今昨兩日氣溫係史上12月份最高溫第八位！星期五「大雪」後，就迎來一連八日又濕又凍嘅天氣！

呢排天氣坐咗過山車咁，上個禮拜就涼，今個禮拜個氣溫就升到28度左右，同夏天差唔多。不過熱埋今日，之後就迎嚟又濕又凍嘅天氣。星期五就係廿四節氣嘅「大雪」，「大雪」後嘅星期日（12月9日）氣溫即急降至12度。

Photo from shutterstock

香港天文台琴日喺多個分區都錄得氣溫超過28度以上，而喺今朝11點幾，九龍城同黃大仙嘅氣溫分別達29.7同29.5度，屯門、大美督、將軍澳、荃灣、長洲同黃竹坑等，亦都錄到28度或以上嘅「高溫」。睇番天文台資料，有關溫度係史上12月份最高月氣溫嘅第8位，亦係自六十年代後嘅新高。

Photo from 天文台

根據天文台最新發佈嘅「九天天氣預報」，將早前預測喺星期日同星期一開始下跌嘅氣溫進一步調低，由本來最低只有13度，調低至只得12度，然後會喺星期二回升兩度，但之後又再跌番落去，喺星期三同星期四將會重見13度。另外，由聽日開始一連八日，天文台都預測會出現多雲有雨嘅天氣，大概去到星期四時，先會再見到陽光。

Photo from 天文台

大家記得拎番啲冬天衫出嚟，千奇唔好凍親啊！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）