香港小姐競選得獎名單出爐 係咪大家心水？

香港小姐競選今晚完滿結束，唔知大家對結果滿唔滿意呢？今年適逢香港小姐40周年，所以喺比賽前已經成為全城熱話。

之前盛傳tvb同曾志偉鬧翻，所以無份主持港姐決賽，今日嘅港姐司儀果然唔係志偉，而係Do姐、仲有農夫、麥美恩同埋6號。

各位得獎佳麗係由歷屆港姐等組成嘅星級評判團同埋big big fun嘅用戶選出，而最上鏡小姐就由視后田蕊妮、鄭太陳凱琳、李施嬅同埋神之馬壯黎諾懿選出。

一開始各位佳麗自我介紹完之後就係才藝表演嘅環節，眾佳麗都施展渾身解數，務求可以展現自己最好一面，大部分佳麗都表演樂器、跳舞等。

才藝表演之後各位佳麗就著上由設計師設計以花做主題嘅晚裝，好靚呀！

Photo from 《香港小姐競選決賽》

Photo from 《香港小姐競選決賽》

Photo from 《香港小姐競選決賽》

Photo from 《香港小姐競選決賽》

晚裝環節後由big big fun觀眾投票同埋星級評判選出17號、14號、4號、18號、11號、20號、3號、15號、7號、16號、2號、3號進入12強。

問答環節第一部分由曹永廉同蕭正楠負責問問題。兩兄弟大放笑彈，為成個環節生色不少啊！

到第二部分就由兩位「師姐」麥明詩同馮盈盈負責問問題。兩位都係過來人，而且同為《後生仔傾下偈》主持，簡直係默契爆燈！

Photo from 《香港小姐競選決賽》

第三部分就由農夫做主持。農夫嘅搞笑功力深厚，佢哋果然無令大家失望，引嚟現場觀眾陣陣笑聲，最搞笑係佢哋叫20號佳麗幫佢兩個改返個名，點知20號竟然幫佢哋改名做「播種的機」，認真笑到肚痛！

Photo from 《香港小姐競選決賽》

問答環節之後就宣佈最後5強，宣佈嘅方式都好別出心裁，由司儀叫到名嘅佳麗行到去晚裝前面，有著燈嘅話就代表成功進入五強喇！五強就係：7號、14號、20號、15號、17號佳麗。

Photo from 《香港小姐競選決賽》

5強佳麗都好真情流露，大家講心底話嘅時候都忍唔住哽咽，場面感動。

Photo from 《香港小姐競選決賽》

Photo from 《香港小姐競選決賽》

Photo from 《香港小姐競選決賽》

由Do姐宣佈最後三強，分別係7號、20號同、17號。

Photo from 《香港小姐競選決賽》

Photo from 《香港小姐競選決賽》

喺宣佈最後冠亞季之前，20位佳麗重新出場，回顧呢幾個月參選嘅時光，睇得出大家感情都好好！20位佳麗親自選出友誼小姐：8號陳靜堯，佢係一位小學教師。

Photo from 《香港小姐競選決賽》

而由四位評審選出嘅最上鏡小姐就係：20號鄧卓殷，佢係一名見習建築師。

Photo from 《香港小姐競選決賽》

Photo from 《香港小姐競選決賽》

終於到冠亞季軍喇！季軍係來自美國嘅7號丁子田。

Photo from 《香港小姐競選決賽》

Photo from 《香港小姐競選決賽》

亞軍就係20號鄧卓殷，繼最上鏡小姐之後再次獲獎！

Photo from 《香港小姐競選決賽》

Photo from 《香港小姐競選決賽》

冠軍由上屆冠軍雷莊?頒發，就係17號賽前大熱嘅陳曉華喇！

Photo from 《香港小姐競選決賽》

唔知今晚嘅賽果係咪你心水呢？小編一路都好緊張咁睇，恭喜各位得獎佳麗！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）