3大必睇古文物展！大英博物館香港合辦展出200多件亞述、巴比倫珍品！

歷史控注意！康文署繼舊年嘅古埃及文明展，宣布香港博物館今年再辦多個大型古文物展，更從大英博物館、北京故宮博物院借出珍藏。
小編精選以下三大展覽，展品難得，絕對值得入場觀賞。

Photo from 康文署

1. 「奢華世代︰從亞述到亞歷山大」展覽

Photo from 康文署

Photo from 康文署

香港歷史博物館將喺5月至9月舉辦「奢華世代︰從亞述到亞歷山大」展覽，展出來自大英博物館嘅200多件珍寶。
展品以「亞述、巴比倫、波斯」時期嘅奢侈品同器具為主，反映強盛帝國時期嘅生活文化。
展覽係繼「永生傳說-透視古埃及文明」展後，再有博物館展出文明古國瑰寶，再俾大家大飽眼福啦！

2.「數碼敦煌—天上人間的故事」展覽

Photo from 康文署

Photo from 康文署

文化博物館將於今年7月至10月舉辦「數碼敦煌—天上人間的故事」展覽，展出76件敦煌洞窟出土文物，更令人期待嘅係博物館會利用多媒體或虛擬實境技術，原大投影至少三個石窟，包括敦煌第285號窟、第61號窟《五台山圖》等。
即使身在香港，大家都可以一睹敦煌洞窟實貌！

3.「鐘錶珍寶展（暫名）」

Photo from 康文署

香港科學館會於今年12月至明年4月，同北京故宮博物院、倫敦科學館合辦「鐘錶珍寶展」（暫名）， 展出百多件明末至清初御製鐘錶，及當時來自英、法、瑞士嘅鐘錶禮物。當中包括乾隆御製、模仿西洋鐘錶嘅「特色鐘錶」。
北京故宮人員仲會來港示範使用鐘具，解釋背後運作原理。

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載