普京神秘私生活曝光！3位女兒身份公開！前奧運冠軍「秘密情人」睽違2年再度亮相

烏克蘭同俄羅斯之間嘅關係依然緊張，烏克蘭當地唔少地方都遭受破壞，引起全球關注！而俄羅斯總統普京（Vladimir Putin）縱橫政壇多年，但佢嘅私生活一直都非常低調，有指佢嘅3位女兒都來頭不少！

Photo from TODAY @YouTube

# 曾經歷1段婚姻，2013年離婚！

現年69歲嘅俄羅斯總統普京（Vladimir Putin）從政至今大約30年，但佢嘅家庭生活一直都非常低調。佢喺1983年嘅時候同柳德米拉（Lyudmila Putina）結婚；直到2013年，佢哋對外宣佈離婚消息，結束長達29年嘅婚姻，離婚傳聞眾說紛紜！

Photo from Rossia 24 @ YouTube

# 僅承認有3位女兒？！

而普京低調處理私生活，僅承認有3位女兒，二佢哋嘅身份都十分神秘。然而，外界就翻查到傳說中3位女兒嘅身分，佢哋近年亦活躍發展自己嘅事業。雖然3位都並未有公開承認係普京女兒，但周邊嘅人都知道「係公開嘅秘密」！

Photo from CNBC @ YouTube

# 大女兒：醫學研究員

外界盛傳36歲嘅大女兒瑪麗亞（Dr Maria Vorontsova）係一位基因學家，同時亦係國家醫學研究中心內分泌學的首席研究員，曾公開接受當地電視台訪問探討醫學專題。據悉，佢同一位荷蘭商人結婚，並已成人母。

Photo from Телеканал «Доктор» @ YouTube

Photo from Rossia 24 @ YouTube

# 二女兒係數學家

34歲嘅卡特琳娜（Dr Katerina Tikhonova）本身係一位舞蹈家，但後來成為數學家，現任莫斯科大學複雜系統數學研究所副所長。上年仲出席俄羅斯國家電視台「聖彼得堡國際經濟論壇」，當時嘅主講人就係普京！

Photo from Twitter

Photo from Twitter

# 細囡被傳係私生女？！

18歲嘅路易莎（Luiza Rozova）係一位DJ兼時裝設計師，亦叫Elizaveta Krivonogikh。一直以來被盛傳係普京同名媛斯維特拉娜（Svetlana Krivonogikh）婚外情所誕下嘅私生女，曾經喺接受媒體訪問時話「可能同年輕嘅普京似樣」，但就冇正面回應過傳言！

Photo from IG

Photo from IG

# 與前奧運體操冠軍傳緋聞多年！

普京離婚後，唔少網民都對佢嘅感情生活感到好奇。由2008年開始，普京就已經開始同前奧運韻律體操冠軍阿麗娜（Alina Kabaeva）傳出緋聞，二人年紀相差31年，一直被謠傳係普京嘅「秘密情人」！隨後，佢就加入咗俄羅斯國家杜馬下議院議員，係普京親手安排加入國會嘅其中一位女議員。

Photo from Olympics @YouTube

Photo from Olympics @YouTube

# 盛傳已經同普京結婚？

阿麗娜喺2017年出席公開活動時，被發現戴上咗婚戒，令外界都認為佢可能已經同普京秘密結婚。後來又被傳媒大爆疑似懷孕後行蹤不明，當地媒體仲傳出佢已經喺2020年誕下雙胞胎女兒。直到早前東京奧運，佢睽違2年多再一次喺大眾面前露面，令大家驚訝！

Photo from roissya 24 @ YouTube

相關文章：內地網紅梅愛偲烏克蘭拍片被踢爆幕後真相！遭官方懲罰急發文道歉

相關文章：烏克蘭俄羅斯｜中國留學生哭訴大使館零幫助！公開錄音反被斥巨嬰

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

俄羅斯士兵疑走失獲烏克蘭人送熱茶食物！民眾一個舉動感動全球

4 Mar , 2022

【烏克蘭局勢】「俄烏戰爭」持續，雖然兩國關係緊張，但日前一名俄羅斯士兵疑與戰友失散，被烏克蘭人包圍，對方為佢送上食物同飲品，兩國人民互相照顧嘅場景感動全球！

Photo from Reddit u/_Xyreo_

俄羅斯士兵落單被烏克蘭人包圍

烏克蘭同俄羅斯局勢未見好轉，而喺「俄烏戰爭」中亦免不了兩國傷亡，掀起全球關注，面對離別、戰爭，有好多心酸、感人嘅事情發生。

Photo from Twitter @antiputler_news

近日喺Reddit流傳咗一條短片，一名俄羅斯軍人疑似與戰友們失散，落單嘅佢甚至被一群烏克蘭人包圍。無物資喺手嘅俄羅斯士兵卻並未受到任何攻擊。

Photo from Reddit u/_Xyreo_

烏克蘭民眾主動提供食物，助俄羅斯軍人聯絡家人

呢班烏克蘭人更主動送上熱茶、食物畀佢等佢補充體力。仲有人幫佢聯絡遠在俄羅斯嘅媽媽報平安，而視像電話接通嘅瞬間，俄羅斯軍人都忍唔住流下男兒淚。

Photo from Reddit u/_Xyreo_

Photo from Reddit u/_Xyreo_

佢身旁嘅烏克蘭市民似乎都受到觸動，同樣眼濕濕，亦有人伸手拍俄羅斯士兵膊頭安慰佢。幫佢打電話嘅烏克蘭人更向俄羅斯軍人嘅媽媽傳達兒子嘅狀況：「佢仲喺度、好健康」

Photo from Reddit u/_Xyreo_

Photo from Reddit u/_Xyreo_

烏克蘭人主動為俄羅斯士兵提供幫助呢一幕感動全球網民，佢哋認為兩國民眾都唔想起紛爭，呼籲盡快停戰。

Photo from Reddit u/_Xyreo_

烏克蘭市民留守保衛家園

兩國人民互動引起關注，烏克蘭總統澤連斯基（Volodymyr Zelenskyy）日前宣布下令18至60歲男性公民禁止離開烏克蘭，好多民眾都留守。

Photo from Twitter @yuricom_25

Twitter上亦有人影到烏克蘭唔少市民都自發落街保衛家園，佢哋雖然只係普通市民，但不懼對方軍力，決心阻止俄軍進犯。

Photo from Twitter @yuricom_25

相關文章：內地網紅梅愛偲烏克蘭拍片被踢爆幕後真相！遭官方懲罰急發文道歉

相關文章：烏克蘭劍擊隊團體賽遇俄羅斯主動棄權！獲其他國家運動員支持女