如果你身邊有位自我感覺良好嘅朋友 請多多關心佢 因為佢可能患咗...

是咁的，小編身邊總係有朋友非常自戀，突然望到塊鏡就會照兩照，再摷兩摷個頭，然後話：「嗯，我今日好靚仔」。又或者成日覺得自己好叻好勁。每次有呢類情況，都會不自覺翻佢一個白眼，但係，我如今知道錯了。我恨我自己無俾多啲關懷佢地，因為...因為...原來佢地可能係有精神病啊！

Photo from 李敏鎬Instagram

原來突然自我感覺良好、不停講嘢、亂洗錢等等，都係患上「雙相情緒障礙（前稱：躁狂抑鬱症）」嘅症狀。通常係當人出現一啲較大嘅壓力事件、缺乏睡眠，甚至係飲酒都可能引致病發。

Photo from 李東海Instagram

雙相情緒障礙會出現兩種極端情緒，如果病發時情緒高漲，患者可能會覺得自己好叻，甚至係叻過晒身邊嘅人或者一啲真係好叻嘅名人。

Photo from Pinterest

另外亦有可能亂洗大錢、唔想訓、停不了咁講嘢，包括對住認識或者唔認識嘅人。

Photo from Pinterest

相反，如果發病時情緒低落，即係抑鬱狀態。患者會變得低落、容易累、唔想見人、覺得自己好無用，亦都會影響訓教質素，可能會失眠或者一訓就訓好耐。

Photo from Pinterest

曾經有女患者病發時情緒高漲令性慾增強，導致意外懷孕，之後仲有抑鬱。

Photo from Pinterest

亦都曾經有男患者病發時覺得自己好靚仔，好勁，自信到爆，以為自己好受歡迎喇，以為好多女仔都好鍾意佢咁。

Photo from Bosco Instagram

well 咁似朋友A嘅？所以話呢，都市人真係壓力好多，好多隱藏嘅精神問題，所以多啲關心身邊嘅人，唔好輕視啊～當然唔係話所有有以上症狀嘅人都係患病，只係鼓勵大家可以多份關心～最後祝各位身體健康 開開心心！

Photo from 彭于晏 Instagram

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載