陳瀅拍片分享手袋及隨身物品,網民錯重點只留意車匙?!出身富貴,獨居於價值3千萬九龍豪宅!

陳瀅拍片分享手袋及隨身物品,網民錯重點只留意車匙?!出身富貴,獨居於價值3千萬九龍豪宅!

娛樂新聞
By Stephanie on 10 Jun 2022
Digital Content Writer

現年32歲嘅陳瀅外型甜美深受觀眾喜歡,本身家底豐厚嘅佢亦擁有唔少名牌手袋嘅收藏。最近,佢就拍片分享「What's in my bag」,大晒價值逾2萬嘅Chanel手袋,當中眼利嘅網民就留意到名車車匙,生活果然十分富貴!

陳瀅拍片分享自己嘅手袋,但網民卻頻頻錯重點?!Photo from 陳瀅IG

陳瀅獲導演葉念琛讚賞!

由導演葉念琛執導嘅《美麗戰場》係以韓劇《Penthhouse》為藍本嘅劇集,並由陳瀅、劉佩玥、朱晨麗等人主演。而葉念琛喺接受傳媒訪問時,坦承十分欣賞陳瀅,仲特意欽點對方做電視版「阿寶」,而陳瀅仲將會同緋聞對象方力申有對手戲。

導演葉念琛執導嘅《美麗戰場》已經開拍!Photo from 《東張西望》

當中陳瀅獲導演大讚,仲稱佢為電視版「阿寶」!Photo from 《東張西望》

拍片分享「What's in my bag」

外型甜美嘅陳瀅一直都深受大眾關注,穿搭時尚嘅佢仲喜歡收藏名牌手袋~日前,佢就拍片向大家分享「What's in my bag」,並且大晒Chanel 2022cc 長方盒手袋,售價大約係$21,000,然而手袋並唔易買到,市面上嘅炒價已經至少升至$27,000,深受女士們喜愛!

佢現時攞嘅手袋就係Chanel 2022cc 長方盒,售價大約係$21,000!Photo from 陳瀅抖音

偏愛用細手袋!

影片中所見,陳瀅表示自己平常只會攞細手袋「我是一個不喜歡拿太多東西的人。」而佢就話手袋雖然睇落好細,但容量非常夠用,裡面有濕紙巾、護手霜、髮夾、潤唇膏等,而網民都非常好奇點解會唔帶錢包?!

手袋裡面有紙巾、護手霜、唇膏等Photo from 陳瀅抖音

陳瀅手袋外型好細,但容量卻非常大!Photo from 陳瀅抖音

網民錯重點,只留意到車匙?!

另一方面,網民將焦點放咗喺陳瀅嘅車匙上,發現佢現時揸嘅車就係保時捷名車!唔少網民都留言話「這個小包用來上班的,波子上面應該還有另外一個袋是下班用」、「只留意到保時捷」等。

唔少網民都非常留意陳瀅嘅車匙!Photo from 陳瀅抖音

眼利嘅網民一下子就發現陳瀅現時正在揸保時捷名車!Photo from 陳瀅抖音

疑似配戴勞力士名錶?

除此之外,有網民仲發現陳瀅手上疑似配戴住勞力士女裝名錶。翻查之下,勞力士亦有類似款式嘅手錶,行頭果然非同凡響~

亦有網民發現陳瀅疑似帶住勞力士手錶?!Photo from 陳瀅抖音

翻查之下,勞力士亦有類似款式嘅手錶。Photo from 陳瀅抖音

家底豐厚,2017年開始於豪宅獨居!

其實陳瀅本身家底豐厚,有指佢繼父於內地從事房地產生意,仲擁有一座6層高嘅商場,被稱為「商場大王」!喺2017年,陳瀅就被爆搬入價值3千萬嘅九龍匯翔道8號The Austin,享受豪華單身生活;加上佢近年備受大台力捧,相信佢嘅生活一定會越來越富貴~

陳瀅本身家底唔錯,有指佢繼父喺內地從事房地產生意,坐擁一棟6層高嘅商場Photo from 陳瀅IG

而陳瀅2017年就搬入價值3千萬嘅九龍豪宅!Photo from 陳瀅IG

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

TVB傳拍港版《Penthouse》曾志偉愛將蔡潔 陳瀅同呢2位小花擔正?!

7 Dec , 2021

曾志偉年初回巢TVB擔任高層後,就作出大量改革務求提升節目質素及人氣,近日有傳佢搵嚟葉念琛導演籌備翻拍韓劇《上流戰爭》(Penthouse)。演員方面,無綫四位小花包括陳瀅劉佩玥、蔣家旻及蔡潔有傳擔正,上演一場狗血故事!

陳瀅、劉佩玥、蔣家旻及蔡潔被傳係TVB翻拍港版《Penthouse》主演人選Photo from Instagram

TVB將翻拍大熱韓劇《Penthouse》?

曾志偉上任TVB副總經理不足一年,就積極革新旗下嘅綜藝節目。除咗綜藝,現有傳佢將會插手劇集,仲搵嚟外援,有「MK活地亞倫」之稱嘅葉念琛導演開劇。其實葉及曾二人早在2010年已合作拍攝過電影《72家租客》,難怪曾志偉再次搵佢。

曾志偉和葉念琛早有合作經驗Photo from 《72家租客》海報

傳搵葉念琛外援

今次有傳曾志偉想葉念琛開拍港版《上流戰爭》(Penthouse),《上流》係2020年一套講述幾名女子復仇與鬥爭嘅劇集,由於在南韓爆紅,所以劇集開拍到第三季。

《Penthouse》在南韓引起極高話題度Photo from SBS

有指曾志偉愛將蔡潔有望主演

有指曾志偉對葉念琛構思劇情嘅能力充滿信心,但志偉喺演員方面亦有自己嘅心水人選。據聞,TVB正在上位嘅四位小花陳瀅、劉佩玥、蔣家旻及蔡潔都有望主演。

而當中嘅蔡潔更曾同曾志偉在電影《香港仔》合作過,佢當時全裸上陣同曾志偉拍大膽情慾戲,並於當時引起話題。蔡潔更憑《香港仔》獲得第34屆香港電影金像獎最佳新演員提名。

蔡潔首次拍電影便與曾志偉有大膽情慾戲Photo from 《香港仔》預告片

蔡潔表示過不後悔全裸演出Photo from 《香港仔》預告片

而另一傳聞中嘅人選,蔣家旻亦早於2013年拍過葉念琛執導電影《第一次不是你》。

蔣家旻電影處女作演出受到不少讚賞Photo from 《第一次不是你》劇照

而其餘兩位女演員近來亦有搞作,陳瀅同緋聞男友周嘉洛拍畢古裝劇《痞子殿下》。劉佩玥就有份參演剛播映完畢嘅台慶劇《換命真相》。

陳瀅將有古裝劇《痞子殿下》上映Photo from 陳瀅 IG

同《家族榮譽》相似?

雖然TVB翻拍《Penthouse》嘅傳聞頗有睇頭,不過亦有網民指佢可能會同另一劇集撞橋!由金牌監製梁家樹監製嘅《家族榮譽》係一套由優酷及寰亞傳媒出品嘅時裝家族網劇,其演員陣容強大,主演包括張智霖、楊茜堯(楊怡)、黃浩然、 熊黛林、李彩華、羅子溢(羅仲謙)等,劇情有關三代家族人士嘅恩怨情仇、明爭暗鬥故事,據聞myTV SUPER已購入此劇。同樣係狗血劇,難怪有網民懷疑將開拍嘅港版《Penthouse》與《家族榮譽》相似。

《家族榮譽》卡士強大,有張智霖等紅星參演Photo from 《家族榮譽》微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel