家族榮耀|5位女角婚姻狀況一覽!李彩華身家仲多過富二代/余安安後悔與周潤發閃婚?

家族榮耀|5位女角婚姻狀況一覽!李彩華身家仲多過富二代/余安安後悔與周潤發閃婚?

娛樂新聞
By Stephanie on 16 Mar 2022
Digital Content Writer

電視劇《家族榮耀》即將迎來大結局,劇中角色嘅感情關係複雜混亂,引起觀眾熱議。而劇中嘅女角色們喺現實生活中嘅婚姻狀況都各有不同,但佢哋都依然對愛情保持憧憬,宜家即睇 5位女主角嘅婚姻狀況啦!

電視劇《家族榮耀》劇中嘅女主角們現實嘅婚姻生活一覽!Photo from 《家族榮耀》

# 余安安

現年62歲嘅余安安有過2段婚姻,可惜最後都失敗告終。最令大眾深刻就一定係1983年同周潤發閃婚,當時嘅余安安正值事業上升期,日夜工作令佢感到疲倦,想搵個人依靠;而周潤發當時就剛與「小龍女」陳玉蓮分手傷心欲絕,二人因為需要他人陪伴而擦出愛火!

余安安重提與周潤發閃婚事由。Photo from 有線電視

當時周潤發剛與陳玉蓮分手,一度陷入低潮!Photo from 《大亨》劇照

余安安坦承與周潤發閃婚係一時衝動,二人1976年合作拍攝《池女》而認識。重新見面後男方突然求婚,而佢又覺得「又幾有feel」,就答應求婚!然而,余安安於受訪時表示「呢件事係錯」,直言當時二人都尚未準備踏入結婚階段,睇唔到未來,最終二人和平離婚,結束短短9個月嘅婚姻!

二人本身就認識,但因為周潤發突然求婚而決定閃婚!Photo from 有線電視

二人結婚當日,有唔少傳媒都到場直播,轟動一時!Photo from TVB

可惜二人都隨住了解加深,而發現彼此不適合,決定和平分開!Photo from 有線電視

1987年,余安安與任職賽車手及公關嘅李萬棋結婚,並育有2名女兒,當時佢選擇放棄幕前工作,於家中專心相夫教子。後來,男方經濟出現問題,作為妻子嘅余安安亦立刻靠廣告代言費協助丈夫,係唔少人眼中嘅模範夫妻!

余安安於1987年與公關李萬棋結婚!Photo from 余安安微博

余安安與二位囡囡感情超好,圖中男士係大囡嘅男友。Photo from 余安安微博

然而,李萬棋於2001年開始就不停被媒體拍到與名模、女伴約會嘅照片,而佢後來亦因為欠債70萬而破產,並於2003年與余安安離婚!余安安曾經講過「離婚係因為女人都忍受唔到嘅事」,暗示係因為男方有婚外情而分開;而佢正式離婚前就深思熟慮咗2年,因為驚會影響到2個囡囡。

余安安暗示離婚係因為對方有婚外情。Photo from 有線電視

當時為咗囡囡們而考慮咗離婚2年Photo from 有線電視

# 李彩華

李彩華喺2019年宣佈與交往半年從事鋼鐵生意嘅內地商人黃彥書(Eric)結婚,本身打算於香港及內地都舉辦婚禮,但受到疫情影響而一推再推。最終二人因長期聚少離多,2020年尾承認已經離婚,結束19個月嘅婚姻!雖然男方係富豪,但據悉二人一直財政獨立,李彩華並冇爭取要贍養費。

2019年情人節,李彩華宣佈與內地商人黃彥書結婚!Photo from 李彩華微博

可惜最終二人因為疫情甚少見面,於2020年尾宣佈離婚!Photo from 李彩華微博

其實李彩華北上工作多年已經係一位隱形小富婆,有指佢手持至少12個物業,遍佈香港、澳洲、泰國等;喺劇中佢仲大晒價值過百萬嘅私伙名牌手袋亮相,好似出席時裝騷咁。

李彩華手持至少12個物業,係圈中小富婆~Photo from 李彩華IG

李彩華於劇中攞住自己嘅名牌手袋出場,經常都會換手袋!Photo from 《家族榮耀》

而李彩華身邊亦不乏追求者,佢坦承唔恨嫁入豪門,仲話絕對唔會放棄自己嘅事業。佢透露曾經有一位富二代出一億追求佢,但條件係唔可以再做演員,所以佢就立馬拒絕「話俾一億我做補償,宜家我嘅身家都唔止啦!」有傳現時李彩華嘅身家已經達到2億,吸金力超強!

曾經有富二代出一億追求佢,但佢反而嫌棄對方?!Photo from 李彩華IG

# 陳曼娜

資深演員陳曼娜入行多年,事業剛起步嘅時候就與圈外人結婚,並育有一子一女;不過誕下一對子女後就離婚收場。而佢多年來亦成功靠自己賺得唔少錢,佢曾透露理財心得係趁樓市低位買樓,並以長線投資為目標收租,仲霸氣咁話從來「冇蝕過」,而近年佢仲投資埋海外物業。

陳曼娜剛出道就與圈外人結婚Photo from 陳曼娜FB

後來,佢靠買樓投資賺到唔少錢!Photo from 陳曼娜FB

處於半退休狀態嘅陳曼娜話會出演《家族榮耀》係因為片酬高,同埋卡士勁!喺戲內嘅佢重男輕女,但現實中嘅佢卻非常疼愛囡囡。有指囡囡2016年結婚嘅時候,佢大手筆送贈700萬嫁妝以及一架價值400萬嘅黃色法拉利跑車!一對子女亦非常厲害,都係從國外嘅著名大學畢業,連教導子女都有自己嘅秘訣呢~

陳曼娜非常疼愛一對子女!Photo from 陳曼娜FB

#楊茜堯

楊茜堯(原名楊怡)2016年與與羅子溢(原名羅仲謙)結婚,育有一子一女。二人不時都會於IG大晒幸福家庭照,而愛女心切嘅佢哋仲為咗囡囡「小珍珠」而決定改名,果然係廿四孝父母啊~

楊茜堯羅子溢於2016年結婚!Photo from 楊茜堯IG

婚後育有一對子女,一家四口超溫馨~Photo from 楊茜堯IG

# 熊黛林

熊黛林2016年同郭可盈細佬郭可頌結婚,誕下孖女Kaylor同Lyvia。據悉男方家境富裕,接手爸爸嘅塑膠生意,仲同時兼任5間公司嘅董事,經營出口貿易公司,生意規模超大!

熊黛林同郭可頌2016年結婚!Photo from 熊黛林IG

婚後誕下一對可愛孖女~Photo from 熊黛林IG

熊黛林婚後就淡出幕前工作,直到拍攝《家族榮耀》先復出,而佢就話嫁入豪門後,日日都非常空閒「覺得好似迷失自我咁」!

而佢就曾經大呻嫁入豪門後每日都非常得閒!Photo from 熊黛林IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

家族榮耀︱馬家豪宅逾2萬呎有10間房!月租僅5萬,竟被爆租唔出?

8 Mar , 2022

電視劇《家族榮耀》熱播,頗受中港兩地觀眾歡迎,劇情圍繞馬家兄弟、妯娌爭奪家產,眾人生活富貴逼人,尤其係一家人住嘅大宅勁有氣派,現實中呢間巨型豪宅佔地逾2萬呎,但租金只需5萬人民幣,不過就有爆料稱無人租!

電視劇《家族榮耀》熱播,頗受中港兩地觀眾歡迎,劇情圍繞馬家兄弟、妯娌爭奪家產,眾人生活富貴逼人,尤其係一家人住嘅大宅勁有氣派Photo from 《家族榮耀》

《家族榮耀》劇情

《家族榮耀》由張智霖、楊茜堯、李彩華、羅子溢、黃浩然、熊黛林、郭政鴻、陳曼娜等主演,劇情講述選美姊妹花楊茜堯、李彩華同日嫁入馬家,之後與飾演大嫂嘅熊黛林妯娌不和,佢哋嘅丈夫馬家三兄弟亦掀權力之爭,豪門大戰一觸即發。

《家族榮耀》由張智霖、楊茜堯、李彩華、羅子溢、黃浩然、熊黛林、郭政鴻、陳曼娜等主演Photo from 《家族榮耀》

馬家巨型豪宅成焦點,樓高4層超豪華

豪門鬥爭喺劇情喺內地同香港都有唔錯嘅話題度,香港收視更每星期持續上升!劇中馬家所住嘅豪宅亦成為焦點,引起好多網民關注。

劇中馬家所住嘅豪宅亦成為焦點,引起好多網民關注。Photo from TVB

豪門鬥爭喺劇情喺內地同香港都有唔錯嘅話題度,香港收視更每星期持續上升Photo from TVB

馬家嘅巨型豪宅樓高4層,淨係從外面睇已覺得十分豪華,更配備超大型私人泳池同花園,背山面海,景觀十分開揚。

馬家嘅巨型豪宅樓高4層Photo from TVB

淨係從外面睇已覺得十分豪華Photo from TVB

配備超大型私人泳池Photo from 《家族榮耀》

豪門生活當然唔少得花園hightea~Photo from TVB

背山面海,景觀十分開揚。Photo from TVB

佔地逾2萬呎、有10間房,曾連續兩年入選「中國10大豪宅」

除咗豪宅外型時尚有設計感外,內部裝修亦十分有氣派!客廳有超高樓底,落地大玻璃採光好,仲可以遠眺海景。飯廳空間闊落,超長餐枱足夠馬家十幾個人。馬家幾位兄弟嘅房間亦裝修奢華,仲有超大型露台。

除咗豪宅外型時尚有設計感外,內部裝修亦十分有氣派,客廳有超高樓底,落地大玻璃採光好Photo from TVB

飯廳空間闊落,超長餐枱足夠馬家十幾個人Photo from TVB

大哥馬耀宗夫婦房間Photo from TVB

馬耀祖夫婦房間Photo from TVB

馬耀堂夫婦房間Photo from TVB

超大型露台Photo from TVB

呢間豪宅實際位於深圳鹽田區大梅沙嘅「東部華僑城天麓」别墅區。天麓連續兩年入選「中國10大豪宅」,馬家大宅佔地逾2萬呎,有10間房,更位於經濟高速發展嘅深圳,正常嚟講價格一定唔會平。

呢間豪宅實際位於深圳鹽田區大梅沙嘅「東部華僑城天麓」别墅區。Photo from 《家族榮耀》

馬家大宅佔地逾2萬呎,有10間房Photo from TVB

業主呻勁蝕2,000萬人民幣,月租僅5萬但無人問津?!

不過網上流傳有疑似業主喺微信降價1000萬出售天麓6層別墅,又稱自己買咗7年賣出,連同各項交易費用、多年嚟嘅貸款利息,估計要蝕2,000萬人民幣!

網上流傳有疑似業主喺微信降價1000萬出售天麓6層別墅Photo from 微博

據知同馬家巨宅同類型嘅別墅月租僅5萬幾人民幣,叫價約2,600萬人民幣,但一直無人問津。賣唔出又無人租,原來係因為別墅區內基本配套設施不足,交通唔方便,購物需要揸車落山數公里。

同馬家巨宅同類型嘅別墅月租僅5萬幾人民幣,但一直無人問津。Photo from 《家族榮耀》

賣唔出又無人租,原來係因為別墅區內基本配套設施不足,交通唔方便Photo from 《家族榮耀》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel