ERROR保錡與女友沙律張沛樂分手?!女方IG刪放閃合照,疑新紋身暗示情已逝

ERROR保錡與女友沙律張沛樂分手?!女方IG刪放閃合照,疑新紋身暗示情已逝

娛樂新聞
By Jennifer on 06 Jan 2022
Digital Editor

ERROR保錡2021年1月被爆同「性感女神」沙律張沛樂拍拖,當時更鬧出唔少風波,而沙律一直力撐男友。近日兩人驚傳已分手,女方IG刪走兩人合照,又疑似晒新紋身暗示1年情玩完,而保錡被問到感情事亦「落閘」封口!

ERROR保錡2021年1月被爆同「性感女神」沙律張沛樂拍拖Photo from 沙律 IG

保錡與沙律張沛樂公開戀情掀一連串風波

ERROR成員吳保錡去年被爆同「宅男女神」沙律(張沛樂)去大棠睇紅葉約會,更甜蜜拖手。但戀情曝光無耐即被「正印女友」Carrie揭從未講分手,掀起「保錡偷食」疑雲。

保錡與沙律戀情曝光無耐即被「正印女友」Carrie揭從未講分手,掀起「保錡偷食」疑雲Photo from 保錡 IG

當時保錡疑似一腳搭兩船,又喺live度公然鬧fans,最終更要發千字文公開道歉,宣佈暫別娛樂圈。保錡形象大插水,女友沙律依然不離不棄,又公開唔少合照放閃力撐男友。

保錡形象大插水,女友沙律依然不離不棄力撐男友。Photo from 保錡 IG

保錡為慶祝女友生日book Staycation、送上大量玩具

後來隊友193爆紅,加上《ERROR自肥企劃》播出後話題度爆燈,保錡極速「解凍」,而2021年10月適逢沙律30歲生日,兩人齊齊book酒店Staycation慶祝,保錡花心思買咗大量《Toy Story》玩具送畀女友做生日禮物。

《ERROR自肥企劃》播出後話題度爆燈,保錡極速獲「解凍」Photo from 保錡 IG

沙律30歲生日,兩人齊齊book酒店Staycation慶祝Photo from 沙律 IG

保錡花心思買咗大量《Toy Story》玩具送畀女友做生日禮物。Photo from 沙律 IG

沙律IG疑晒紋身暗示已同保錡分手

不過甜蜜過生日之後,兩人就再無互動。到除夕當日沙律出post:「除夕快樂,2021年對於我來講係一個高低起伏既一年,我自己成長咗好多,亦認識自己同身邊既人都多咗好多,希望大家在2022年可以快樂健康。」,其中一個hashtag「過去讓他過去」引起網友關注。

甜蜜過生日之後,兩人就再無互動Photo from 沙律 IG

除夕當日沙律出post,其中一個hashtag「過去讓他過去」引起網友關注Photo from 沙律 IG

沙律同時喺Story晒出疑似紋身「Be Strong」字句,留言指:「一直期待的2022年終於到來,難捱的2021年都終於要過去,高低伏只是令自己上了一課,過去就不想了,收拾心情去面對人生吧,希望新一年能遇到更好的人和事,加油!」,唔少網友都猜測佢同保錡可能已經分手!

沙律同時喺Story晒出疑似紋身「Be Story」字句Photo from 沙律 IG

沙律 IG Story:「過去就不想了,收拾心情去面對人生吧,希望新一年能遇到更好的人和事」Photo from 沙律 IG

搬離愛巢、刪走放閃合照成證據?!

之前保錡獲「解凍」,沙律曾喺IG Story「你問我答」中大讚保錡「最了解我、最愛我、最支持我」,更連環po出兩人放閃合照,其中一張相晒出保錡喺《ERROR自肥企劃》贏得嘅單車,背景疑似係兩人同居嘅大埔村屋,狂晒恩愛。

沙律曾喺IG Story「你問我答」中大讚保錡「最了解我、最愛我、最支持我」Photo from 沙律 IG

沙律IG曾公開唔少放閃合照Photo from 沙律 IG

沙律曾晒出保錡喺《ERROR自肥企劃》贏得嘅單車,背景疑似係兩人同居嘅大埔村屋Photo from 沙律 IG

但最近有網友發現佢IG將之前同保錡影嘅甜蜜合照被刪走。聖誕節沙律公開家中擺設亦被指唔似係同保錡同居嘅愛巢,兩人一年情疑玩完!

最近有網友發現沙律IG將之前同保錡影嘅甜蜜合照被刪走Photo from 沙律 IG

聖誕節沙律公開家中擺設疑已搬離愛巢Photo from 沙律 IG

保錡拒回應分手傳聞

保錡IG仍然有保留同女友嘅合照,但出席叱咤頒獎禮被問到同沙律嘅「分訊」即回應:「感情事不方便回答。」,隊友193、阿Dee等更輪流為佢解圍。

保錡出席叱咤頒獎禮被問到同沙律嘅「分訊」即回應:「感情事不方便回答。」Photo from 保錡 IG

隊友193、阿Dee等輪流為保錡解圍Photo from 保錡 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

ERROR保錡有望解凍!女友沙律張沛樂即高調瘋狂放閃恐惹網友不滿

6 May 2021

ViuTV《ERROR自肥企画》深受歡迎,早前負面新聞不斷嘅成員吳保錡有望解凍,而佢女友張沛樂(沙律)眼見大眾開始接受返男友,即急不及待喺IG瘋狂晒恩愛!

ViuTV《ERROR自肥企劃》深受歡迎,早前負面新聞不斷嘅成員吳保錡有望解凍Photo from 保錡 IG

保錡早前風波不斷,唔止被前女友Carrie爆未講分手就同「宅男女神」沙律拍拖,疑似一腳搭兩船,又喺live度公然鬧fans,當中更夾雜唔少不當用語。

保錡早前風波不斷,唔止被前女友Carrie爆未講分手就同「宅男女神」沙律拍拖,疑似一腳搭兩船Photo from 保錡 IG

形象大插水嘅保錡其後post出千字文道歉,更宣佈暫別娛樂圈。不過隨住隊友193爆紅,ERROR之前嘅節目《花姐ERROR遊》系列受到觀眾關注,保錡喺節目中唔錫身(除咗Bungee Jumping)嘅表現令觀眾對佢改觀。

ERROR之前嘅節目《花姐ERROR遊》系列受到觀眾關注Photo from ERROR IG

低調反省嘅佢即使出席《口罩小姐》決賽直播都keep住以「冷凍」姿態示人,而且《ERROR自肥企劃》播出後極具人氣同話題度,保錡「解凍」在望!

《ERROR自肥企劃》播出後極具人氣同話題度,保錡「解凍」在望!Photo from ERROR IG

低調多時嘅保錡女友沙律眼見網友對男友評價轉好,即時喺網上狂放閃!佢喺IG我Story開放你問我答,可能因為大部分網友都好奇,沙律回答嘅差唔多一半都係同保錡有關!

低調多時嘅保錡女友沙律眼見網友對男友評價轉好,即時喺網上狂放閃Photo from 沙律IG

有網友問佢離開香港可以做3件事佢會揀邊3樣,沙律就表示想同男友去摩洛哥過二人世界;對於網友好想保錡跳笨豬跳,佢指問過保錡,就算同女朋友跳都唔會跳到,因為係佢心魔。

有網友問佢離開香港可以做3件事佢會揀邊3樣,沙律就表示想同男友去摩洛哥過二人世界Photo from 沙律IG

對於網友好想保錡跳笨豬跳,佢指問過保錡,就算同女朋友跳都唔會跳到,因為係佢心魔。Photo from 沙律IG

有網友好奇保錡點追到沙律同沙律中意男友啲咩,沙律即冧爆回應指無追嘅成份,大讚男友最了解、最愛、最支持佢,大家想法都一樣。有fans指保錡瘦咗等,沙律又化身男友代言人,指男友努力操fit緊。

沙律IGPhoto from 沙律IG

沙律IGPhoto from 沙律IG

沙律IGPhoto from 沙律IG

沙律IGPhoto from 沙律IG

有fans想睇沙律同保錡嘅自拍,沙律雖然話男友反省緊,但都係忍唔住PO咗放閃照,雖然有部分有喺保錡頭上加「反省中」,但最終都公開咗一張甜蜜拖手相大晒恩愛,力證一連串風波下兩人感情不變。

有fans想睇沙律同保錡嘅自拍,沙律雖然話男友反省緊,但都係忍唔住PO咗放閃照Photo from 沙律IG

沙律最終都公開咗一張甜蜜拖手相大晒恩愛,力證一連串風波下兩人感情不變。Photo from 沙律IG

不過沙律都有回應被指係第三者,佢用一張「黑人問號」圖表達心情,沙律又指同保錡開IG live好危險,要問好多人意見;網友讚沙律最近啲相靚咗好多,佢就話係男友幫佢影。

沙律指同保錡開IG live好危險,要問好多人意見Photo from 沙律IG

網友讚沙律最近啲相靚咗好多,佢就話係男友幫佢影。Photo from 沙律IG

沙律又喺IG公開保錡於《ERROR自肥企劃》第二集中贏到嘅公路單車:「好多人想知架單車去向,其實...佢一直喺度」

沙律又喺IG公開保錡於《ERROR自肥企劃》第二集中贏到嘅公路單車Photo from 沙律IG

保錡同沙律低調多時,今次沙律放閃宣示主權,或引起部分網友嘅不滿,有網友指當初保錡被指一腳搭兩船,沙律IG Story似有所指疑暗串正印Carrie,令人反感,事隔幾個月佢再高調晒恩愛,可能會有反效果。

今次沙律放閃宣示主權,就引起部分網友嘅不滿Photo from lihkg

lihkgPhoto from lihkg

有網友指當初保錡被指一腳搭兩船,沙律IG Story似有所指疑暗串正印Carrie,令人反感Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel