26歲謝嘉怡於英國坐擁2個物業!坦承香港房價偏貴!3大良好理財習慣2年成功儲到首期?

26歲謝嘉怡於英國坐擁2個物業!坦承香港房價偏貴!3大良好理財習慣2年成功儲到首期?

娛樂新聞
By Stephanie on 05 May 2022
Digital Content Writer

2020港姐冠軍謝嘉怡(Lisa)入行後工作機會並唔算多,近日佢於小紅書分享理財心得,大談如何喺香港租屋或者「上車」,坦承香港房價負擔大。而佢仲話現時自己於英國手持2個物業,讀大學嘅時候就已經做業主!

現年26歲嘅謝嘉怡已經喺英國手持兩個物業!Photo from 謝嘉怡IG

謝嘉怡曾於蘇格蘭任職護士

現年26歲嘅謝嘉怡(Lisa)2020年從英國回流返港參加選美比賽,並榮獲冠軍以及「最上鏡小姐」殊榮!入行前,佢畢業愛丁堡納皮爾大學護理學系,仲喺蘇格蘭做過護士。

謝嘉怡2020榮獲港姐冠軍以及「最上鏡小姐」!Photo from 謝嘉怡IG

入娛樂圈前,Lisa曾經喺蘇格蘭任職護士一職!Photo from 謝嘉怡IG

分享理財心得

日前,謝嘉怡喺小紅書向大家分享理財心得,佢認為現時大部分人都鍾意購物「買條裙穿一次就扔」,容易製造大量廢物,所以佢就堅持要將衣物都穿破爛先回收或扔掉!而且,佢覺得花錢購買有紀念價值嘅物品,先能夠令錢用得有意義;加上父母小時候用唔同方式教導佢理財,所以佢一直都有儲蓄嘅習慣。

謝嘉怡表示自己唔太追求物質上嘅東西,大部分衣物都會著到破爛先扔!Photo from 謝嘉怡小紅書

而佢表示父母小時候就利用糖果教導佢儲蓄,所以養成咗儲蓄嘅習慣!Photo from 謝嘉怡IG

驚嘆英國與香港房價差異大!

現時謝嘉怡於香港租樓住,仲話喺香港同英國置業截然不同!佢指英國有種說法係「如果要買樓,房價最高係你年薪嘅3倍以上!」;亦即係若果年薪係$30萬,就應該物色$60萬至$90萬嘅房屋。

謝嘉怡講述喺英國當地買樓嘅普遍說法!Photo from 謝嘉怡小紅書

大部分英國人都認為買樓價值最高只係年薪嘅3倍多。Photo from 謝嘉怡小紅書

坦承香港房價昂貴,現時只係租樓住

然而,呢種說法卻難以套用於香港,佢表示香港至少都要過百萬先能夠「上車」,對於佢而言負擔十分大,因此佢並未有於香港置業嘅打算,道出唔少香港人嘅心聲!

現時嘅佢喺香港租樓住Photo from 謝嘉怡IG

坦承買樓負擔大,並未有於香港置業打算Photo from 謝嘉怡小紅書

大學時就已經買樓!

謝嘉怡表示英國同香港之間嘅房價差異極大,兩房、上下樓梯、前後花園加上私人車位嘅大屋喺英國大約需要港幣$100萬就買到。而佢讀大學期間亦搵到一份全職工作「我非常幸運能和父母一起住,不需要買柴米油鹽。」所以佢當時將薪水儲起晒!

佢話英國大屋大約係港幣百萬就能夠購入!Photo from 謝嘉怡小紅書

大學時期,Lisa亦搵到全職工作,並將當時嘅薪水儲下來!Photo from 謝嘉怡小紅書

成功再購入第二個物業!

直到Year 2,謝嘉怡嘅儲蓄已經足夠支付首期,並買下人生第一個物業!後來,佢就將該房子出租,成功賺到錢後,又再購買第二個物業,表示自己真係十分幸運~

大二嘅時候,Lisa就已經儲到首期嘅錢!Photo from 謝嘉怡小紅書

佢購入第一間物業後就放租,再用賺到嘅錢購入第二個房屋!Photo from 謝嘉怡小紅書

過往曾自爆於蘇格蘭做護士薪水!

入行前於蘇格蘭做護士嘅謝嘉怡曾自爆當時嘅收入穩定,月薪大約係$2.6萬,仲會有加班費!雖然薪水不及香港,但由於英國開支少「使費係香港嘅一半」,所以都能夠儲到唔少錢。

謝嘉怡於蘇格蘭做護士時,月薪大約係$2.6萬港幣!Photo from 謝嘉怡小紅書

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

謝嘉怡自爆簽TVB收入低:我個底薪好少!公開英國做護士月薪

2 Feb , 2022

香港小姐冠軍謝嘉怡(Lisa)簽約TVB後工作唔算好多,近日佢於小紅書與陸浩明(6號)拍片大談簽約TVB後嘅收入,佢又自爆以前喺蘇格蘭做護士嘅月薪,直言英國花費比香港平好多。

近日謝嘉怡於小紅書與陸浩明(6號)拍片大談簽約TVB後嘅收入Photo from 謝嘉怡 小紅書

港姐冠軍謝嘉怡簽約TVB後出演《愛·回家之開心速遞》

謝嘉怡2020年參選港姐成功奪得冠軍及「最上鏡小姐」,成雙料冠軍。之後簽約TVB,謝嘉怡奪冠後人氣唔錯,更成廣告商新寵,接咗唔少job。

謝嘉怡2020年參選港姐成功奪得冠軍及「最上鏡小姐」,成雙料冠軍。Photo from 謝嘉怡 IG

不過佢中文唔流利,所以未有即時接拍劇集。謝家怡2021年加入《愛·回家之開心速遞》劇組,飾演接龍集團實習生「呂冠君」一角,亦係佢暫時接拍嘅唯一一套劇。

謝家怡2021年加入《愛·回家之開心速遞》劇組,飾演接龍集團實習生「呂冠君」一角Photo from 謝嘉怡 IG

與陸浩明拍片分享收入

近日佢與6號拍片,喺小紅書向大眾分享港姐嘅收入。影片一開始6號就指新年唔少長輩都會問「搵幾錢人工?」,謝嘉怡指佢嫲嫲都佢問呢個問題,佢表示以前喺蘇格蘭嘅工作收入穩定,又有加班費,嫲嫲一直都擔心佢喺香港搵唔到錢。

近日謝嘉怡與6號拍片,喺小紅書向大眾分享港姐嘅收入。Photo from 謝嘉怡 小紅書

謝嘉怡表示以前喺蘇格蘭嘅工作收入穩定,又有加班費,嫲嫲一直都擔心佢喺香港搵唔到錢。Photo from 謝嘉怡 小紅書

謝嘉怡於蘇格蘭長大,2019年畢業於愛丁堡納皮爾大學護理學系,畢業後曾於醫院任職護士,直到2020年為咗完成爸爸夢想,所以報名參選《香港小姐競選》。

謝嘉怡畢業後曾於醫院任職護士,直到2020年為咗完成爸爸夢想,所以報名參選《香港小姐競選》。Photo from 謝嘉怡 IG

謝嘉怡公開英國做護士月薪,大爆簽TVB底薪低

6號問佢之前喺蘇格蘭做護士收入有幾多,謝嘉怡指月薪約為$2.6萬,雖然不及香港,但佢直言英國開支少好多,係香港一半。買樓嘅按揭為港幣$4,000。

6號問佢之前喺蘇格蘭做護士收入有幾多Photo from 謝嘉怡 小紅書

謝嘉怡指月薪約為$2.6萬Photo from 謝嘉怡 小紅書

謝嘉怡直言英國開支少好多,係香港一半。買樓嘅按揭為港幣$4,000。Photo from 謝嘉怡 小紅書

之後6號又問佢喺簽咗TVB之後嘅收入,謝嘉怡稱每個月都唔同,視乎佢有無劇拍,喺6號再追問之下,佢坦言自己個底薪係好少,所以最低收入嘅一個月薪金都非常低。

6號問謝嘉怡喺簽咗TVB之後嘅收入Photo from 謝嘉怡 小紅書

謝嘉怡稱每個月都唔同,視乎佢有無劇拍Photo from 謝嘉怡 小紅書

喺6號再追問之下,謝嘉怡坦言自己個底薪係好少Photo from 謝嘉怡 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel