30歲男子8年「孕育」55個小朋友!4大原因成為客人首選,賣點係願意親身上陣?

30歲男子8年「孕育」55個小朋友!4大原因成為客人首選,賣點係願意親身上陣?

生活熱話
By Stephanie on 29 Apr 2022
Digital Content Writer

唔少夫婦結婚後都希望能夠誕下「愛的結晶品」,唯獨每個人嘅身體狀況都有異,部分人就選擇利用現今醫學科技嘅協助。美國一位年約30歲嘅專業「捐精男」戈迪(Kyle Gordy)8年成功協助世界各地嘅夫婦「孕育」近55個小朋友,而佢嘅客戶多年都有增無減,4大原因令佢依然超受歡迎!

30歲嘅「專業捐精男」 Kyle Gordy8年來已經協助咗55個小生命嘅誕生!Photo from Kyle Gordy @FB

美國男子開拓新生意!

現年30歲嘅戈迪(Kyle Gordy)居住於美國洛杉磯,係業內口碑非常好,客戶遍佈英國、美國、歐洲,可以話係遍佈世界各地~佢喺2014年嘅時候,一對女同志好友首次接受佢嘅「捐精受孕」,自此之後佢就開拓咗呢門新生意!

美國男子Kyle Gordy嘅「捐精」生意已經遍佈全球!Photo from Inside Edition @ YouTube

透露入行原因

根據外媒報導,戈迪透露已經入行8年,現時有46位小朋友已誕生,尚有9位即將出世!過往佢都渴望擁有自己嘅小朋友,然而高離婚率以及一夫一妻制度,令佢覺得對於責任感太重,唔願意發展戀愛關係。

現時Kyle Gordy已經係55位小朋友嘅「爸爸」!Photo from VICE @ YouTube

佢亦會於IG上載客人嘅成功例子!Photo from kylegordy123 @ IG

4大原因令客人源源不絕

戈迪喺行內嘅口碑非常好,所以一直以來嘅客戶數量都有增無減,每位客人都對佢讚賞有加!以下係4點令佢保持生意成功嘅原因:

近年佢嘅口碑越來愈好,客人數目超多!Photo from VICE @ YouTube

1. 願意「親身上陣」

戈迪表示大多都會使用醫學方式,但偶爾亦會親身上陣與客人親密接觸「10%女士比較鍾意用傳統方式(受孕),因為唔想浪費時間」。不過前提係雙方都必須先到醫院做檢查,確保二人身上並冇任何傳染病等。

佢願意提供「親身上陣」嘅服務!Photo from VICE @ YouTube

2. 家庭背景良好

部分客人曾分享「用後感」,指戈迪家庭背景算係唔錯,家中嘅成員任職律師、工程師、科學家等專業工作,相信小孩子未來應該都幾聰明~加上根據佢過往嘅「生意」,小朋友嘅長相都非常可愛,令客人對佢嘅服務信心大增!

Kyle Gordy本身家庭背景亦唔錯!Photo from Inside Edition @ YouTube

3. 嚴格控制日常習慣

為咗令自己嘅保持優良嘅服務,戈迪非常嚴格地管理自己嘅飲食習慣:拒絕飲酒或咖啡、選擇有機食品進食、每日攝取多達18種維他命補充品等,務求令自己隨時都達到最佳狀態!

Kyle Gordy亦有於YouTube分享自己平常會服用嘅維他命!Photo from Kyle Gordy @ YouTube

4. 與小朋友們有聯繫

大部分客人認為最吸引嘅一點就係「戈迪願意與小朋友聯絡」,等小朋友都能夠了解親身父親。目前戈迪已經與9位「小孩」見過面,佢仲開設一個群組等所有「媽媽們」能夠分享孩子近況,令大家好似變成一個小家庭一樣~

過往佢曾經喺IG尚在「小朋友」嘅照片,至今佢已經同其中9位見過面!Photo from kylegordy123 @ IG

佢仲開設咗群眾俾「媽媽」們一起分享小朋友照片!Photo from kylegordy123 @ IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

36歲內地媽媽13年誕下7個子女,繳交逾百萬罰款都從不後悔!自稱高顏值+丈夫IQ高:優良基因不能浪費!

22 Apr , 2022

內地一直都有生育政策,直到2021放寬到變成「三孩政策」,每對夫婦可以誕下3個小孩。一位36歲嘅媽媽竟然喺結婚13年內分別誕下7個小孩,全因覺得自己擁有高顏值加上丈夫嘅高智商,令佢唔想浪費如此「優良」嘅基因?!

內地36歲媽媽「張榮榮」結婚13年誕下7名子女!Photo from 「深圳汪汪家」抖音

內地36歲媽媽13年誕下7個小孩!

一家9口自稱為「深圳汪汪家」,36嘅妻子將近20歲嘅時候就與丈夫結婚。婚後一年成功懷上第一胎;次年再懷上第二胎,直到2015年「二胎政策」解禁,佢就萌生想「瘋狂生」嘅諗法又再懷上龍鳳胎!

36歲內地媽媽於2006年於丈夫結婚!Photo from 「深圳汪汪家」抖音

就咁睇應該唔覺得佢係7個小朋友嘅媽媽~Photo from 「深圳汪汪家」抖音

本來只想生4個

誕下龍鳳胎後,張榮榮已經下定決心要「封肚」,打算專心照顧4個小朋友。2016年佢意外懷孕,正當佢猶豫應否誕下時,當時受年僅9歲嘅二女鼓勵決定生下來,衝破心裡關口!2018年,佢誕下第6個小孩;2019年再生下第7個。

2016年張榮榮意外懷孕,經過二女兒鼓勵下決定生下!Photo from 「深圳汪汪家」抖音

當時意外懷上第6胎嘅佢,拍下知道自己懷孕後嘅反應!Photo from 「深圳汪汪家」抖音

一家9口超熱鬧!

從影片中所見,佢哋人多勢眾,一家人一字排開就可以擋住成條街,平時喺屋企食飯都必須要排隊,超大陣仗@不過睇得出佢哋之間嘅感情唔錯~

全家人出動行街一字排開嘅時候,可以擋住成條街!Photo from 「深圳汪汪家」抖音

母親節送花嘅場面都好震撼!Photo from 「深圳汪汪家」抖音

已經繳交逾百萬「社會撫養費用」!

然而,內地喺2021年先開放「三孩政策」,因此兩夫婦已經因為育有7個孩子而繳交逾百萬嘅「社會撫養費用」!

兩夫婦已經因為生太多小朋友,而支付逾百萬嘅社會撫養費!Photo from 「深圳汪汪家」抖音

認為夫婦二人不能浪費優良基因!

不過,張榮榮表示從來冇後悔,仲大讚丈夫智商達到140加上自己嘅顏值高,坦承擁有如此優良嘅基因「不生孩子實在太浪費!」而且大家庭十分熱鬧,而小朋友亦能夠學會互相照顧,培養出隆厚嘅情感,認為既然能力許可下就生多啲!

張榮榮表示丈夫IQ140加上佢外貌出眾,認為唔可以浪費優良嘅基因!Photo from 「深圳汪汪家」抖音

然而兩夫婦都並冇後悔組成大家庭!Photo from 「深圳汪汪家」抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel