【愛回家之開心速遞】熊樹根有「第二春」？熊家全體出動「食花生」

琴日係元宵佳節，《愛回家》就上演「人月兩團圓」嘅戲碼 --熊樹根（劉丹飾演）嘅「第二春」！

Photo from 《愛回家之開心速遞》

高小姐開頭搵熊家嘅人幫忙捉老鼠，但成班膽小鬼，只有熊樹根夠膽幫手！第二日，高小姐就同樹根買埋外賣番熊家，仲話多謝佢陪咗佢成晚。熊家全體上下一齊出動佢哋專有嘅「食花生」臉，非常浮誇搞笑。之後樹根帶埋高小姐參加「家庭聚會」，其實只係飲茶～

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

有一次樹根發現自己條孖煙通好似跌咗落高小姐屋企，就諗住搵高小姐拎返！點知畀佢發現高小姐收埋咗「佢」條孖煙通～樹根大吃一驚，心諗唔係咁猖狂啊嘛？

Photo from 《愛回家之開心速遞》

樹根將呢件事話咗畀熊家同朱凌凌聽，朱凌凌「食花生」咁同安仔講：「你有新婆婆啦！」

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

樹根嘗試介紹男仔畀高小姐識，但高小姐話未準備好迎接心戀情，仲話自己鍾意大過自己嘅、留鬍鬚，有仔女都唔緊要喎～熊樹根即刻諗：「嗰個埋就係我？！！！」

Photo from 《愛回家之開心速遞》

「元宵節」嗰日，熊家嘅桃花盛開，但樹根把心一橫剪走「爛桃花」！

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

有見及此，熊樹根就召開「家庭聚會」，提起之前大妹「熊尚善」點解會同傻強拍拖。樹根就決定照辦煮碗，同高小姐一齊，等佢明白大家有代溝，就會同樹根分手。

Photo from 《愛回家之開心速遞》

Photo from 《愛回家之開心速遞》

高小姐邀請樹根一齊去元宵晚會，經過一輪猜燈謎後，高小姐就想藉著今次機會想同樹根「表白」，點知畀樹根搶先一步：「我請台下各位街坊見證！高小姐，你願唔願意咗我女朋友？」

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

可惜，樹根當眾食咗個大檸檬！佢仲要為自己打圓場「哈哈..哈哈...其實你個都係一個燈謎...」，睇到小編我都覺得好尷尬！

Photo from 《愛回家之開心速遞》

之後去飲茶，樹根將自己包到韓星出巡咁，黑帽、黑口罩～食嘢先除低口罩，點止咁就出事啦！畀個「食屎陳師奶」見到，仲周圍唱佢乘虛而入～嚇到熊家上下，加埋朱凌凌都超同步咁帶住口罩食嘢，場面尷尬又好笑！

Photo from 《愛回家之開心速遞》

Photo from 《愛回家之開心速遞》

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）