download HolidaySmart 假期日常 app
arhoTV Sunny潛水一年正式復出！女友Creamy出鏡力證無分手

arhoTV Sunny潛水一年正式復出！女友Creamy出鏡力證無分手

娛樂新聞
By Jennifer on 21 May 2024
Digital Editor

YouTuber「arhoTV」種種爭議令人氣大受影響，兩人喺YouTube發出「公告」宣布退款後就潛水至今，期間Sunny嘅女朋友Creamy清空IG及YouTube內容，有傳兩人已分手，但潛水一年，「arhoTV」Channel正式翻生，Sunny公開新影片「復出」。

YouTuber「arhoTV」種種爭議令人氣大受影響，兩人喺YouTube發出「公告」宣布退款後就潛水至今Photo from Sunny IG

「arhoTV」因向未成年觀眾出售NFT、被揭賣淘寶貨等爭議被網民批評，佢哋頻道嘅影片更吸咗大量dislike，輿論壓力之下，Sunny同Creamy拍片宣布將會退款，亦就事件公開道歉。

arhoTV宣佈會以港幣現金原價回收arhoTV多年嚟自己推出嘅產品Photo from arhoTV

不過公眾唔太受落，兩人負評不斷，網民亦繼續追擊佢哋，而「arhoTV」Channel自發出「公告」影片後就再無更新，數月後有網民發現Creamy已經清空IG及個人YouTube Channel內容，有人猜測Creamy同Sunny因為呢次風波分手。

Creamy嘅IG del晒post。Photo from Creamy IG

Creamy嘅YouTube片都del晒。Photo from Creamy Yick YouTube

「arhoTV」上傳公告至今已超過一年，期間Sunny同Creamy都十分低調，未有公開過佢哋嘅近況，亦無回應分手傳聞，但就喺5月20日晚上，「arhoTV」突然復活，上傳咗一段名為「改變自己」嘅新影片。

5月20日晚上，「arhoTV」突然復活，上傳咗一段名為「改變自己」嘅新影片。Photo from arhoTV

新影片全長近9分鐘，內容係Sunny決心健身改變自己。Photo from arhoTV

新影片全長近9分鐘，內容係Sunny決心健身改變自己。佢指自己由細到大都好瘦，生活作息唔定時，尤其係出事之後又唔食又唔瞓，體重一度去到人生最低點，只有50kg。Sunny指自己攤咗半年後終於決心要做運動，而為咗增磅佢由食無定時變到一日要食5餐！

Sunny指自己由細到大都好瘦，生活作息唔定時，尤其係出事之後又唔食又唔瞓，體重一度去到人生最低點，只有50kg。Photo from arhoTV

Sunny指自己攤咗半年後終於決心要做運動，而為咗增磅佢由食無定時變到一日要食5餐！Photo from arhoTV

影片中Sunny女朋友Creamy都有出鏡，Sunny指：「喺呢段時間我身邊有個人，無論我舉緊水樽定係啞鈴，佢都會鼓勵我、陪我一齊做。」Creamy都有一齊健身、控制飲食，片中佢更大晒身材！

影片中Sunny女朋友Creamy都有出鏡Photo from arhoTV

Sunny指：「喺呢段時間我身邊有個人，無論我舉緊水樽定係啞鈴，佢都會鼓勵我、陪我一齊做。」Photo from arhoTV

Creamy陪Sunny跑步Photo from arhoTV

Creamy都有一齊健身Photo from arhoTV

Creamy性感運動lookPhoto from arhoTV

片中Creamy更大晒身材Photo from arhoTV

對於Sunny「復出」，網民評論不一，有人指佢哋其實唔係十惡不赦，只要道歉都值得原諒。亦有人感歎Creamy仍陪伴佢身邊。而呢條新影片上傳15個鐘就有近13萬views，更登上「Trending」第三位，睇嚟Sunny復出好成功！

對於Sunny「復出」，網民評論不一，有人指佢哋其實唔係十惡不赦，只要道歉都值得原諒Photo from arhoTV

亦有人感歎Creamy仍陪伴佢身邊Photo from arhoTV

有人將微辣同佢哋比較

呢條新影片上傳15個鐘就有近13萬views，更登上「Trending」第三位，睇嚟Sunny復出好成功！Photo from arhoTV

更多相關文章

arhoTV Sunny宣佈退款，網民指退錢退唔足！被事主鬧爆：咁無誠意

18 Nov 2022

YouTuber Sunny同Creamy向未成年觀眾出售NFT惹爭議，又被揭賣淘寶貨，令人氣一落千丈。近日佢哋終於喺Channel「arhoTV」宣佈退款，不過有網民前往退款後卻表示未能全額退錢，直言：「退得咁無誠意。」

YouTuber Sunny同Creamy向未成年觀眾出售NFT惹爭議，又被揭賣淘寶貨，令人氣一落千丈。Photo from arhoTV

Sunny同Creamy推出NFT惹爭議、arhoTV被揭售淘寶貨？！

Sunny同Creamy呢對「KOL情侶」以往拍片數量超多，算係本港有一定知名度嘅YouTuber。不過幾個月前佢哋宣佈推出NFT，而且指購買NFT唔受年齡限制，引起網友不滿，認為arhoTV嘅觀眾有唔少都係未成年人士，推出NFT畀小朋友買根本係為咗賺到盡。

幾個月前arhoTV宣佈推出NFT，而且指購買NFT唔受年齡限制，引起網友不滿Photo from arhoTV

之後佢哋又被爆自家創作產品疑似係淘寶貨，更有人附上淘寶店主嘅對話紀錄，力證Sunny同Creamy「講一套做一套」，明明信誓旦旦稱「唔會買淘寶」，點知被踢爆呃人，網民直言佢哋「食水好深」。

Sunny同Creamy被爆自家創作產品疑似係淘寶貨Photo from arhoTV

有人附上淘寶店主嘅對話紀錄

Sunny曾信誓旦旦稱「唔會買淘寶」Photo from arhoTV

arhoTV宣佈以現金原價回收產品

喺一連串爭議下，佢哋嘅訂閱數都有所下跌。事隔數月，Sunny同Creamy於arhoTV Channel上傳影片「公告」，宣佈會以港幣現金原價回收arhoTV多年嚟自己推出嘅產品，佢哋表示雖然明白退款係遲咗，但想安排好晒先通知大家。

事隔數月，Sunny同Creamy於arhoTV Channel上傳影片「公告」Photo from arhoTV

arhoTV宣佈會以港幣現金原價回收arhoTV多年嚟自己推出嘅產品Photo from arhoTV

連登仔稱退款唔退足

由於退款已於11月14日開始，連登討論區有網民就開post指自己親身體驗咗一次退款，佢稱自己買咗一盒由arhoTV推出嘅口罩，但一直都唔敢用，該網民指一盒口罩於市集嘅售價為$128，但佢最終獲退款$40港元。

連登討論區有網民就開post指自己親身體驗咗一次退款，最終獲退款$40港元Photo from LIHKG

對方指口罩無咗個外包裝，就算有盒，啲口罩未用過都只能退$40，該網民表示：「少個套少80蚊，又唔講清楚」，直言退得咁無誠意，不如唔好退：「浪費我時間」

對方指口罩無咗個外包裝，就算有盒，啲口罩未用過都只能退$40，該網民表示：「少個套少80蚊，又唔講清楚」Photo from LIHKG

網友反而力撐Sunny？！

但唔少網友反而斥樓主盒口罩無晒包裝都唔知用過未，咁都拎去退錢太過分：「平心而論，佢肯退算係咁」、「你貨都唔係退足有咩資格叫人退足錢俾你」、「甩皮甩骨都拎去退」

唔少網友反而斥樓主盒口罩無晒包裝都唔知用過未，咁都拎去退錢太過分Photo from arhoTV

網民：「平心而論，佢肯退算係咁」Photo from LIHKG

網友：「你貨都唔係退足有咩資格叫人退足錢俾你」Photo from LIHKG

網民唔撐樓主Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

香港Youtuber網民熱話娛樂新聞