伍富橋過大禮準備娶富貴女友Shirley！未婚妻豪宅曝光，金器超搶鏡
伍富橋（Alvin）與富家千金女友Shirley公開戀情僅一個月就宣佈求婚成功，日前仲到女方家中過大禮曝光未婚妻豪宅內部！而龍鳳鈪等金器數量亦非常之多，相信婚禮現場應該會好有氣派。
Photo from 娛樂新聞台
伍富橋女友Shirley家境富裕
伍富橋於2014年參加《超級巨聲4》入行，佢曾經同林穎彤拍拖，兩人相戀一年後分手，直到2022年佢喺IG晒出合照公開與女友Shirley嘅戀情。
Photo from 伍富橋 IG
伍富橋女友Shirley曾經就讀Lancaster以及UCL兩間大學，而且家境富裕，父親從事物流及食品生意、又坐擁2間麻雀館，一家居住於相思灣逾5,000呎嘅獨立屋，家族身家過億！
Photo from 娛樂新聞台
拍拖半年求婚成功做「億萬駙馬」
喺公開戀情後一個月嘅白色情人節伍富橋宣佈求婚成功，伍富橋接受訪問時表示喺呢一個月內「不停求婚」，臨瞓前、食飯前、煲劇途中都試過求婚，連女友都話佢係「洗腦式求婚」。
Photo from 娛樂新聞台
最終伍富橋靠Staycation佈置大量氣球以誠意、努力打動女友成功求婚，晉身「億萬駙馬」行列。據知女友Shirley曾任幕後，兩人拍拖大半年，本身都係富二代嘅伍富橋稱自己認識女友前唔知道對方嘅家底背景，只係覺得佢好聰明、率直同開朗。
Photo from 伍富橋 IG
過大禮令未婚妻豪宅曝光
伍富橋求婚後又大爆：「唔知點解一見到佢就好想同佢結婚！」佢表示同女友相處好開心，大家想法一致，無論係生活上定工作上女友都畀到好多意見佢。
Photo from 伍富橋 IG
伍富橋日前到未婚妻Shirley屋企過大禮，枱上嘅3對龍鳳鈪以及其他金器十分搶眼，同時未婚妻Shirley所住嘅富宅曝光，可見大廳係以木系為主嘅中式裝修風格，仲有屏風等古色古香擺設。
Photo from 伍富橋 IG
Photo from 伍富橋 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
謝天華4千萬複式豪宅曝光！北上密密賺人民幣，享受「天王」級待遇
8 Feb 2022
Photo from 謝天華 微博
《披荊斬棘的哥哥》帶挈「大灣區五人組」人氣急升
內地綜藝節目《披荊斬棘的哥哥》陳小春、張智霖、謝天華、林曉峰、梁漢文組成「大灣區五人組」，雖然佢哋普通話講得唔好，喺節目中仲成日以廣東話溝通，但仍獲唔少內地網友支持。
Photo from 謝天華 微博
節目帶挈「大灣區五人組」人氣急升，有錢齊齊搵，之後佢哋更另外開咗一套綜藝節目《大灣仔的夜》，5位主持喺廣州經營一個大排檔。
Photo from 《大灣仔的夜》，
謝天華內地連續工作8個月，新年趕返港陪家人
北上發展順利，「大灣區五人組」job接job，已連續於內地工作幾個月，其中陳小春一家早已搬到上海定居，兒子Jasper就讀當地嘅國際學校，有指學費每年約35萬港元！
Photo from 《大灣仔的夜》，
兒女尚小嘅謝天華家人仍居於香港，最近謝天華於內地工作8個月後終於返港同屋企人團聚過新年，佢坦言「錢係無搵夠嘅」，但始終長時間同老婆仔女分隔兩地，雖然每天都同仔女視像通話，但謝天華指老婆都略有「詐型」。
Photo from 《大灣仔的夜》
Photo from 謝天華 微博
晒愛女賀年照，謝天華4千萬複式豪宅意外曝光
久未返港嘅佢新年期間不忘更新微博，晒出愛女Mia賀年照，Mia著唐裝舞師超可愛，但更為搶眼嘅絕對係擺喺家中嘅巨型桃花！
Photo from 謝天華 微博
巨型桃花一眼望去就有逾2米高，無返咁上下高嘅樓底都放唔落！旁邊有樓梯，可見謝天華屋企係複式單位，裝修極有氣派。另外地面更放上巨幅謝天華個人肖像畫，十分自愛，其實呢個肖像畫係佢嘅後援會於2016年送畀佢，睇嚟佢非常珍惜，fans見到都相當感動。
Photo from 謝天華 微博
Photo from 謝天華 微博
Photo from 謝天華 微博
約滿TVB後自組工作室，北上發展密密賺人仔
謝天華出道多年，憑「梁笑棠（Laughing哥）」一角迎來事業高峰，佢於2013年宣佈約滿TVB後唔再續約，離巢開設經理人公司「拉風工作室」（Laughing Workshop）。
Photo from 《潛行狙擊》
近年佢事業重心轉移至內地，密密登台賺人仔，更獲主辦方安排十幾個保安護送佢離場，簡直係「天王巨星」待遇。之後佢同「風火海」、「古惑仔」嘅兄弟陳小春、林曉峰一同出演《披荊斬棘的哥哥》，事業再創高峰。
Photo from 抖音
北上發展賺到盆滿缽滿，謝天華與太太2015年聯名以約$3,700萬購入大坑優雅閣一個低層複式單位，實用面積達1,710平方呎。佢花$300萬全屋翻新豪裝，現時單位已升值至逾$4,300萬！
Photo from 謝天華 微博
Photo from 謝天華 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
