《瑪利歐賽車實況:家庭賽車場》開啟全賽道方法及賽道設計心得 夠唔夠刺激全睇你擺!

《瑪利歐賽車實況:家庭賽車場》開啟全賽道方法及賽道設計心得 夠唔夠刺激全睇你擺!

生活熱話 電子遊戲
By Celia on 27 Oct 2020
Digital Editor

《瑪利歐賽車實況:家庭賽車場》推出咗一段時間,相信已經有唔少粉絲都入咗手喇,已經開咗嚟玩添!唔知大家又玩成點呢?!依隻 Game 以 AR 技術將現實場景同遊戲結合,玩家只要利用遊戲套裝內嘅實體遙控車,以及實體賽道道具,再配合 Switch 遊戲機,即自己設計賽道同朋友鬥車。

喺遊戲開始前,玩家要先將包裝盒內嘅四個紙板閘門紙板擺放好,再喺遊戲中以賽車走一圈嚟設定賽車場嘅路線。

Photo from nintendo.com.hk

Photo from nintendo.com.hk

如果唔想玩起嚟咁悶,大家就可以利用屋企有嘅物品,如紙巾盒、擺設、公仔或地毯嚟增加賽道嘅難道,令賽道較有趣。

Photo from nintendo.com.hk

Photo from nintendo.com.hk

而啟動遊戲時,玩家先將遙控車與主機配對,按下車上嘅電源按鈕就會亮起紅/藍色指示燈,將車上 AR 鏡頭對準遊戲畫面中嘅 QR Code ,即可完成配對。每架車只需配對一次以及一部 Switch 遊戲機,如果大家需要配對其他賽車,只需要喺遊戲中清除已配對嘅賽車就可以再配對其他賽車。

nintendo.com.hkPhoto from nintendo.com.hk

操作上同歷代《Mario 賽車》差唔多,同樣有飄移刷火花、道具箱等小技巧。玩家可以喺道具箱中取得龜殼、蕉皮及蘑菇等道具。

廣告
廣告

nintendo.com.hkPhoto from nintendo.com.hk

同時,大家喺遊戲中使用道具時,效果亦會同時顯示喺遊戲畫面及現實嘅賽車上,如玩家被龜殼或蕉皮擊中,遊戲內外嘅賽車都會同時停頓,相當真實。

nintendo.com.hkPhoto from nintendo.com.hk

遊戲模式一共分為「大獎盃」、「自訂比賽」及「計時賽」三種。建議大家要先玩晒「大獎盃」先,因為會關係到車速。「大獎盃」同傳統《Mario 賽車》差唔多,有八個主題一共 24 張地圖,最多可與 8 名 NPC 競速,最多只支援四名玩家。

喺比賽中,遊戲會將地圖嘅要素及唔同嘅天氣效果加入玩家設計嘅賽道中,影響到玩家嘅控制難度,帶畀玩家唔同嘅遊戲體驗。

nintendo.com.hkPhoto from nintendo.com.hk

至於對於香港嘅玩家嚟講,賽車嘅時候最容易出現嘅「炒車」同愛寵突入形成路障嘅情況又可以點?!

依個就只有大家玩多啲,功多技熟就可以揸得一手好車㗎喇~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel