方反而越來越好，兩人有明顯差距？！

Photo from TVB圖片

方力申的新戲《億計劃》日前在內地上映。電影中，方力申飾演的角色齊飛是一位創業失敗的男子，背負著巨額債務。為了尋找扭轉乾坤的機會，他得知一位名叫理查的投資人可能是他的救星，於是毅然前往P國的M市唐人街尋找希望。方力申在新片中可謂搏到盡，不但扮成女人，更頭笠柚皮犧牲形象，以求在角色上有所突破，只是他的努力就似乎並未轉化為票房上的成功，首日票房只錄得74元人民幣（約82港幣），據網友貼出資料所指只賣出2張飛！

Photo from 電影海報

Photo from 網上圖片

據悉《億計劃》其實早在五年前已經拍攝完成，原本預計在2019年暑期檔期上映，當時的片名為《菲比尋常》。然而不知是什麼原因，最終時隔五年這套倉底貨改名為《億計劃》才得以上映。對此有媒體猜測這次《億計劃》票房仆直的原因，主要是因為網絡上已有該片的盜版流出，所以才令票房強差人意。

Photo from 《億計劃》劇照

而對於方力申票房仆直一事，網友們亦議論紛紛，不少網民都直指方力申向來演技就相當普通，從來不是電影主角的級數：「從來都唔係卡士」、「呢條友樣樣唔到岸」、「又係一個藝人紅不入中國」。另外亦有人將方力申和其前女友鄧麗欣（Stephy）作比較，認為二人分手後，女方越做越好，相反方力申沒有太大發展和進步：「Stephy 同佢分手後仲出名喎」、「Stephy勁多戲喎，金都贏口碑，飯氣贏票房。方力申就真係霉」、「鄧麗欣飛左佢先事業第二春啦，反而方力申真係個人老左連戲路都窄埋專心教水算」。