大學畢業新同事唔識用Outlook被取笑!出嚟做嘢識用Excel係基本?

大學畢業新同事唔識用Outlook被取笑!出嚟做嘢識用Excel係基本?

時事熱話
By Jennifer on 09 Jun 2022
Digital Editor

出嚟做嘢有時都會發現喺學校學嘅嘢同實際做嘢可能會有啲分別,近日討論區有網友指新同事唔識用Outlook功能,每次都要copy。有網友亦表示遇過實習生唔識得用excel計數,令同事感嘆:「出嚟做嘢識excel係基本」

近日討論區有網友指新同事唔識用Outlook功能,每次都要copy。Photo from 《我要準時下班》劇照

大學畢業新同事唔識用Outlook?

喺連登討論區有網民以「新同事 outlook都唔識用」為題發文,樓主表示新同事係fresh grad:「講到咩大學畢業,笑死,原來outlook都唔識用!」

樓主表示新同事係fresh grad:「講到咩大學畢業,笑死,原來outlook都唔識用!」Photo from 《大叔的愛》劇照

樓主稱佢見到新同事每次send email其實都係copy上一份嘅結尾,即係「Best regards」、「All the best」、「Regards」等,指佢連email 簽名都唔識整自動加入。

樓主稱佢見到新同事每次send email其實都係copy上一份嘅結尾Photo from 《未生》劇照

港男笑新同事

樓主指佢特登整個份email template畀新同事,叫新同事test下,但佢其實靜靜雞喺「To」嗰度加咗個全公司同事都會收到嘅email別名,結果新同事真係send咗畀全公司,仲勁緊張咁問樓主點算,而樓主就笑新同事連recall email都唔識:「仲話咩以後都唔敢亂send email,飯都食唔落」

樓主指佢特登整個份email template畀新同事,叫新同事test下,但佢其實靜靜雞喺「To」嗰度加咗個全公司同事都會收到嘅email別名Photo from 《大叔的愛》劇照

結果新同事真係send咗畀全公司,仲勁緊張咁問樓主點算Photo from 《我要準時下班》劇照

返工係做嘢唔係學嘢?!網民斥港男小器

有網民認為樓主同事只係啱啱大學畢業,無咩工作經驗唔識都好正常,有人教佢好快就掌握到,但有人指:「公司出人工請佢返嚟係做嘢唔係學嘢,學嘢就返學校」,樓主亦深表同意。

有人指:「公司出人工請佢返嚟係做嘢唔係學嘢,學嘢就返學校」,樓主亦深表同意。Photo from LIHKG

有網民認為樓主同事只係啱啱大學畢業,無咩工作經驗唔識都好正常Photo from 《我們與惡的距離》劇照

網民唔認同「返工係做嘢唔係學嘢」言論Photo from LIHKG

之後樓主更留言指新同事稱佢用開WhatsApp,佢大表不屑:「阿同事呀同事,世界唔係圍住你轉,人工高我少少唔係大晒」,即被網友反嘲原來係唔抵得人哋人工高:「人哋一入嚟乜都唔識人工已經高過你」

樓主更留言指新同事稱佢用開WhatsApp,佢大表不屑:「阿同事呀同事,世界唔係圍住你轉,人工高我少少唔係大晒」Photo from 《我要準時下班》劇照

網友反嘲原來係唔抵得人哋人工高Photo from LIHKG

網民批樓主有私心Photo from LIHKG

實習生唔識Excel功能

喺香港討論區都有網友開post,佢稱公司請咗一位實習生,除咗打字咩都唔識,同事畀咗份文件佢入電腦,佢表示呢個工作好簡單,只需輸入文字同計簡單數學:「啲數係可以打晒落excel之後一拉就計到」,點知個實習生用自己手機計數,令同事哭笑不得,唯有教埋實習生點樣用excel計數。

公司請咗一位實習生,除咗打字咩都唔識,同事畀咗份文件佢入電腦Photo from 《我們與惡的距離》劇照

實習生用自己手機計數,令同事哭笑不得,唯有教埋實習生點樣用excel計數。Photo from 《繼承者們》劇照

實習生稱佢以前無學過點用excel,一直以為excel只係將啲嘢一格一格咁分開。事後樓主同同事傾偈,同事認為依家出嚟做嘢識excel係基本:「如果連excel都唔識,好難做到文職」

事後樓主同同事傾偈,同事認為依家出嚟做嘢識excel係基本Photo from 《前輩,那支口紅不要塗》劇照

文職必學軟件

好多網友認同樓主同事嘅睇法,直言Words、Excel、PowerPoint都係基本,又質疑點解連拉落去就計到數都唔識:「中學電腦堂都唔教?」亦有人覺得唔識都唔出奇,可能實習生讀嗰間學校真係無教到都唔奇。

網民質疑點解連拉落去就計到數都唔識:「中學電腦堂都唔教?」亦有人覺得唔識都唔出奇Photo from 香港討論區

好多網友認同樓主同事嘅睇法,直言Words、Excel、PowerPoint都係基本Photo from 《我們與惡的距離》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

打工仔指90後英文差,email錯漏百出!舉例反被網民笑:半斤八兩

6 May 2022

返工好多時都要用email溝通,唔少公司更習慣打英文。近日有網民喺討論區指90後同事英文都好差,更列出幾個例子,直言睇見都燥,點知反而被笑佢嘅英文都唔好得去邊!

返工好多時都要用email溝通,唔少公司更習慣打英文。Photo from 《無法成為野獸的我們》劇照

打工仔指90後英文普遍都好差

打工仔返工點都要學識一啲email常用嘅英文句子傍身,不過有時啲詞語可能都會用錯。有網民喺香港討論區發文「發覺90後員工英文普遍都係好差」,引起熱議。

有網民喺香港討論區發文「發覺90後員工英文普遍都係好差」,引起熱議。Photo from 《大叔的愛》劇照

舉例稱email錯漏百出睇到燥:open conditioner

樓主表示佢見到有90後同事借notebook,喺email寫「borrow notebook」,樓主指:「唔識用lend?」佢又稱當90後叫人列某啲嘢出嚟嘅時候就用「Please list out」,樓主睇到十分無奈:「又list 又out想點?」

當90後叫人列某啲嘢出嚟嘅時候就用「Please list out」,樓主睇到十分無奈:「又list 又out想點?」Photo from 《我們與惡的距離》劇照

樓主再舉例指見過90後將開冷氣寫成「open conditioner」,佢表示應該用「turn on」先啱。樓主直言90後員工英文差:「雖然唔係大錯,但睇見真係好燥」

樓主再舉例指見過90後將開冷氣寫成「open conditioner」Photo from PressLogic

樓主直言90後員工英文差:「雖然唔係大錯,但睇見真係好燥」Photo from 《大叔的愛》劇照

網友反應:明白就得 vs 中文都差

有網友就認為樓主太執著於英文,溝通最緊要雙方明大家講乜就得:「如果話佢地英文差到影響公司就話啫,唔係嘅話,睇得明就算啦」、「笑吓咪算囉,嬲得幾多?」

有網友就認為樓主太執著於英文,溝通最緊要雙方明大家講乜就得Photo from 《大叔的愛》劇照

網民:「如果話佢地英文差到影響公司就話啫,唔係嘅話,睇得明就算啦」Photo from 香港討論區

網友:「笑吓咪算囉,嬲得幾多?」Photo from 香港討論區

亦有人指應該係樓主間公司對入職員工要求太低,如果見工要全英文做筆試、再小組討論、最後由高管單對單,相信請返嚟嘅人英文唔會差。有網民認同樓主指90後英文唔好,仲直言其實佢哋中文都好差!

有人指應該係樓主間公司對入職員工要求太低Photo from 《我的大叔》劇照

有網民認同樓主指90後英文唔好,仲直言其實佢哋中文都好差!Photo from 《我要準時下班》劇照

網民發現樓主英文都出錯:五十步笑百步

樓主稱90後英文普遍差,又舉咗幾個例子,但就被網友指出佢英文都唔好得去邊!樓主表示90後「borrow notebook」唔啱,應該用「lend」,但其實借入用「borrow」,借出先用「lend」,所以90後用borrow係無問題。

樓主表示90後「borrow notebook」唔啱,應該用「lend」,但其實借入用「borrow」,借出先用「lend」Photo from 《上司實習生》劇照

90後用borrow係無問題Photo from 香港討論區

網民直言樓主根本五十步笑百步:「不如你了解吓borrow同lend點用先出post話人哋英文唔好?我睇到都覺得好燥」

網民直言樓主根本五十步笑百步Photo from 《大叔的愛》劇照

網友:「不如你了解吓borrow同lend點用先出post話人哋英文唔好?我睇到都覺得好燥」Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel