賴弘國首晒第三任妻子正面照!Alice懷孕近7個月仍明艷照人

賴弘國首晒第三任妻子正面照!Alice懷孕近7個月仍明艷照人

娛樂新聞
By Jennifer on 09 Jun 2022
Digital Editor

賴弘國鍾欣潼(阿嬌)離婚後2年再搵到真命天女Alice,更雙喜臨門,宣佈第三度結婚兼升呢做爸爸!佢一直好保護妻子,影相都會用sticker遮住老婆嘅樣,但最新一張合照佢就大方晒老婆正面,唔少網友大感羨慕:「老婆好正喔!」

賴弘國與鍾欣潼(阿嬌)離婚後2年再搵到真命天女AlicePhoto from 賴弘國 IG

賴弘國與結婚14個月後宣佈離婚

有「醫界王陽明」之稱嘅賴弘國2018年同阿嬌結婚,當時大宴親朋,係圈中盛事。之後兩人亦不時大晒恩愛,但不料佢哋嘅婚姻只係維持咗短短14個月就結束,當時賴弘國曾表示阿嬌根本唔愛佢!

有「醫界王陽明」之稱嘅賴弘國2018年同阿嬌結婚,但兩人婚姻只係維持咗短短14個月就結束Photo from 阿嬌 微博

離婚後兩人都有公開提起呢段婚姻,阿嬌表示當時會同賴弘國閃婚係因為好中意佢嘅家庭氣氛,而賴弘國亦一度暴瘦,又表現深情,離婚1年依然未放低對方,更有傳他曾向家人表示今後唔會再結婚,認為婚姻唔能夠帶畀佢幸福,似乎唔再相信愛情!

阿嬌表示當時會同賴弘國閃婚係因為好中意佢嘅家庭氣氛Photo from 賴弘國 IG

賴弘國同阿嬌離婚後一度暴瘦,又表現深情,離婚1年依然未放低對方,更有傳他曾向家人表示今後唔會再結婚Photo from 賴弘國 IG

離婚兩年,賴弘國第三度結婚兼首次做爸爸

但緣來擋不住!喺離婚一年後佢就曾經喺IG公開一家人合照為爸爸慶祝生日,當時佢用蜜桃emoji遮住旁邊一位長髮女生嘅臉孔,有人猜測係佢新女友。

離婚一年後賴弘國喺IG公開一家人合照為爸爸慶祝生日,當時佢用蜜桃emoji遮住旁邊一位長髮女生嘅臉孔Photo from 賴弘國 IG

到2022年有網民爆料賴弘國已成功向女友求婚,有人更搵到賴弘國女友Alice嘅私人IG,女方上傳咗Cartier戒指盒,並卡caption寫道:「Yes I do」引發結婚傳聞。2022年2月,賴弘國證實第三度結婚,更承認妻子Alice已經懷孕,預產期係8月。

2022年有網民爆料賴弘國已成功向女友求婚,有人更搵到賴弘國女友Alice嘅私人IG,女方上傳咗Cartier戒指盒,並卡caption寫道:「Yes I do」Photo from Alice IG

孕妻Alice正面照公開!

榮升做爸爸嘅賴弘國日前同妻子去旅行,佢喺IG公開夫妻合照:「一家三口第一次的輕旅行」,又hashtag「#小賴寶快快長大喔」,賴弘國不忘幫妻子遮樣,Alice小腹微隆,即使睇唔到表情亦感受到佢滿滿嘅幸福~

榮升做爸爸嘅賴弘國日前同妻子去旅行,佢喺IG公開夫妻合照:「一家三口第一次的輕旅行」Photo from 賴弘國 IG

最近賴弘國更新IG,公開朋友聚會嘅大合照,今次佢大方晒出愛妻Alice嘅正面,懷孕近7個月嘅Alice氣色超好,皮膚白淨而且手腳纖幼,狀態唔錯!好多網友留言:「老婆很正哦」、「老婆很有氣質耶!」

近日賴弘國更新IG,公開朋友聚會嘅大合照,今次佢大方晒出愛妻Alice嘅正面Photo from 賴弘國 IG

懷孕近7個月嘅Alice氣色超好,皮膚白淨而且手腳纖幼,狀態唔錯!Photo from 賴弘國 IG

好多網友留言:「老婆很正哦」、「老婆很有氣質耶!」Photo from 賴弘國 IG

有指Alice同賴弘國第一任妻子趙筱葳(Ivy)同樣係做空姐出身,Alice曾經喺阿聯酋航空任職空中服務員,現時係一名上班族。

賴弘國第一任妻子趙筱葳(Ivy)Photo from Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

阿嬌鍾欣潼同賴弘國離婚有不捨!爆當初結婚原因!阿Sa蔡卓妍唔後悔嫁鄭中基!

10 Dec 2021

Twins出道20年,阿Sa(蔡卓妍)阿嬌(鍾欣潼)喺內地有唔少節目同活動,近日兩人上《魯豫有約一日行》透露經歷過失婚後對婚姻同家庭嘅睇法,坦言唔後悔與前夫結婚,又大談對生小朋友嘅睇法。

Twins出道20年,阿Sa(蔡卓妍)同阿嬌(鍾欣潼)喺內地有唔少節目同活動

Mani霍汶希指Twins出道即爆紅,估到組合會走到20年

節目一開始,阿Sa、阿嬌同經理人Mani(霍汶希)登場,主持人魯豫提到Twins出道20年,問Mani有無諗過佢哋呢個二人組合會維持到咁耐,Mani自言有估到。

主持人魯豫提到Twins出道20年,問Mani有無諗過佢哋呢個二人組合會維持到咁耐,Mani自言有估到。

Mani表示當年Twins出道一年就爆紅,全香港人都為佢哋著迷:「一歲到八十歲的都喜歡她們。」,外界唔少聲音都指Twins唔紅得幾耐,於是Mani下定決心要令呢個組合一直行落去,並同公司商量每次Twins出專輯都花大量心力,務求每次都畀到新鮮感觀眾。

Mani表示當年Twins出道一年就爆紅,全香港人都為佢哋著迷

廣告
廣告

外界唔少聲音都指Twins唔紅得幾耐,於是Mani下定決心要令呢個組合一直走落去

Mani同公司商量每次Twins出專輯都花大量心力,務求每次都畀到新鮮感觀眾。

阿Sa、阿嬌坦言唔後悔結婚

阿Sa阿嬌稱大家都好了解對方,兩人都曾經歷結婚、離婚,主持人魯豫問佢哋如果可以重來,仲會唔會結婚,阿Sa稱唔後悔同鄭中基結婚:「沒有,因為我真的愛,但是如果你問我現在還會不會結婚,我不知道。」,而阿嬌則輕輕搖頭表示有得重新嚟過嘅話佢唔會結婚,但佢亦指:「其實我也不後悔,我也是希望得到大家的祝福。」

阿Sa阿嬌稱大家都好了解對方,兩人都曾經歷結婚、離婚

魯豫問佢哋如果可以重來,仲會唔會結婚,阿Sa稱唔後悔結婚:「沒有,因為我真的愛」

阿Sa曾承認於2006年同鄭中基結婚

阿嬌則輕輕搖頭表示有得重新嚟過嘅話佢唔會結婚

阿嬌:「其實我也不後悔,我也是希望得到大家的祝福。」

阿Sa坦言以前將婚姻睇得太簡單:「就覺得兩個人相愛,然後就結婚了,但是沒想到結婚之後,相處是一個很大的學問。」

阿Sa坦言以前將婚姻睇得太簡單

阿嬌鍾欣潼爆同前夫賴弘國結婚原因

魯豫稱結婚多年嘅夫妻需要互相包容,阿嬌似有暗示:「我已經很包容了。」,佢又指自己啱啱離婚暫時唔急於要再開始新戀情:「我沒必要找一個人回來常常發我脾氣、跟我吵架甚麼的。」

魯豫稱結婚多年嘅人夫妻之間都需要包容,阿嬌似有暗示:「我已經很包容了。」

阿嬌指自己剛離婚暫時唔急於要再開始新戀情:「我沒必要找一個人回來常常發我脾氣、跟我吵架甚麼的。」

阿嬌與前夫賴弘國婚姻僅維持14個月

阿嬌又爆當初點解會同賴弘國結婚:「我為甚麼結婚?因為我很喜歡他的家庭,他家庭氛圍很好。」,佢指前夫賴弘國父母教育好好,係博士、老師,阿嬌坦承係因為家庭而愛一個人,又稱離婚時喊得最勁係因為唔捨得前夫嘅爸爸媽媽。

阿嬌又爆當初同賴弘國結婚嘅原因

阿嬌指賴弘國家庭氛圍好好

阿嬌稱離婚時喊得最勁係因為唔捨得前夫嘅爸爸媽媽。

阿嬌曾想生BB

提到生小朋友嘅話題,阿嬌指佢都希望會生BB,但唔會強求:「就是老了還是要想一個小朋友會陪伴你。」,佢笑言覺得自己基因唔差,不過如果無小朋友都無所謂。佢又指喺前夫咁美好嘅家庭環境曾令佢想生bb:「但可惜...就沒有。」而阿Sa則稱暫時無打算生小朋友,又指如果最後無生到都可以收養一個。

提到生小朋友嘅話題,阿嬌指佢都希望會生BB,但唔會強求

阿Sa則稱暫時無打算生小朋友,又指如果最後無生到都可以收養一個

阿Sa罕有向男友示愛,稱享受二人世界

阿Sa於2017年承認與「百億麻將館太子爺」石恆聰拍拖,相戀4年佢罕有提及男友,佢指平時唔會高調放閃,阿嬌即插嘴:「高調都會失敗的」 。阿Sa表示曾經覺得會單身好耐所以努力工作賺錢養自己,但愛情就突然降臨:「通常是你沒想到,你不想它(愛情)就來了!」

阿Sa於2017年承認與「百億麻將館太子爺」石恆聰(左二)拍拖

阿Sa指平時唔會高調放閃,阿嬌即插嘴:「高調都會失敗的」

阿Sa表示曾經覺得會單身好耐所以努力工作賺錢養自己,但愛情就突然降臨

阿Sa更向男友「示愛」:「我也挺愛我男朋友的。」又表示因為好愛男友,所以好享受兩個人嘅時光,根本唔想生小朋友:「兩個人的時光實在太好了,你就不想生一個人出來破壞它。」

阿Sa更向男友「示愛」:「我也挺愛我男朋友的。」

阿Sa表示好享受兩個人嘅時光,根本唔想生小朋友

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel