荷蘭將撲殺37.5萬隻水貂！4月曾爆水貂傳人個案 憂疫情擴散 10個受感染養殖場水貂全送毒氣室處理！

荷蘭4月曾爆出有水貂感染新冠病毒後，5月再傳出水貂傳人嘅個案！當局為免疫情進一步擴散，採取大規模撲殺水貂，估計有近37.5萬隻水貂被毒殺！

Photo from reuters

根據路透社報導，荷蘭南部小鎮De Mortel有個養殖場喺6月9日用毒氣殺死1萬隻雌性水貂同約5萬隻水貂BB。
荷蘭政府已下令10個受感染嘅養殖場要撲殺水貂，估計有近37.5萬隻水貂被毒殺，當中包括7.5萬隻雌性水貂同30萬隻水貂BB！

Photo from reuters

Photo from reuters

當地負責監管撲殺工作職員稱，動物屍體將裝喺密封箱，然後運到處理中心，養殖場再進行全面消毒。

荷蘭南部北布拉班特省（Noord-Brabant）兩個水貂養殖場喺4月時，有養殖場員工發現動物出現呼吸困難，爆出疫情！5月嘅時候，當局官員證實有至少2名養殖場工人從水貂感染新冠肺炎，成為首宗動物傳人嘅個案。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）