麥當勞宣佈暫停於俄羅斯營業!市民瘋狂搶購漢堡包再高價炒賣?就連UNIQLO都逼爆人!

麥當勞宣佈暫停於俄羅斯營業!市民瘋狂搶購漢堡包再高價炒賣?就連UNIQLO都逼爆人!

時事熱話
By Stephanie on 11 Mar 2022
Digital Content Writer

【俄烏局勢】「俄烏戰爭」已經邁入第14日,唔少烏克蘭嘅市民都因此而傷亡,而建設亦遭受破壞。國際企業都紛紛用行動表示不滿,先後宣佈退出俄羅斯。近日就連麥當勞(McDonald’s)都宣佈暫停營業,令當地麥當勞瞬間湧現人潮,有人仲喺網上高價炒賣漢堡包!

俄羅斯麥當勞宣佈關店後,市民都紛紛湧去食「最後的麥當勞餐」!Photo from Twitter

# 國際企業行動表示對俄羅斯不滿!

俄烏關係持續緊張,連日來俄羅斯嘅行為都令唔少烏克蘭嘅市民傷亡,建築物都受到破壞,經濟狀況大受打擊!早前就已經有唔少國際大企業,包括:Google、Apple、Netflix等都宣佈退出俄羅斯,以示不滿。

烏克蘭唔市民都受到影響,唔少醫院都已經被破壞!Photo from 路透社

早幾日嘅蘋果春季發佈會中,執行長庫克就身穿深藍色上衣搭配黃色錶帶,令唔少人都認為佢係暗中表示支持烏克蘭!Photo from APPLE

# 麥當勞宣布關閉俄羅斯逾800間分店!

近日,唔少連鎖快餐企業都紛紛響應行動,包括:KFC、星巴克、Pizza Hut等。其中麥當勞(McDonald’s)亦突然表示暫停於俄羅斯嘅業務,關閉當地850間分店,但強調會持續支付逾6萬位員工嘅薪水!

麥當勞宣布關閉所有於俄羅斯嘅門店!Photo from McDonald's Twitter

俄羅斯嘅麥當勞Drive-thru車龍超長!Photo from Twitter

# 俄羅斯市民排隊購買M記!

消息曝光後,大批俄羅斯嘅市民都擔心以後冇得食麥當勞,店鋪內人潮湧現,出現超級長嘅人龍!有網民就大爆朋友一次購買逾50個漢堡包,將屋企嘅雪櫃都塞滿,不過其他網民就反而擔心「咁樣分分鐘會變壞」、「多到可以賣」等。

有麥當勞狂熱fans就大手筆購買大量漢堡包,擺滿雪櫃慢慢食!Photo from Reddit

# 網民高價出售M記食物!

部分網民就發揮自己嘅「商業頭腦」,喺俄羅斯拍賣網上高價出售麥當勞嘅套餐。其中一個漢堡包平均要1萬盧布(約580港幣)、一杯汽水大約係1,500盧布(約87港幣)等,價錢足足抬高咗幾倍!

4個漢堡包嘅標價係4萬盧布(約港幣2,689)!Photo from olya_borderless @ Twitter

一杯汽水都竟然要大約87港幣......Photo from olya_borderless @ Twitter

仲有成個麥當勞餐出售Photo from olya_borderless @ Twitter

# UNIQLO改口宣佈暫停於俄羅斯營業!

另一邊廂,日本知名服裝品牌UNIQLO 喺10號改口宣佈暫停於俄羅斯嘅48間門市。關閉店舖嘅消息一出,市民都趕往門店搶購;其中一間位於莫斯科嘅UNIQLO結帳人龍仲排足2層!

日本UNIQLO改口宣佈暫停於俄羅斯營業!Photo from 路透社

於莫斯科嘅UNIQLO超多人搶購衣服!Photo from 路透社

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

俄羅斯士兵疑走失獲烏克蘭人送熱茶食物!民眾一個舉動感動全球

4 Mar , 2022

【烏克蘭局勢】「俄烏戰爭」持續,雖然兩國關係緊張,但日前一名俄羅斯士兵疑與戰友失散,被烏克蘭人包圍,對方為佢送上食物同飲品,兩國人民互相照顧嘅場景感動全球!

「俄烏戰爭」持續,雖然兩國關係緊張,但日前一名俄羅斯士兵疑與戰友失散,被烏克蘭人包圍Photo from Reddit u/_Xyreo_

俄羅斯士兵落單被烏克蘭人包圍

烏克蘭同俄羅斯局勢未見好轉,而喺「俄烏戰爭」中亦免不了兩國傷亡,掀起全球關注,面對離別、戰爭,有好多心酸、感人嘅事情發生。

烏克蘭同俄羅斯局勢未見好轉,而喺「俄烏戰爭」中亦免不了兩國傷亡,掀起全球關注Photo from Twitter @antiputler_news

近日喺Reddit流傳咗一條短片,一名俄羅斯軍人疑似與戰友們失散,落單嘅佢甚至被一群烏克蘭人包圍。無物資喺手嘅俄羅斯士兵卻並未受到任何攻擊。

近日喺美國Reddit流傳咗一條短片,一名俄羅斯軍人疑似與戰友們失散Photo from Reddit u/_Xyreo_

烏克蘭民眾主動提供食物,助俄羅斯軍人聯絡家人

呢班烏克蘭人更主動送上熱茶、食物畀佢等佢補充體力。仲有人幫佢聯絡遠在俄羅斯嘅媽媽報平安,而視像電話接通嘅瞬間,俄羅斯軍人都忍唔住流下男兒淚。

烏克蘭人更主動送上熱茶、食物畀佢等佢補充體力。Photo from Reddit u/_Xyreo_

有人幫佢聯絡遠在俄羅斯嘅媽媽報平安,而視像電話接通嘅瞬間,俄羅斯軍人都忍唔住流下男兒淚。Photo from Reddit u/_Xyreo_

佢身旁嘅烏克蘭市民似乎都受到觸動,同樣眼濕濕,亦有人伸手拍俄羅斯士兵膊頭安慰佢。幫佢打電話嘅烏克蘭人更向俄羅斯軍人嘅媽媽傳達兒子嘅狀況:「佢仲喺度、好健康」

佢身旁嘅烏克蘭市民似乎都受到觸動,同樣眼濕濕,亦有人伸手拍俄羅斯士兵膊頭安慰佢。Photo from Reddit u/_Xyreo_

幫佢打電話嘅烏克蘭人更向俄羅斯軍人嘅媽媽傳達兒子嘅狀況:「佢仲喺度、好健康」Photo from Reddit u/_Xyreo_

廣告
廣告

烏克蘭人主動為俄羅斯士兵提供幫助呢一幕感動全球網民,佢哋認為兩國民眾都唔想起紛爭,呼籲盡快停戰。

烏克蘭人主動為俄羅斯士兵提供幫助呢一幕感動全球網民Photo from Reddit u/_Xyreo_

烏克蘭市民留守保衛家園

兩國人民互動引起關注,烏克蘭總統澤連斯基(Volodymyr Zelenskyy)日前宣布下令18至60歲男性公民禁止離開烏克蘭,好多民眾都留守。

烏克蘭總統澤連斯基(Volodymyr Zelenskyy)日前宣布下令18至60歲男性公民禁止離開烏克蘭,好多民眾都留守。Photo from Twitter @yuricom_25

Twitter上亦有人影到烏克蘭唔少市民都自發落街保衛家園,佢哋雖然只係普通市民,但不懼對方軍力,決心阻止俄軍進犯。

Twitter上亦有人影到烏克蘭唔少市民都自發落街保衛家園Photo from Twitter @yuricom_25

更多相關文章

烏克蘭父親拜托陌生人帶子女逃亡!邊境母子重逢場景感動全球

27 Feb 2022

【烏克蘭局勢】俄羅斯與烏克蘭之間局勢緊張,受「俄烏戰爭」所影響,烏克蘭總統澤連斯基下令18至60歲男性公民禁止離境。一位烏克蘭爸爸唯有將仔女託付予一名陌生女子,情景令人心酸。

俄羅斯與烏克蘭之間局勢緊張Photo from 美聯社

烏克蘭總統澤連斯基禁男性國民離開

俄羅斯總統普京下令進軍烏克蘭首都基輔,烏克蘭總統澤連斯基(Volodymyr Zelenskyy)日前宣布下令18至60歲男性公民禁止離開烏克蘭,唔少烏克蘭家庭面對離別,戰爭下有好多心酸、感人嘅事情發生。

烏克蘭總統澤連斯基(Volodymyr Zelenskyy)日前宣布下令18至60歲男性公民禁止離開烏克蘭Photo from president.gov

烏克蘭父親托陌生人帶子女逃亡

據《路透社》報導,一名烏克蘭58歲女子Nataliya Ableyeva喺烏克蘭邊境遇上一位38歲男子Kamianets-Podilskyi及佢嘅仔女。

烏克蘭58歲女子Nataliya Ableyeva喺邊境時遇上一位38歲男子Kamianets-Podilskyi及佢嘅仔女。Photo from 路透社

雖然一對仔女年紀尚幼,但因為18至60歲男性都唔可以離開烏克蘭,佢只好將仔女交托畀呢位陌生女子,希望佢可以帶自己嘅兒女出境去匈牙利同佢哋嘅媽媽相見。Nataliya Ableyeva應承咗呢位男子,對方就將子女嘅護照以及妻子嘅電話號碼交畀佢。

雖然一對仔女年紀尚幼,但因為18至60歲男性都唔可以離開烏克蘭,佢唯有將仔女交托畀呢位陌生女子,希望佢可以帶自己嘅兒女出境去匈牙利同佢哋嘅媽媽相見。Photo from 路透社

邊境母子重逢場景感人

Nataliya Ableyeva表示佢都有兩名子女,佢哋已經成年,一個係警察,一個係護士。因為動員令嘅緣故佢哋都無法離開烏克蘭,Nataliya Ableyeva拉住陌生人嘅孩子過關到達匈牙利,一齊等待佢哋嘅母親出現。

Nataliya Ableyeva拉住陌生人嘅孩子過關到達匈牙利,一齊等待佢哋嘅母親出現。Photo from 路透社

等待期間小男孩因為父母唔喺身邊忍唔住喊,但好在佢哋媽媽好快都到達匈牙利並同一對仔女重逢。媽媽Anna Semyuk見到兒女忍唔住激動擁抱並安撫佢哋。而對於素未平生嘅Nataliya Ableyeva喺危急關頭竟然願意應承陌生人嘅委托,帶住一對細路過關,佢非常感激,兩人更相擁落淚,場面感人。

媽媽Anna Semyuk見到兒女忍唔住激動擁抱並安撫佢哋Photo from 路透社

對於素未平生嘅Nataliya Ableyeva喺危急關頭竟然願意應承陌生人嘅委托,帶住一對細路過關,佢非常感激Photo from 路透社

Nataliya Ableyeva(黃色衫)與33歲媽媽Anna Semyuk(啡色衫)相擁落淚,場面感人。Photo from 路透社

烏克蘭小學生地鐵站避難

烏克蘭、俄羅斯局勢緊張,有人選擇盡快離境,但唔係個個人可以離開,留喺烏克蘭嘅人為尋求庇護,紛紛逃離家園走到地鐵站避難。根據外媒報導,有大批小學生喺戰爭中被老師安排躲避到地鐵站,佢哋全部都安靜坐成一排,但眼中嘅徬徨同不安令人心酸。

留喺烏克蘭嘅人為尋求庇護,紛紛逃離家國走到地鐵站避難。Photo from Francesca Ebel Twitter

根據外媒報導,有大批小學生喺戰爭中被老師安排躲避到地鐵站Photo from Mirror

烏克蘭小學生全部都安靜坐成一排,但眼中嘅徬徨同不安令人心酸。Photo from Mirror

烏克蘭孕婦逃至地鐵站分娩

更有孕婦要逃至地鐵站分娩,據《每日郵報》指出當地警察為一名23歲嘅孕婦接生,最終誕下一名女嬰,並取名為「Mia」,其後母女送院留醫,兩人情況良好。

烏克蘭警察為一名23歲嘅孕婦接生,最終誕下一名女嬰,並取名為「Mia」Photo from Francesca Ebel Twitter

網上流傳女嬰Mia嘅相片,佢小手緊緊捉住母親嘅手掌,呢張相感動全球網民,更表示係「戰爭下嘅奇蹟」。

網上流傳女嬰Mia嘅相片,佢小手緊緊捉住母親嘅手掌,呢張相感動全球網民Photo from MFA of Ukraine Twitter

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel