download HolidaySmart 假期日常 app
公屋住戶半夜煮咖哩慘遭鄰居投訴! 眼利網民發現通告錯漏百出! 慨嘆:連食宵夜都唔得!

公屋住戶半夜煮咖哩慘遭鄰居投訴! 眼利網民發現通告錯漏百出! 慨嘆:連食宵夜都唔得!

生活熱話
By Stephanie on 29 Nov 2021
Digital Content Writer

香港地少人多,相信唔少人都曾經嘗試被鄰居嘅行為騷擾到!最近,有網民就於「公務員Secret」中上載一張張貼於公屋村內嘅通告,內容大致係講述有住戶因為半夜煮咖哩而被鄰居投訴,管理處因此發出通告提醒住戶注重自身行為,引起網民熱議!

有公屋住戶因為半夜煮嘢食而被鄰居投訴?!Photo from TVB

# 網民於FB Group上載投訴通告!

天氣變得越來越凍,相信大家都因此而變得更加容易肚餓,半夜時分煮嘢食都係人之常情。日前,有網民就於FB group「公務員Secret」上載咗一張公屋大廈嘅投訴通知「深夜煮咖哩都比人投訴」,隨即引起網民熱議!

不過由於投訴嘅理由比較少見,隨即引起網民熱議!Photo from TVB

# 因為凌晨住咖哩而被鄰居投訴?!

通告上嘅內容大致上係講有住戶因為半夜煮咖哩,而導致被鄰居投訴擾人清夢。管理處發出通告呼籲住戶必須注重公德,避免深夜煮濃味食物,影響其他住戶入睡!

有網民上載公屋投訴通告,指有人因為半夜煮咖哩而被鄰居投訴!Photo from 「公務員Secret」FB

# 網民:咁小事都投訴......

唔少網民睇完都認為投訴嘅住戶太過大驚小怪,只不過係半夜煮嘢食都要投訴人,未免太難應付;有網民就猜測呢位住戶好有可能經常都投訴人,搞到管理處被迫出通告,而且上面亦寫明「此通告張貼至另行通知」,令網民忍唔住講笑話「睇下一次有咩菜色」!

唔少網民都對於呢個投訴感到驚訝,表示估唔到咁都可以成為投訴理由!Photo from 「公務員Secret」FB

# 眼利網民發現英文多錯處!

另外,網民仲講重點擺咗攞英文版嘅通告上面,發現裡面錯漏百出!例如:利用「Twilight」代表深夜、「compliant」=「complain」等,令網民忍唔住講笑咁話「睇嚟份通告真係出得好急咁」!

有眼利嘅網民就留意到通告上嘅英文版本有幾個錯處!Photo from 「公務員Secret」FB

通告中「Twilight」代表深夜?!Photo from TVB

# 網民分享鄰居騷擾行為!

有網民亦分享自己嘅經歷,話鄰居曾經試過清晨剁豬肉、切蒜頭等,表示半夜煮咖哩簡直就係「小巫見大巫」!大家又覺得呢個投訴理由係咪好荒謬呢?!

有網民分享鄰居們另類嘅生活習慣,認為嗰啲行為更加難頂!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

公屋仔去富家女友屋企感自卑「廚房大過我間房」擔心遲早被分手!

12 Nov , 2021

情侶間家境懸殊必定無好結局?一名住公屋港男近日到討論區發文,指自己到女友家參加BBQ聚會,發現女友屋企超大,兼全部親戚都係專業人士,令佢深深體會到咩係貧富懸殊,又感自卑,並擔心同對方會無將來。

一名住公屋港男到女友家聚會,眼見女友家環境咁好感到自卑Photo from 《愛的迫降》 劇照

公屋港男到富家女友屋企聚會「大開眼界」

最近,一名港男(下稱:樓主)到連登討論區發文,表示近日女友家人於住所花園舉辦秋季BBQ,並邀請樓主出席。樓主稱過往到女友家吃飯,已有感其廚房面積大過自己間房。到今次燒烤,樓主更驚歎女友住所花園有成4-5個車位大,全程仲有3個工人姐姐打點一切。

樓主去富家女友家作客「大開眼界」Photo from TVB

港男埋怨香港貧富懸殊好誇張

唔單只居住環境壯觀,女友連家人都來頭不少。樓主稱:「女友啲堂/表兄弟姊妹個個都專業人士。」而佢自己就只係一名 Associate Manager(副經理),眼前景況令樓主大呻:「點解有啲人可以有錢到咁誇張,而我仲住緊公屋。」

樓主感歎自己家境同女友差咁遠Photo from 《一念無明》劇照

樓主大呻貧富懸殊誇張Photo from 連登討論區

女方未知港男家境,港男擔心遲早分手

有網民問樓主,其女友有否介意家境問題,樓主則透露,雙方交往了一個多月,女方未知自己係「公屋仔」,都驚對方知道真相後會同佢分手。佢又指,今次到女友家參與聚會先首次親身感受到雙方出身嘅差距。

女方未知樓主住公屋,樓主對此感到懼怕Photo from 《愛回家之開心速遞》劇照

港男1個心態被網民狠批?!

樓主又表示,對於出席燒烤聚會與否,自己都內心掙扎左一輪,原因係去嘅話,自己又要花錢買禮物上門,所以佢本身都打算以有事為由婉拒,但礙於女友稱佢爸爸已開聲叫樓主出席,佢唯有應邀,佢更感歎自己「(買禮物)又跌錢」。

樓主透露自己原本唔想佢,又大呻上屋企要花錢買禮物Photo from 連登討論區

不少網民認為港男事主目光短淺,關係遲早玩完

對於樓主不滿出席女友家庭聚會要洗錢買禮物,好多網民都狠批樓主目光短視,認為呢家有機會畀佢social上位都唔識珍惜,遲早會因心態問題而分手,有網民形容「買禮物」係一種投資,又直言:「咁嘅心態,即使人哋唔介意你窮,都會開始睇你唔起」、「人哋老豆都未嫌你窮,上網買件A5和牛去BBQ都係洗你嗰一千蚊,咪害咗個女仔,畀你發到圍都唔會識對人好。」

有網民認為樓主保持咁嘅心態,會令其他人睇唔起佢Photo from 連登討論區

不少網民認為樓主嘅心態同目光有問題Photo from 連登討論區

有網民舉例指買盒A5和牛都唔會洗太多錢,認為樓主有機會都唔會對女友好Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel