楊洛婷自爆曾被公司逼迫整容！拒絕要求導致被雪藏：冇工作冇收入

香港樂隊Dear Jane最近就於紅館舉辦演唱會，而主音黃天翱（Tim）嘅老婆楊洛婷（Rabee'a）當然有到場支持老公啦！而楊洛婷喺觀賞完演唱會後就似乎有感而發，於IG上載千字文講述自己入行後所遇到嘅經歷，自爆曾經被舊公司無理要求整容！

Photo from 楊洛婷IG

#Dear Jane演唱會完滿結束！

香港樂隊Dear Jane日前於紅館舉行一連五日嘅演唱會已經完滿結束，而成員們就喺演唱會內表達對粉絲們嘅感謝之情，仲回顧出道以來嘅唔同經歷，並表示團體真係遇過好多嘅挫折先走到而家呢一步，鼓勵粉絲遇到低潮嘅時候都唔可以放棄！

Photo from Dear Jane IG

Photo from Dear Jane IG

#楊洛婷現身支持老公！

而主音黃天翱（Tim）嘅老婆楊洛婷（Rabee'a）亦都有現身演唱會支持老公，仲上載咗演唱會後台嘅照片！喺聆聽完Dear Jane所講嘅感言之後，都令佢忍唔住諗起入行以來所遭遇過嘅經歷並附上千字文抒發心情！

Photo from 楊洛婷IG

Photo from 楊洛婷IG

#自爆曾過往經歷！

楊洛婷就自爆「我被舊公司不斷無理咁迫我去整容，因為我唔肯妥協、唔肯就犯，所以就俾人無情咁掟入雪櫃」，導致當時完全冇工作冇收入！佢仲話當時Tim就話會用佢嘅所有能力去照顧佢，仲好sweet咁話老公的確履行咗承諾，後來佢亦幸運地開啟佢嘅主持人生涯～

Photo from 楊洛婷IG

Photo from 楊洛婷IG

#兩夫婦已經相戀15年！

其實楊洛婷同Tim一直都感情甜蜜，係圈中非常出名嘅模範夫婦！Tim曾經表示係透過電視而對楊洛婷印象深刻，直到後來有機會於TVB相遇，再發展成情侶。兩人相戀8年後決定步入婚姻，於2014年結婚，並誕下大囡Tanya同埋仔仔Tristan～

Photo from 楊洛婷IG

Photo from 楊洛婷IG

#兩人感情甜蜜！

兩人為咗慶祝佢哋相戀15年，仲專登喺海邊拍攝懷孕寫真，非常sweet！而且佢哋亦經常於IG公然放閃，並公開溫馨嘅家庭合照，羨煞旁人！

Photo from 楊洛婷IG

Photo from 楊洛婷IG

相關文章：鄭嘉穎為陳凱琳戒煙/張繼聰海旁彈唱冧謝安琪 盤點5對圈中甜蜜藝人夫婦！

相關文章：江若琳發千字文感激老公陪伴！ 10年朋友變夫婦 曾被指介入蕭唯展感情？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【代溝關注組】江嘉敏自爆情史 被2任男友背叛 曾撞破TVB男同事與人妻約會！

20 Sep , 2021

江嘉敏一向都心直口快，經常都傳出與其他藝人不和嘅傳聞。日前佢就獲邀上節目《代溝關注組》做嘉賓，自爆過去曾經被男友背叛導致分手收場，佢仲話曾經撞破TVB男同事偷食嘅事情經過，令佢十分驚訝！

Photo from 江嘉敏IG

#江嘉敏經常被傳出與其他人不和！

江嘉敏一直都以「惹火」而出名，經常都被傳出與唔同嘅藝人有不合嘅傳聞，而最出名就就莫過於佢同馮盈盈因為船P事件，而導致姐妹情不再！早前又被何廣沛於節目中暗示江嘉敏係佢心目中「最唔想合作嘅藝人」，並話佢係「TVB三大喇叭」之一！

Photo from 江嘉敏IG

Photo from 江嘉敏IG

#自爆曾遭男友背叛

日前，江嘉敏就獲邀擔任由區永權及張秀文所主持嘅《代溝關注組》，並同一班長輩李家鼎（鼎爺）、Maria Cordero（肥媽）等一齊討論該集嘅主題「外遇老是常出現」。期間，一向都心直口快嘅江嘉敏就自爆過去有2次分手，都係因為男友出軌而分手，表示而家嘅佢絕對唔可以容忍另一半不忠！

Photo from 《代溝關注組》

Photo from 《代溝關注組》

#18歲第一次拍拖！

江嘉敏表示初戀係18歲，而當時佢就曾經撞破初戀男友同自己嘅好姐妹私底下約出街，而男友仲欺騙佢話陪伴緊家人，不過佢當時就說服自己佢哋只係好朋友行街。後來，男友又喺佢生日當天同好姐妹表現親暱，令佢十分嬲繼而決定分手！

Photo from 《代溝關注組》

Photo from 《代溝關注組》

#上一任男友出軌多次！

江嘉敏透露對上一段戀情嘅男友，出軌次數多不勝數，而對象仲包括有KOL、模特兒、女藝人等。而其中一位女藝人係佢都認識嘅人，前男友經常都趁佢開工嘅時候約會該名女藝人「有時我打俾佢嘅時候，都會喺後面聽到個女仔把聲，但佢就解釋係因為佢喺附近先會一齊食飯」，而佢亦因此而不以為意！

Photo from 《代溝關注組》

#反遭前男友媽咪責怪？！

直到江嘉敏有一次回家，發現該位女藝人嘅車就停泊喺屋企出面先揭發男友偷食！而佢本來就一直都渴望等待前男友痛改前非嘅一日，並致電前男友媽咪講述情況，但就竟然被反問「係咪你滿足唔到佢啊？如果唔係佢都唔會出去搵第二個囉！」，令佢超級生氣！

Photo from 《代溝關注組》

#曾經見到男同事偷食人妻！

江嘉敏除咗大爆自己嘅情史之外，仲話曾經喺尖沙咀撞破TVB男同事偷食嘅經過，「佢拖住嗰個係女仔係人妻，好彩我冇叫佢，如果唔係就好尷尬，後來佢哋就上咗新聞」，令在場嘉賓都一片譁然！

Photo from 《代溝關注組》

相關文章：朱晨麗疑因負面新聞被踢出《巾幗4》何廣沛爆最唔想同江嘉敏合作？！

相關文章：【解構心機女】江嘉敏寸爆馮盈盈約親都遲到！節目首播火藥味濃！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）