薛凱琪古裝暴露長頸嚇親網民！驚人長度似P圖：係咪真㗎

娛樂新聞

By Jennifer on 05 Jun 2024

Digital Editor

42歲嘅薛凱琪（Fiona）近年專注喺內地發展，最近仲上埋中央電視台節目《國家寶藏》第四季，以古裝造型介紹《詩經》嘅《齊風六篇》。不過罕有著古裝嘅Fiona卻被指條頸長度令人嚇一跳！

Photo from 薛凱琪微博

薛凱琪獲封為「香港最後一個少女」，卻曾被惠英紅狠批佢40歲人仲扮可愛，只會令戲路越嚟越窄。近年主力喺內地工作嘅Fiona得到內地中央電視台節目《國家寶藏》邀請擔任「國寶守護人」，介紹香港藝術館嘅《齊風六篇》。

Photo from 薛凱琪微博

以往甚少出演古裝戲嘅Fiona為咗節目，亦打扮成古代美女，雖然Fiona嘅古裝造型十分簡單，但就掀起網民嘅關注！原來大家都注意到佢條頸，衣領交疊令佢條頸睇落更長，甚至突破咗以往嘅長度！

Photo from 薛凱琪微博

Photo from 《國家寶藏》

其實，Fiona於2005年拍攝《學警雄心》時為配合女警角色而剪咗短髮，但同時暴露咗自己頸長嘅特點，當時有網民稱佢為「長頸鹿」，又出現唔少P圖，之後佢一直都留長髮，但估唔到上央視節目會再次令「長頸」成為話題。

Photo from 《國家寶藏》

唔少網友睇咗片段後都驚訝Fiona條頸竟然咁長：「係咪P左圖架」、「條頸好X長」、「佢一直比人話長頸鹿，只係今次重誇張」，林敏驄更曾於TVB節目中拎出間尺幫Fiona量頸長，不過最後佢就亂講係「12吋呀！」Fiona即打佢大髀否認。

Photo from LIHKG

Photo from 《國家寶藏》

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

42歲薛凱琪內地春晚造型惹熱議「娃娃菜」晚裝配「青BB」眼妝嚇窒網民！

現年42歲的薛凱琪（Fiona）近年積極北上發展，然而曾被譽為「香港最後一個少女」的她，近年就一直被網民指容貌變化大，多次惹整容疑雲。日前她在社交平台上上傳了早前內地春晚的造型照，當中Fiona「娃娃菜」晚裝配「青BB」眼妝的妝造就再次嚇窒網民，遭網民狠批「走火入魔」！

Photo from 薛凱琪微博

薛凱琪（Fiona）日前在社交平台上傳了早前出席《央視網絡春晚》時一系列的造型照，當中見Fiona穿著一條青黃色的平口禮服搭配同色系的針織衫。另外在妝容方面就更是大膽，塗上綠色眼影並貼上誇張的假眼睫毛，造型相當超前！

Photo from 薛凱琪微博

而對於Fiona的新造型網民的評價可謂兩極，有人認為Fiona仍然少女感滿滿，能夠駕馭這種妝容，大讚：「哎呀這是春天的仙子嗎？」、「好綠好青葱，春意盎然呀」、「像一幅油畫兒，美的很」。更粉絲笑指Fiona當天的晚裝像娃娃菜，並稱Fiona是「世界上最可愛的娃娃菜」。但同時亦有網友認為Fiona外型可愛並不適合這種「小清新」的妝容，建議她更換化妝師，甚至有人直言妝容「恐怖」完全是「走火入魔」。

Photo from 薛凱琪微博

Photo from 小紅書截圖

不過其實Fiona外貌上的變化近年一直都受到討論，指其臉容由出道時期的可愛包包臉變成了現在臉尖眼大「網紅臉」，多次惹起整容疑雲更被指撞樣多位女星！早前Fiona穿上緊身短裙性感登台時，就被指有點「太姣」與57歲「妲己」溫碧霞似樣。而最令人意想不到的是Fiona早前萬聖節上傳的照片下，竟然有人指Fiona同田蕊妮撞樣：「以為你係田蕊妮，個樣越搞越奇怪」、「田蕊妮？」、「又真係似似地」