黎諾懿追問陳自瑤頒獎禮「黑面」傳聞 Yoyo罕有開腔回應還原當日真相！

By Macy Sun on 24 May 2024

由陳自瑤（Yoyo）、賴慰玲（Winki）、黎諾懿及羅天宇擔任主持TVB節目《香港婚後事》每集都花生滿滿，而最新一集四位主持就「決戰四方城」，大談對與伴侶同公司工作的看法，期間黎諾懿就竟膽生毛追問Yoyo當年於頒獎禮「黑面」的事件，而Yoyo這次亦罕有開腔回應，並還原當日真相！

Photo from TVB 圖片

最新一集《香港婚後事》中，四位主持陳自瑤、賴慰玲、黎諾懿及羅天宇一同決戰四方城打麻雀。期間四人就大談對與伴侶同公司工作的看法，對此賴慰玲坦言：「少見啲會好啲，如果日日夜夜喺埋一齊，其實冇自己空間會好辛苦！」羅天宇則認為如果雙方都是藝人「有好有唔好」：「我覺得可以多咗共同話題，佢會明白你多啲。」之後講到家中地位，黎諾懿更笑言自己對於家中的佈置零話語權，並自言是家中的「水電工」。

Photo from TVB 圖片

節目每集都大派花生，當然今集亦不例外！四位主持這次雖然看似只是打麻雀閒談，但其實當中食糊的人是可以向其中一位問一個問題，當中率先食糊的黎諾懿就戰戰兢兢問Yoyo：「你可以唔答㗎……我想問呢，啲人成日提住你喺頒獎典禮黑面，你會唔會唔開心？同埋係咪真係黑臉？」

Photo from TVB 圖片

而Yoyo聽到問題後亦靜了幾秒，之後卻似刻意不提及老公王浩信，只表達自己內心並不介意畀人話黑面，坦言：「其實我唔介意，同埋可能啲人成日記住我黑面個樣，咁我咪俾人記住我笑嗰個樣，得唔得呀？」陳自瑤亦大方重提舊事，強調對此並不介意，只是一個話題而已，而且已經入行多年，很多事情都已經習慣，直言「唔會覺得特別開心或唔開心，我覺得凡事咩都好，最緊要心態好。」

Photo from TVB 圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳自瑤爆有人專揀有婦之夫埋手討論婚內偷食勁肉緊單立文拋金句：婚姻係要有忍耐力！　

10 May 2024

由陳自瑤（Yoyo）、賴慰玲、黎諾懿及羅天宇主持的TVB清談節目《香港婚後事》即將迎來新一集，這一集中就繼續由單立文（豹哥）和胡蓓蔚（豹嫂）擔任嘉賓，承接討論結婚和出軌的話題。然而在談到婚內偷食問題時，陳自瑤竟突然爆料有人專揀有婦之夫埋手，言論震驚豹嫂！

Photo from TVB圖片

TVB節目《香港婚後事》，第6集嘉賓繼續是相愛28載的單立文（豹哥）和胡蓓蔚（豹嫂）。而今集分享內容亦花生指數十足，當中賴慰玲分享了一個真實故事，說有一對三十多歲的夫婦，結婚數年感情穩定。兩人婚後在家中不時聽到隔籬屋「翻雲覆雨」的聲音，屋主是一名60多歲的油膩大叔，未幾，即有極震撼的奇遇發生在男事主身上。

Photo from TVB圖片

而豹哥聽後就立刻婚姻專家上身分析說：「婚姻耐咗，你會受到啲莫名其妙嘅嘢引誘，之後你會好好奇，好奇就害死貓，好奇心係人類天生本性，婚姻係要有忍耐力，忍耐力就係要戰勝你嘅好奇心，你先維繫到婚姻。」

Photo from TVB圖片

其後陳自瑤就順勢問到豹哥、豹嫂曾否有過想出軌的時刻？對此豹哥就Man爆表示：「如果你（結婚時）立咗誓，同佢（另一半）講過我愛你一生一世，如果你做唔到嘅話，你根本就唔係男人，係咪呀？」過後Yoyo就再講到有人專揀「有婦之夫／有夫之婦」埋手，豹嫂聞言說：「有呢啲人㗎咩？」Yoyo正色道：「有，好多！」，言論相當耐人尋味。