安德尊見TVB龍舟得尾二狂寸王俊棠！麥美茵打圓場唉聲嘆氣
端午節沙田城門河舉辦《沙田龍舟競賽2024》，TVB旗下職員參加「無綫盃」中龍混合邀請賽，主持人安德尊（大王）狂寸領隊王俊棠「累全家」，連拍檔麥美恩勸他小心說話，大王都照直講：「無辦法喎！佢一人贏全家，一人累身家！」
Photo from TVB
TVB每年都派龍舟隊參加這項比賽，今年，他們由王俊棠帶隊出戰。在錄影室的主持人安德尊和麥美恩在比賽開始前就感謝參賽的同事，大王指同事們為這個比賽，每天放工後犧牲私人時間在將軍澳練習，他更稱高層都有到場為同事打氣。
Photo from TVB
之後大王指今年棠哥（王俊棠）仍然有份參加，更破天荒擔任鼓手，此時麥美恩即提醒大王：「你小心啲講喎！一陣又做新聞架喎！」大王表示：「無辦法喎！因為佢一人就贏全家，一人就累身家！」
Photo from TVB
大王續稱：「累晒人地架！佢叫喊令人好炆，佢又扮大佬喎！佢今年做鼓手，鼓手應該畀個香港小姐坐喺度，等我哋睇住香港小姐扒，佢嗱口嗱面咁，你點同佢划艇呀！」麥美恩打斷道：「可能佢今年反敗為勝呢？我對棠哥有信心！」
Photo from TVB
而現場棠哥就充滿信心，他表示今年龍舟隊有不少新人加入，猛將如雲，他指今年他們練習了11堂，而自己工作太忙，缺席了幾堂訓練，他指訓練量大：「今年真係想輸都難呀！」
Photo from TVB
Photo from TVB
然而最終TVB龍舟隊以尾二衝線，期間旁述鍾志光表示TVB隊很落力︰「大家都考慮工作時間問題，同事們未能經常練習架！」他也表示棠哥往年做扒手，今年首次做鼓手，比賽結束後旁述鍾志光指：「無綫電視隊喺呢個情況之下贏咗7號線！」他大讚同事盡晒力，由棠哥領導的TVB隊力壓7號艇完成賽事：「棠哥領導之下唔錯，大家體諒同事工作緣故。」他指同事只練習了8課，最重要TVB每年都參與沙田龍舟賽，一班參與的健兒都值得鼓掌。
Photo from TVB
鏡頭轉回錄影室，節目主持安德尊對結果顯然不太滿意，一貫嘲諷語氣：「你代表TVB打鼓呀，你棠哥又黑口黑面，你一人累全家！你見到人哋啲女健兒一邊吹BB一邊打鼓，佢就自己喺度打自己喺度打，點會有節奏呀！你話呀！」麥美恩聞言也忍不住嘆氣：「係有啲影響嘅，個發力又真係差啲嘅大家。」
Photo from TVB
大王再次批評：「係差好遠。（麥美恩：好遠呀係？）梗係啦！你棠哥又練水練得少，人哋練11堂佢得嗰3堂！淨係掛住四圍去搵食，你咁樣你累咗啲同事，同事咁有心機日日去練水！係咪咁講！」麥美恩只好打圓場緩和大王情緒︰「係係係！我哋收返少少，一陣又話你針對棠哥架啦！」
Photo from TVB
Photo from TVB
大王表示：「不過咁！鍾Sir（鍾志光）就最有厚度！高手就真係高手，佢話：『我哋TVB隊力壓7號！』呢個真係唔簡單！」麥美恩見成功轉話題，即附和道：「有厚度！不失優雅！」
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
李家鼎被安德尊嘈到黑面？疑太多問題鼎爺寸爆大王回擊
16 Oct 2023
TVB午間節目《流行都市》最近新增全新環節「鼎爺家常菜」，由鼎爺李家鼎教大家煮家常菜。鼎爺是TVB的收視保證之一，他在節目中與主持人安德尊互動火花四溢，更有網民發現他在節目中不時黑面，笑容牽強，並呼喝大王！
《流行都市》一向都有教大家煮食的環節，最近節目就推出了全新環節「鼎爺家常菜」，請來鼎爺李家鼎教授大家烹飪家常菜。鼎爺廚藝了得，自從拍攝烹飪節目《阿爺廚房》後，事業即登上高峰，知名度亦大大上升。
鼎爺之後又陸續主持不同的烹飪節目，更開設私房菜餐廳，廚藝備受認證，因此他加入《流行都市》似乎給節目帶來了一些新的看點。
有報道就指出鼎爺之所以會出演《流行都市》，是因為想於今年「清晒騷債」，而「鼎爺家常菜」這個環節播出後帶來不少新鮮給觀眾，鼎爺亦以他一貫的霸氣風格示人。
《流行都市》向來由「大王」安德尊擔大旗，他與廚師李錦聯在「今晚食乜餸」環節中經常互窒互寸，今次與鼎爺合作也充滿火花！
雖然大王是《流行都市》「一哥」，不過在鼎爺面前他卻聽話不少，第一集鼎爺叫佢拿調味料，之後逐步下材料，大王卻不時在鼎爺耳邊問問題：「咁跟住呢？」鼎爺忍不住回道：「我未出聲，唔好問嘢住。」大王即表示：「我心急！」
接著鼎爺提醒落油，大王卻想跟張美妮說話，鼎爺即刻催促：「快啲快啲」，嚇到大王即時閉嘴拿油！鼎爺講解烹飪過程但被大王一個反問激到要用手按住頸部，大王笑言：「鼎爺，第一集咋！」
不少網友都指大王太嘈，令鼎爺不時黑面，認為大王應要小說話多幫忙。近日大王緋聞女友宋芝齡就問鼎爺：「呢件嘢（大王）係咪好嘈？」鼎爺即客氣表示：「都唔算嘅，佢嘈得嚟開心嘅！」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
